Psalm 119:174 - Edo Bible (E Baibol Ẹdo) Version 1996

¹⁷⁴ Ghe vbene I rhie aro ye odẹ gha khẹ ẹsọhẹ imiẹnfan ruẹn Nọyaẹnmwa, I miẹn ẹkorhiẹnrhiẹnmwẹ vbe uhi ruẹ.

Psalm 119:174 ပူးပေါင်းရင်းမြစ်များ

Gẹnẹsis 49:18

I diakhẹ ẹghẹ imiẹnfan ruẹn Osanobua.

II Samuẹl 23:5

Erriọ ọ re Osanobua ra fiangbe uniẹn mwẹ, rhunmwuda, ọ gu imẹ ta ile ẹdẹdẹmwẹdẹ nẹ, vbene ehia na la uro, ọ vbe deziẹn. Ọnii ọ re emwi ne I ho. Ọnii ọ re ọ khian gha re akhọnmiotọ mwẹ, ẹ i mwẹ Nọyaẹnmwa ma gie ẹe sẹ.

Psalm 1:2

Sokpan, ẹko iran ghi gha rhiẹnrhiẹn ye Uhi e Nọyaẹnmwa ne a mu sẹ, iran ghi vbe gha ruẹ ọre, avan kevbe asọn.

Psalm 119:111

Iyi ruẹ, ẹfe etẹbitẹ mwẹ nọ, emwi ọyẹnmwẹ uwa ọ re ọ khin mwẹ re.

Psalm 119:16

Avbe uhi ruẹ sẹ mwẹ ọyẹnmwẹ mẹ i ra vbe mianmian iyi ruẹ.

Psalm 119:162

U miẹn vbe ẹko rhiẹnrhiẹn mwẹ ye eyan ruẹn hẹ, ọ ye vbe ọyẹnmwẹ ne ọ sẹ ọmwa, ne ọ miẹn ako otọ emwi ighobioye nẹ, ne ọ lẹre.

Psalm 119:24

Igiodẹ ruẹ ya ẹko rhiẹnrhiẹn mwẹ; iran ọrọre ne ọ bu mwẹ ude.

Psalm 119:41

Nọyaẹnmwa, rhie ma mwẹ vbene u ho ẹmwẹ mwẹ sẹ hẹ, ne u vbe miẹn mwẹ fan, zẹ vbe eyan ruẹn.

Psalm 119:47

Iyi ruẹ ne a mu sẹ ya ẹko rhiẹnrhiẹn mwẹ, rhunmwuda iran wa yẹ mwẹ.

Psalm 119:77

Tohan mwẹ, mẹ gha rre agbọn, rhunmwuda, uhi ruẹ sẹ mwẹ ọyẹnmwẹ.

Psalm 119:81

Egbe wa wọ mwẹ Nọyaẹnmwa, ne I ya diakhẹ ruẹ ne u do miẹn mwẹ fan, I mu ẹtin yan ẹmwẹ ruẹn.

Itan 13:12

Idaehọ ọmwa gha rẹnkhẹn uan, orhiọn ghi dọyọ, sokpan, emwi ne a rhie aro yi gha sẹ ọmwa obọ, ẹko ghi gha sẹ ọmwa ọyẹnmwẹ.

Ihuan Ne Ọ Sọọ Ihuan Hia 5:8

Wa yan ma mwẹ wa ni ikhuo e Jerusalẹm wẹ wa gha miẹn enida mwẹ, wa gha tama rẹn wẹ, a rhie aro ye odẹ ya mwẹ rrie.

Filipai 1:23

Te aro mwẹ ghi rre eran rre eran. Ọ wa khọn mwẹ ne I sẹ agbọn na rae ne I ya tota ke Kristi, ọnii ọ wa re emwi ne ọ maa sẹ ẹsẹse.