Psalm 119:173 - Edo Bible (E Baibol Ẹdo) Version 1996

¹⁷³ Mu egbe ne u ya yọmwẹ obọ vbe ẹghẹ hia, rhunmwuda, iyi ruẹ mẹ lele.

Psalm 119:173 ပူးပေါင်းရင်းမြစ်များ

I Krọnikol 4:10

Sokpan, e Jabẹz keghi na erhunmwu ghe Osanobua Izrẹl wẹẹ, “Osanobua, fiangbe mwẹ ne u vbe mu otọe ne ọ kpọlọ mẹ. Yaba mwẹ ne u vbe rhie mwẹ lẹre hin obọ emwikemwi ne ọ gha si obalọ yọmwẹ egbe rre.” Osanobua keghi rhie emwi ne ọ na erhunmwu yi ne ẹẹn.

Psalm 119:111

Iyi ruẹ, ẹfe etẹbitẹ mwẹ nọ, emwi ọyẹnmwẹ uwa ọ re ọ khin mwẹ re.

Psalm 119:117

Da mwẹ yi, I gha rrọ vbe ai mwẹ ẹbe, mẹ gha mu ẹmwẹ iyi ruẹ ro vbe ẹghẹ hia.

Psalm 119:30

I khare wẹ 1 gha wa gha họn ẹmwẹ I vbe kakabọ ghe ibuohiẹn ruẹn.

Psalm 119:35

Gunmwẹ gha mu uhi ruẹ sẹ, rhunmwuda I miẹn ẹko rhiẹnrhiẹnmwẹ vbe uwu iran.

Psalm 119:40

I ho ne I gha mu iyi ruẹ sẹ rhie arrọọ ọgbọn mẹ, rhunmwuda, ọmwata ọ re uwẹ khin.

Psalm 119:94

Ọwuẹ ọ re imẹ khin, miẹn mwẹ fan! I wa hia nẹ ne I rhie iyi ruẹ mwẹ.

Psalm 37:24

Deghẹ iran de, iran i ra wa gha rre evba. Rhunmwuda e Nọyaẹnmwa gha silo iran kpaegbe.

Itan 1:29

Irẹnmwi ma he mwẹ emwi ne ọ khin ne uwẹ ẹdẹdẹmwẹdẹ, erriọ wa ma kue yọ ne uwa gha họn ẹmwẹ ne Nọyaẹnmwa.

Iyẹn ne ọ Maan Ọghe Mak 9:24

Erha ẹe keghi wa datu wẹẹ, “I mwẹ iyayi sokpan ọ ma kpọlọ sẹ. Lahọ ne u yọ mwẹ obọ ne ọ sẹ ayọ.”

Iyẹn ne ọ Maan Ọghe Luk 10:42

Sokpan emwi ọkpa kẹkan sẹe, Meri zẹ emwi ne ọ kere nẹ, a i ghi miẹn ẹre re ọvbehe.”

II Kọrinti 12:9

Ewanniẹn ne ọ rhie mẹ ọrọre wẹ, “Ẹsọhẹ mwẹ ọkpa ọrọre emwi ne ọ khẹ ke ne u gha mwẹ, rhunmwuda ẹghẹ ne uwẹ ma na wo vbe egbe, ọre ẹtin imẹ na wo vbe egbe sẹ.” Rhunmwuda ọnii, te ọyẹnmwẹ ghi sẹ mwẹ ne I gha ye a ma wo vbe egbe rhuọ, ne I miẹn ehe na gha họn ẹmwẹ ifuẹn ne ẹtin Kristi tan gue mwẹ.

Diuteronomi 30:19

Te I tama uwa nian ne uwa zẹ vbọ, adeghẹ ẹfe nọ ra uwu, a deghẹ afiangbe Osanobua nọ ra ihẹn. I kevbe tie agbọn vbe ẹrinmwi ne iran sẹ osẹe ye ne uwa zẹe vbọ. Wa zẹ ẹfe.

Filipai 4:13

I mwẹ ẹtin ne I ya ye egbe miẹn emwi hia vbe ekpa ẹtin ne Kristi rhie mẹ.

Jọsua 24:15

A deghẹ wa i ho ne uwa ga e Nọyaẹnmwa, wa tae ẹrẹna nian ọmwa ne uwa gha ga, adeghẹ avbe ẹbọ ne avbe erha uwa gha ghoo vbe Mẹsopotamia nọ ra avbe ẹbọ ivbi Amọri ne uwa rre otọ ẹre. Sokpan, zẹ vbe ọghomwẹ kevbe ẹgbẹe mwẹ, e Nọyaẹnmwa ma gha ga.”

Jọsua 24:22

E Jọsua keghi tama iran wẹẹ, “Wa tobọ uwa ọrọre osẹe egbe uwa wẹ wa tobọ uwa khare ighẹ e Nọyaẹnmwa ọ re uwa gha ga.”