Psalm 119:2 - Edo Bible (E Baibol Ẹdo) Version 1996

² Afiangbe ọrọre ọghe iran ni lele iyi ẹre ni họn ẹmwẹ ne ẹẹn kekhọekekhọe.

Psalm 119:2 ပူးပေါင်းရင်းမြစ်များ

I Ọba 2:3

ne u gha ru avbe emwi ne Nọyaẹnmwa ne Osanobua ruẹ tama ruẹn ne u ru. U ghi gha ya uhi ẹre kevbe ilele ẹre ru emwi zẹ vbe ne a gbẹnnẹ ọẹn ye uhi e Mosis ne emwi hia ne u ru miẹn ehe na gha dinna odẹ nuẹn vbe ehe ne u rhirhi mu uhunmwu da.

I Krọnikol 22:19

Banbanna nian, wa ya ẹtin uwa kevbe orhiọn uwa hia ga e Nọyaẹnmwa. Wa suẹn gha bọ Ọgua Osa ne uwa miẹn ehe na mu Ẹkpẹti Ile ọghe Nọyaẹnmwa ye uwu ẹre deba avbe emwi nihuanrẹn ni dekẹe hia ne a ya ga ẹe.”

II Krọnikol 31:21

Emwi kegha dinnodẹ ne ẹẹn rhunmwuda emwi hia ne ọ ru ne Ọgua Osa ne zẹ vbene uhi khare, orhiọn ẹmwata kevbe ekhọe ne ọ mudia ẹse vbe odaro Osanobua ẹre ọ ya gha ru ẹe.

Psalm 105:45

Ne avbe emwa rẹn, miẹn ehe na gha ya uhi ẹre ru emwi ne iran vbe rhie iyi ẹre hia mwẹ. Wa rho e Nọyaẹnmwa!

Psalm 119:10

Mẹ hia ne I ye ekhọe mwẹ hia gha ga a; ghẹ gun mwẹ de iyi ruẹ.

Psalm 119:101

I lẹ ne avbe uyinmwẹ dan hia, rhunmwuda I ho ne I gha ya ẹmwẹ ruẹn ru emwi.

Psalm 119:115

Wa kpao vbe ehe ne I ye rre, emwa orukhọ, I gha lele iyi Osanobua mwẹ.

Psalm 119:146

Mẹ da tie ruẹ, miẹn mwẹ fan, I gha rhie uhi ruẹ mwẹ.

Psalm 119:17

Gha ru imẹ ne ọguọmwadia ruẹn ẹse ne I miẹn ehe na gha rre agbọn ne I vbe gha ru vbene u ma mwa re.

Psalm 119:22

Fan mwẹ vbe obọ ihẹn kevbe ozan iran, rhunmwuda, mẹ rhie uhi ruẹ lẹre.

Psalm 119:33

Nọyaẹnmwa, ma mwẹ otọ uhi ruẹ, mẹ gha vbe gha mu iran sẹ vbe ẹghẹ hia.

Psalm 119:34

Rhan otọ uhi ruẹ ma mwẹ, mẹ gha vbe ya ẹe gha ru emwi vbe ẹghẹ hia, I gha ya ekhọe mwẹ hia, ya ẹe ru emwi.

Psalm 119:57

Wẹ okpa ọ re I ho Nọyaẹnmwa, I yan rẹn ighe I gha mu uhi ruẹ sẹ.

Psalm 119:69

Iran ni tọn egbe mu ba mwẹ ohoghe, sokpan, ekhọekekhọe mwẹ hia, ọ re I ya ru vbene u khare.

Psalm 119:88

Rhunmwuda ahoẹmwọmwa ruẹn ne ẹ i beghe, gha ru mwẹ ẹse, ne I miẹn ehe na gha ya uhi ruẹ ru emwi.

Psalm 25:10

A gia mu ẹtin yan, kevbe aho ẹmwẹ ọmwa, ọ re ọ ya su iran ni rhie iyi ẹre mwẹ, kevbe ni vbe ya uhi ẹre ru emwi.

Itan 23:26

Kakabọ gbe aro kotọ, ovbi mwẹ, ne u gie uyinmwẹ mwẹ gha re igiemwi nuẹn.

Jerimaia 29:13

Wa gha gualọ mwẹ, wa ghi vbe miẹn mwẹ. Wa gha miẹn mwẹ rhunmwuda, wa gha ye ekhọe hia gualọ mwẹ.

Ezikiẹl 36:27

I gha rhie orhiọn mwẹ ye uwu uwa, I ghi vbe miẹn wẹ wa ya uhi kevbe iyi mwẹ ru emwi.

Iyẹn ne ọ Maan Ọghe Jọn 14:23

Jesu wanniẹn wẹẹ, “Ọmwa ne ọ rhirhi ho ẹmwẹ mwẹ gha ru vbene I khare, Erha mwẹ gha ho ẹmwẹ ọnrẹn, kevbe imẹ kevbe Erha mwẹ ghi bu ẹre gha dee, ma ghi do di owa ẹre ya.

Diuteronomi 4:29

Evba wa gha na gualọ Nọyaẹnmwa Osanobua uwa. A deghẹ wa ye ekhọe uwa hia kevbe iho uwa hia gualọ ẹe, wa gha miẹn ọẹn.

Diuteronomi 6:17

Gia miẹn wẹ wa ya uhi ne ọ viọ ne uwa ru emwi.

Diuteronomi 6:5

Ye ekhọe ruẹ hia ho ẹmwẹ Nọyaẹnmwa Osanobua ruẹ, kevbe orhiọn ruẹn hia kevbe ẹtin ruẹn hia.

I Jọn 3:20

Rhunmwuda, deghẹ orhiọn mwa bu abe gbe mwa, ma rẹnrẹn wẹ Osanobua kpọlọ sẹ orhiọn mwa, rẹn vbe rẹn emwi hia.