Psalm 119:161 - Edo Bible (E Baibol Ẹdo) Version 1996

¹⁶¹ Iran ni mwẹ ẹtin gha gunmwẹ khọn vbe ai mwẹ otọ, sokpan, te imẹ lohan uhi ruẹ.

Psalm 119:161 ပူးပေါင်းရင်းမြစ်များ

Gẹnẹsis 39:9

Vbene irẹn mwẹ asẹ vbe owa na, erriọ mẹ vbe mwẹ, ọ ma he we mwẹ khian sẹ evba vbe egbe emwikemwi vbe ọ ghi gberra uwẹ ne amwẹ ọnrẹn. Vbia ghẹ ghi gu ru emwi dan vberriọ hẹ ne I ya fidọn ghe Osanobua?”

Gẹnẹsis 42:18

Ọ ghi sẹ ikpẹdẹ ne ogieha e Josẹf keghi tama iran wẹẹ, “Osanobua ọ re I ga, wa gha miẹn uhunmwu a deghẹ wa ru vbenian.

II Ọba 22:19

U na roiro fi uyinmwẹ werriẹ, u na mu egbe rriotọ vbe odaro mwẹ, u keghi sọ ukpọn ruẹn uan, u na gha viọ vbe u họn vbene I wẹ I gha rri e Jerusalẹm kevbe emwa ni rrọ oya hẹ. I gha ru ọ yan aro ua ye evba, ehe ne eni ẹnrẹn gha na khian ne a ya tie ihẹn. Sokpan, I họn erhunmwu ruẹn nẹ.

Nehimaia 5:15

Iran hia ni gha re ne ọkhaemwisẹ ọ te do sẹ mwẹ egbe, ihẹ ọ re iran gha khin ne emwa nii, iran kegha miẹn iran igho esiliva iyeva vbe ẹdẹ zẹ vbe igho evbare kevbe ọghe ayọn. Uhin ighẹ te eguọmwadia iran gha sẹ emwa ni usẹ. Sokpan, I ma ru vberriọ, rhunmwuda, te I ya ọghọ ne Osanobua.

Job 31:23

Rhunmwuda ighẹ ohan irria ikhi Osanobua mu mwẹ, ohan i gunmwẹ danmwẹ emwi vberriọ ghe.

Psalm 119:157

Eghian mwẹ kevbe iran ni kpokpo mwẹ bun, sokpan mẹ i de iyi ruẹ.

Psalm 119:23

Iran ni khaemwisẹ miegbe, iran ke khuan khẹ mwẹ, sokpan, mẹ gha ruẹ emwi ne u ma mwa re!

Psalm 4:4

Wa gha guọ ne ohan, ne uwa dobọ orukhọ ne a ru yi. Wa kakabọ mu ọna ro, vbe uwa hẹko lovbiẹ ye ukpo uwa.

Aizaia 66:2

Mẹ ọ re ọ tobọmwẹ yi agbọn na hia. Ẹko avbe emwa ni mu egbe rriotọ ke ni roiro fiwerriẹ wa ma mwẹ iran ni mu ohan mwẹ, ni vbe họn ẹmwẹ mẹ.

Iyẹn ne ọ Maan Ọghe Jọn 15:25

Ẹ i mwẹ ọ ma gha ye vberriọ, ne emwi ne a gbẹn ye uwu Uhi iran miẹn ehe na sẹ wẹẹ, ‘Iran kegha khọ ẹko mwẹ ọghe edanmwidan!’

I Samuẹl 21:15

Avbe ọmwẹmwẹ ne I mwẹ ma he ye bun sẹ ra? Vbe uwa ghi na vbe mu ọvbehe rre hẹ ne ọ do gha mwẹmwẹ ma mwẹ vbe owa mwẹ?”

I Samuẹl 26:18

Ọ keghi rhie te ẹe wẹẹ, “Vbọzẹ ne u na ye khu mwẹ khian, mẹ ne ọguọmwadia ruẹ? Vbe i a mobọ ru? De a i ghẹ ru ne I ru?