Psalm 119:176 - Edo Bible (E Baibol Ẹdo) Version 1996

¹⁷⁶ I gha bibi yo bibi rre, zẹ vbe ohuan ne ọ wiri, rhunmwuda ọnii, do gualọ mwẹ, mẹ ne ọguọmwadia ruẹ rhunmwuda, I ma fi iyeke gbe uhi ruẹ.

Psalm 119:176 ပူးပေါင်းရင်းမြစ်များ

Psalm 119:16

Avbe uhi ruẹ sẹ mwẹ ọyẹnmwẹ mẹ i ra vbe mianmian iyi ruẹ.

Psalm 119:61

Iran ne emwa dan khuẹn ifi khẹ mwẹ sokpan, mẹ ma mianmian uhi ruẹ.

Psalm 119:93

Mẹ i fi iyeke gbe igiodẹ ruẹ ẹdẹ, rhunmwuda, iran ọ re u ya da mwẹ yi ye agbọn.

Ihuan Ne Ọ Sọọ Ihuan Hia 1:4

Rhie mwẹ ba egbe, ne ima lẹ kpao, gha re ọba mwẹ ne u rhie mwẹ la ughugha ruẹ. Ọyẹnmwẹ gha gba sẹ mwa, ma ghi da, a ghi gha maẹn rhan ruan vbe aho ẹmwẹ ọmwa. Ẹkhabe ne ikhuo hia na ho ẹmwẹ ruẹn.

Aizaia 53:6

Ma hia fẹẹrẹ keghi yevbe ohuan ni wiri dọmwadẹ ọghọe kegha khian ọghọe khian. Sokpan e Nọyaẹnmwa keghi kun oya ni yan rẹn oya ne ọ te khẹ ke ima hia.

Jerimaia 31:18

“I họn vbe ivbi Izrẹl ye akhiẹ tae wẹẹ, ‘E Nọyaẹnmwa, te ima te yevbe aranmwẹ ne a ma rri sokpan, wẹ keghi ma iran re ne a gha họn ẹmwẹ. Viọ ima werriegbe rre, ma mu egbe ne a ya bu ruẹ gha dee, e Nọyaẹnmwa ne Osanobua mwa.

Jerimaia 50:6

“Avbe emwa mwẹ yevbe avbe ohuan ne ni su ẹe gie ẹ wii ye uhunmwu oke. Iran hẹ yo hẹ rre ke oke ọkpa ya sẹ ọvbehe zẹ vbe avbe ohuan, iran mianmian ehe ne owa iran ye nẹ.

Ezikiẹl 34:16

“I gha gualọ ni wiri vbọ, I ghi viọ iran ni bibi odẹ vbọ werriegbe rre, I gha gbalọ ẹwẹn iran ni kuan egbe vbọ, I ghi vbe sinmwi iran ni khuọnmwi, sokpan, I gha fuẹn ni ti ye egbe kevbe ni wegbe vbọ hin rre, rhunmwuda, ọsuohuan ne ọ ru emwi ne ọ gbae mẹ khin.

Ezikiẹl 34:6

Avbe ohuan mwẹ kegha zozo lele avbe oke ni yo hia kevbe avbe oke nekhua, a zagha iran gba otọe hia, a ma miẹn ọmwa ne ọ gualọ iran, ra ne ọ gualọ iran miẹn.’

Hozia 4:6

Ọghe avbe emwa mwẹ fo nẹ, rhunmwuda, iran ma tie mwẹ ọghe iran. Wa ne avbe ohẹn ma tie mwẹ ọghe uwa, wa keghi he iruẹmwi mwẹ yotọ, rhunmwuda ọnii, mẹ vbe he uwa, mẹ i ghi ra vbe tie ivbi uwa ohẹn mwẹ.

Matiu 10:6

Wa bu ohuan ni wiri ni rre ivbi Izrẹl gha khian.

Matiu 15:24

Jesu keghi wanniẹn wẹẹ, “Ohuan ni wiri ni rre ivbi Izrẹl ọkpa ọre a gie mwẹ bu gha dee.”

Iyẹn ne ọ Maan Ọghe Luk 19:10

Rhunmwuda iran ni wiri ọre Ovbi Ọmwa do gualọ ne ọ miẹn ehe na miẹn iran fan.”

Iyẹn ne ọ Maan Ọghe Jọn 10:16

I ye vbe mwẹ avbe ohuan ọvbehe ne ẹ i re oghẹn na. I gha vbe viọ iran rre, iran gha họn urhu mwẹ, ẹghẹ nii, iran ghi do gha re oghẹn ohuan ọkpa, ọsuohuan ọkpa.

Galatia 4:9

Sokpan wanwan na nian, vbene uwa ghi na rẹn Osanobua nẹ, ra ne I wa kha wẹ, vbene Osanobua ghi na rẹn uwa nẹ, vbe ọ zẹ ne uwa na ho ne uwa dọlegbe bu avbe orhiọn ẹwobi ne vburriẹ, ni khaemwisẹ ni, gha khian yi? Vbe ọ zẹ ne uwa na dọlegbe ho ne uwa gha re eviẹn iran?

Filipai 2:13

rhunmwuda Osanobua ọre ọ winna vbe uwu uwa ne ọ miẹn ehe na guẹ gha ho, kevbe ne u sẹtin gha ru vbene ọ rre irẹn ekhọe.

Jems 1:17

Emwi ne ọ gbae, ne ọ maa, ne a ya we ọmwa hia, ke ẹrinmwi rre nọ. Obọ Osanobua ne Ayi ne ọ yi uwanmwẹ ẹrinmwi, ọ re ọ ke rre. Rẹn i fi werriẹ, ra ne ọ vbe la ekpa a fiwerriẹ si ebiebi.

I Pita 2:25

Wa keghi te ye vbe avbe ohuan ni bibi odẹ, sokpan, banbanna nian, a viọ uwa bu Ọsuohuan kevbe Nọgharoghe orhiọn uwa gha dee nẹ.