Psalm 119:141 - Edo Bible (E Baibol Ẹdo) Version 1996

¹⁴¹ Ọmwa ne a zan ke ne ai ka yọ mẹ khin, sokpan, I ma fi iyeke gbe iruẹmwi ruẹn.

Psalm 119:141 ပူးပေါင်းရင်းမြစ်များ

Psalm 119:109

I mu egbe vbe ẹghẹ hia ne I wu ba ẹre, I ma he mianmian uhi ruẹ.

Psalm 119:16

Avbe uhi ruẹ sẹ mwẹ ọyẹnmwẹ mẹ i ra vbe mianmian iyi ruẹ.

Psalm 119:176

I gha bibi yo bibi rre, zẹ vbe ohuan ne ọ wiri, rhunmwuda ọnii, do gualọ mwẹ, mẹ ne ọguọmwadia ruẹ rhunmwuda, I ma fi iyeke gbe uhi ruẹ.

Psalm 22:6

Sokpan, mẹ i ghi re ọmwa, ọkhọe mẹ khin, ne emwa hia zan, kevbe ne a kan fua.

Psalm 40:17

Ovbiogue kevbe nọ ma wegbe ọ re imẹ khin Nọyaẹnmwa. Sokpan, wẹ ma he mianmian mwẹ. Wẹ ọrọre ọmiọnmwafan mwẹ kevbe Osanobua mwẹ zẹgiẹgiẹ do yọmwẹ obọ.

Itan 15:16

A re ovbiogue ne ọ mu ohan e Nọyaẹnmwa, ọ re ọ maa sẹẹ ne a gha re ọmwa ne ọ fe ne ọ rre uwu orueghe vbe ẹghẹ hia.

Itan 16:8

Ọ kere ne a gha mwẹ emwi kherhe ne a la odẹ ẹmwata miẹn, sẹẹ ne a gha mwẹ okpe ere ne a la odẹ ero miẹn.

Itan 19:1

Ọmwa re ovbiogue ne adazẹ, ọ re ọ maa sẹẹ ne a gha re ọzuọ ne ọhọn ohoghe.

Itan 3:1

Ovbi mwẹ, ghẹ mianmian emwi ne I ma ruẹn re. Gha ye emwi ne I tama ruẹn ne u gha ru rre vbe ẹghẹ hia.

Aizaia 53:3

Ma zan rẹn a keghi vbe he ẹe yotọ. Ọ ziengbe oya kevbe obalọ, a ma miẹn orhiọnkpa ne ọ vbe tọn aro mu ghe ẹre ma keghi wa yangbe ẹe vbene a gha kha ighẹ ẹ i re emwi rhọkpa.

Iyẹn ne ọ Maan Ọghe Luk 6:20

Jesu keghi ghe avbe erhuanegbe ẹre, ọ wẹẹ: “Ọ maa ne uwa ne ivbiogue: Wa ọ yan Arriọba Osanobua.

Iyẹn ne ọ Maan Ọghe Luk 9:58

Jesu keghi tama rẹn wẹẹ, “Avbe umuọkhọkhọ mwẹ uvun, avbe ahianmwẹ vbe mwẹ oko, sokpan Ovbi Ọmwa i mwẹ ehe ne ọ na lovbiẹ kẹtin.”

II Kọrinti 8:9

Rhunmwuda, wa rẹn ẹsọhẹ ọghe Nọyaẹnmwa Jesu Kristi wẹ vbene irẹn rhe fe sẹ hẹ, ọ keghi rhunmwuda uwa ye egbe khian ovbiogue, ne irẹn miẹn ehe na la ekpa a i mwẹ ọghọe ye uwa khian ni fe.

Jems 2:5

Wa danmwehọ etẹn mwẹ ni ghan. Avbe ivbiogue ni rre agbọn na, ọre Osanobua zẹe wẹ, iran mwẹ iyayi ẹsẹse kevbe wẹ, iran ọ ra yan arriọba ne irẹn ve iran ni ho ẹmwẹ ọnrẹn re.