Psalm 119:14 - Edo Bible (E Baibol Ẹdo) Version 1996

¹⁴ Ẹko mwẹ rhiẹnrhiẹn ye ne I gha lele iyi ruẹ sẹ ne I gha mwẹ ẹfe nibun.

Psalm 119:14 ပူးပေါင်းရင်းမြစ်များ

Job 23:12

Emwi ne Osanobua tae ọ re I ru vbe ẹghẹ hia; emwi ne ọ ho ọre I ru, ẹ i re ọghomwẹ.

Psalm 112:1

Wa rho e Nọyaẹnmwa! Afiangbe ọrọre ọghe iran ni ya ọghọ ne Nọyaẹnmwa, iran ne ẹko rhiẹnrhiẹn ye ne a gha mu uhi ẹre sẹ.

Psalm 119:111

Iyi ruẹ, ẹfe etẹbitẹ mwẹ nọ, emwi ọyẹnmwẹ uwa ọ re ọ khin mwẹ re.

Psalm 119:127

iho ẹmwẹ iyi ruẹ sẹẹ igoru, sẹ igoru ne ọ mose sẹ ehia.

Psalm 119:162

U miẹn vbe ẹko rhiẹnrhiẹn mwẹ ye eyan ruẹn hẹ, ọ ye vbe ọyẹnmwẹ ne ọ sẹ ọmwa, ne ọ miẹn ako otọ emwi ighobioye nẹ, ne ọ lẹre.

Psalm 119:47

Iyi ruẹ ne a mu sẹ ya ẹko rhiẹnrhiẹn mwẹ, rhunmwuda iran wa yẹ mwẹ.

Psalm 119:72

Uhi ne uwẹ rhie ne emwa vuọn mwẹ aro ẹsẹse sẹ igho ni rre agbọn na hia.

Psalm 119:77

Tohan mwẹ, mẹ gha rre agbọn, rhunmwuda, uhi ruẹ sẹ mwẹ ọyẹnmwẹ.

Jerimaia 15:16

Wẹ gunmwẹ guan, I keghi rhie ehọ ye ẹmwẹ hia. Ọwuẹ ọ re imẹ khin Nọyaẹnmwa, Osanobua ne Oghodua, rhunmwuda ọnii ẹmwẹ ruẹn keghi ya oghọghọ kevbe ọyẹnmwẹ vuọn ekhọe mwẹ.

Matiu 13:44

“Arriọba ẹrinmwi yevbe emwighobioye ne a rhie lẹre ye uwu oha. Ugbẹn vbe okpia ọkpa ghi domian miẹn ọẹn, ọ keghi hẹko dọlegbe zẹ ekẹn gue ẹre. Vbene ọ ghi ye ọre sẹ, ọ keghi wa ya khiẹn emwi hia ne ọ mwẹ, ọ ke ya dẹ ako oha ni.