Psalm 119:140 - Edo Bible (E Baibol Ẹdo) Version 1996

¹⁴⁰ U miẹn vbe eyan ruẹn de ziẹn hẹ, u miẹn vbe ọ yẹ mwẹ hẹ.

Psalm 119:140 ပူးပေါင်းရင်းမြစ်များ

Psalm 119:128

Rhunmwuda ọnii, mẹ lele igiodẹ ruẹ hia; I keghi vbe sọnnọ odẹ ne ọ ma gba hia.

Psalm 119:47

Iyi ruẹ ne a mu sẹ ya ẹko rhiẹnrhiẹn mwẹ, rhunmwuda iran wa yẹ mwẹ.

Psalm 12:6

Ne ọ gia mu ẹtin yan, ọ re eyan e Nọyaẹnmwa khin. Emwi ọmwata ọ re iran khin zẹ vbe esiliva ne a ya erhẹn kpe igba ihinrọn

Psalm 12:7

emwa dan wa gba ehe hia, emwa hia wa vbe go wan avbe emwi dan. Degue ima vbe ne ai na mwẹ ẹbe Nọyaẹnmwa. Ne u vbe viọ ima lẹre, ne egbe emwa vberriọ.

Psalm 18:30

Osanobua na, wẹ miẹn vbe emwi ne ọ ru khuia fo hẹ! Wẹ miẹn vbe ẹmwẹ ọnrẹn gie a mu ẹtin yan hẹ! Te irẹn ye vbe asa, ne iran hia ni le gbinna ẹẹn.

Psalm 19:8

Emwi ne ọ kere ọre uhi e Nọyaẹnmwa khin, te ọyẹnmwẹ sẹ iran ni ya ẹe ru emwi. Emwi ne ọ kere ọre iyi e Nọyaẹnmwa khin te ọ ya ekhọe rẹn emwi.

Itan 30:5

“Te Osanobua mu ẹmwẹ ne ọ khare sẹ. Te ọ yevbe asa ne emwa hia ni lẹ gbinna ẹn.

Ebe ne Pọl gbẹẹn gie emwa Rom 7:12

Nene Uhi tobọ ẹre, emwi ne ọ huanrẹn nọ, emwi ne ọ huanrẹn ọre iyi ne a yi vbe khin, ọ vbe kei, ọ vbe maa.

Ebe ne Pọl gbẹẹn gie emwa Rom 7:16

A deghẹ ẹ i re emwi ne ọ rrọ mwẹ ekhọe ne I ru, ọre I gele ru, ọnii rhie maa ighẹ mẹ rhie obọ yọ wẹ nene uhi gbae.

Ebe ne Pọl gbẹẹn gie emwa Rom 7:22

Sokpan otọ ẹko mwẹ ghi gha sẹ ọyẹnmwẹ ye uhi Osanobua.

I Pita 2:2

Wa gha ye vbe emobọ nodẹ, ohanmwẹ ẹwẹn ẹmwẹ ẹmwata ọghe orhiọn ghi gha gbe uwa ẹghẹ hia, wẹ, wa ghẹ ghi gha wẹn ọẹn, wa ghi do wan, a ghi miẹn uwa fan.

II Pita 1:21

Rhunmwuda, ẹmwẹ avbe akhasẹ hia, ọkpa i rrọọ ne a tae zẹ vbe iho ọghe ọmwa kẹkan, sokpan te a gha dia ọmwa khian vbe ekpa Orhiọn Ne ọ huanrẹn, vbe uwu ehe ne iran na ta ẹmwẹ ne ọ ke ehe ne Osanobua ye rre.