Psalm 119:45 - Edo Bible (E Baibol Ẹdo) Version 1996

⁴⁵ Mẹ gha rrọọ, zẹ vbe ọmwa ne ọ yan egbe ẹre rhunmwuda mẹ hia ne I gha mu iruẹmwi ruẹn sẹ.

Psalm 119:45 ပူးပေါင်းရင်းမြစ်များ

Psalm 119:133

Da mwẹ yi ne I ghẹ de, zẹ vbene u khare; ghẹ gie ọkhọ siẹn yan mwẹ ginna otọ.

Psalm 119:148

Te I rhan aro ua ye ukpo ne ẹdẹ gbe, ne I ya gha mu ẹmwẹ iyi ruẹ ro.

Psalm 119:162

U miẹn vbe ẹko rhiẹnrhiẹn mwẹ ye eyan ruẹn hẹ, ọ ye vbe ọyẹnmwẹ ne ọ sẹ ọmwa, ne ọ miẹn ako otọ emwi ighobioye nẹ, ne ọ lẹre.

Psalm 119:19

Ovbi ẹghẹ kherhe ọ re I ya rre agbọn na, ghẹ rhie iyi ruẹ lẹre mẹ.

Psalm 119:32

Mẹ gha ya isasegbe mu uhi ruẹ sẹ, rhunmwuda, u gha rhie irẹnmwi mẹ sayọ.

Psalm 119:71

Ọ ma mẹ vbe a gbe mwẹ hin ọkhọ rre, rhunmwuda, ọ ya mwẹ ruẹ iyi ruẹ.

Psalm 119:94

Ọwuẹ ọ re imẹ khin, miẹn mwẹ fan! I wa hia nẹ ne I rhie iyi ruẹ mwẹ.

Itan 18:1

Emwa ne ẹ i gu emwa ọvbehe ro, enegbe iran okpa ọ re iran rẹnrẹn; emwa hia gha rhe rẹn wẹ emwi ne ọ gbae nene emwi khin, iran ghi wẹ, ẹn o.

Itan 4:12

Idobo rhọkpa i ra vbe gha rre uwẹ odẹ, a dẹghe u ye ewaẹn khian, a deghẹ u vbe rhulẹ, u i ra rrua owẹ.

Asan-Ibo 1:13

I keghi wa yan tae, I keghi vbe mu aro yọ wẹ, I gha gualotọ emwi hia ne a ru vbe agbọn na. Agbọn usẹ ọ re Osanobua mwamwa ne ima.

Iyẹn ne ọ Maan Ọghe Luk 4:18

“Orhiọn Nọyaẹnmwa hin yan mwẹ. Ọ zẹ mwẹ nẹ ne I ya kpe orhu Iyẹn Ne ọ maa ma ivbiogue, ọ gie mwẹ ne I ya na iyẹn afanvbirri ma avbe oghunmwu, a dọlegbe bẹghe ne avbe arhuaro, ne afannọ iran na zẹ kpokpo ye otọ,

Iyẹn ne ọ Maan Ọghe Jọn 5:39

Wa vbe tie Ebe ne ọ huanrẹn ni rhunmwuda wa ro ighẹ uwu iran ọre uwa gha na miẹn arrọọ ne ẹ i fo. Iran tobọ iran vbe sẹ osẹe mẹ.

Ẹfisọs 5:17

Rhunmwuda ọnii, wa ghẹ gha re akpa sokpan, hia ne u gha gualọ otọ ẹre ighẹ emwi ne Nọyaẹnmwa ho ne u ru.

Jems 1:25

Sokpan, ọmwa ne ọ gbe aro ke otọ ghe uhi ne ọ gbae ne ọ ya ọmwa khian nọyan egbe ẹre, ne ọ rhie ẹre ye ekhọe vbe ẹghẹ hia, ighẹ ẹ i re ne ọ gha danmwehọ nẹ, ọ mianmianẹn, sokpan ne ọ ya ẹe ru emwi, Osanobua gha fiangbe ọmwa vberriọ vbe emwikemwi ne ọ rhirhi gha ru.

Jems 2:12

Wa gha guan, ne uwa vbe gha ru emwi zẹ vbe emwa ne a gha lele uhi ne ọ ya emwa khian eniyanegbe iran bu ohiẹn ọnrẹn.

II Pita 2:19

Iran ghi gha tama iran wẹ iran gha khian enọyan egbe iran, vberriọ iran tobọ iran, eviẹn emwi ne egbe guẹe ne ọ fuẹn emwa uan, ọre iran khin, rhunmwuda, ọviẹn emwi ni ne obọ ẹre ghi gba ọmwa nẹ, ọre ọmwa khin.