Psalm 119:31 - Edo Bible (E Baibol Ẹdo) Version 1996

³¹ Nọyaẹnmwa, igiodẹ ruẹ mẹ lele khian, ghẹ gi ekhue mu mwẹ.

Psalm 119:31 ပူးပေါင်းရင်းမြစ်များ

Psalm 119:115

Wa kpao vbe ehe ne I ye rre, emwa orukhọ, I gha lele iyi Osanobua mwẹ.

Psalm 119:48

I ya ọghọ ne iyi ruẹ, I vbe hoẹmwẹ ọnrẹn, I gha mu igiodẹ ruẹ roro.

Psalm 119:6

A deghẹ I rhie ekhọe lele uhi ruẹ hia, ẹghẹ ni a i ghi ra fa mwẹ uan.

Psalm 119:80

Gun mwẹ sẹtin gha ya iyi ruẹ ru emwi fo ne a ghẹ gie obọ gba mwẹ.

Psalm 25:2

Osanobua mwẹ, wẹ ọ re I mu ẹtin yan. Miẹn mwẹ fan hin obọ; efaa ọghe a mu ọmwa gbotọ, ghẹ gie avbe eghian mwẹ ghọghọ mwẹ.

Psalm 25:20

Degue mwẹ ne u miẹn mwẹ fan; ghẹ gie obọ gba mwẹ. Wẹ ọ re imẹ lẹgbinna.

Itan 23:23

Emwata, ẹwaẹn, iruẹemwi, kevbe ẹwaẹn esi, ehia wa sẹ ne a ha osa yi, sokpan, emwi ighobioye ne ọ ma kei ne a khiẹn nọ.

Aizaia 45:17

Sokpan, e Nọyaẹnmwa miẹn Izrẹl fan etẹbitẹ ọ re akhọnmiotọ ẹre khin a i ra fa emwa rẹn uan ẹdẹdẹmwẹdẹ.’ ”

Aizaia 49:23

Avbe ọba ghi ye vbe erha nuẹn avbe oloi ghi yevbe iye uẹ iran gha ghughẹrre vbe odaro ruẹ ya ya ọghọ ne uẹn. Ẹghẹ nii wẹ gha rẹn wẹ mẹ ọrọre Nọyaẹnmwa, ọmwaikọmwa ne ọ rhie aro ye odẹ khẹ iyobọ mwẹ, ne ọ gha gbe ima rẹn i rrọọ.”

Jerimaia 17:18

Fa iran ni kpokpo mwẹ uan, sokpan gie ẹe la mwẹ ban Nọyaẹnmwa. Ye ohan vuọn iran, sokpan, ghẹ runran mwẹ. Gie ọkhọ rruan iran, ne u dunmwu iran rẹnkhẹnrẹnkhẹn.

Iyẹn ne ọ Maan Ọghe Jọn 8:31

Rhunmwuda ọnii, Jesu tama avbe Ju ni ya ẹe yi wẹ, “Adeghẹ wa ya emwi ne I ma uwa re gha ru emwi, erhuanegbe mwẹ wa gele khin.

Iwinna 11:23

U gbẹn vbe ọ ghi sẹ evba, ọ keghi miẹn vbene Nọyaẹnmwa fiangbe emwa nii hẹ, ẹko keghi rhiẹnrhiẹn ọẹn ẹsẹse, ọ keghi bu iran ude wẹ ne iran ya ekhọe iran hia mu ẹtin yan Nọyaẹnmwa ne iran vbe gha ga ẹe.

Ebe ne Pọl gbẹẹn gie emwa Rom 5:5

Idaehọ na ẹ i hiẹ ọmwa, rhunmwuda Osanobua tue ahoẹmwọmwa ẹnrẹn ye ima ekhọe nẹ vbekpa Orhiọn Ne Ọ Huanrẹn ne Osanobua ya ru ima ẹse.

Diuteronomi 10:20

Wa gha mu ohan e Nọyaẹnmwa Osanobua uwa, wa vbe gha ga irẹn ọkpa kẹkan. Wa gha re emwa ne ọ gba ẹko ẹre, ne uwa gha ya eni ẹnrẹn ọkpa kẹkan ru eyan uwa.

Diuteronomi 11:22

“Wa gha ya ekhọe hia ya iyi ne I yi ma uwa ru emwi. Wa gha ho ẹmwẹ Nọyaẹnmwa Osanobua rua, vbe emwi hia ne ọ khare, ne uwa gha re emwa ne ọ gba ẹko ẹre.

Diuteronomi 4:4

Sokpan, wa hia ne ekhọe ẹre gu ọghe Nọyaẹnmwa Osanobua uwa ro, ye rre agbọn ẹrẹna.

I Jọn 2:28

Erriọ nọ, wa ne ivbi mwẹ, wa mudia vbe uwu irẹn, ne afianma ghẹ fian ima vbe ẹdẹ ne ọ gha ya egbe ladian, ne ima ghẹ ya ya ekhọe lẹre hin ehe ne ọ ye rre, vbe Ẹdẹ ne ọ gha rre.