Psalm 119:132 - Edo Bible (E Baibol Ẹdo) Version 1996

¹³² Werriegbe ghe mwẹ, ne u tohan mwẹ, zẹ vbene u ru ghe iran ni ho ẹmwẹ ruẹn hia.

Psalm 119:132 ပူးပေါင်းရင်းမြစ်များ

II Samuẹl 16:12

U gha ghe, e Nọyaẹnmwa gha zẹ ye usẹ ẹmwẹ agbọn ne I miẹn, ọ ghi ya ihẹn ne ọ tie na khian afiangbe mẹ.”

Psalm 106:4

Nọyaẹnmwa, u gha ye emwa ruẹn obọ, u gha miẹn iran fan, u ghi rhie mwẹ ba ẹre Nọyaẹnmwa.

Psalm 119:124

Ya obọ aho ẹmwẹ ọmwa ruẹn ne ẹ i beghe mu mwẹ, ne u vbe ma mwẹ iyi ruẹ.

Psalm 25:16

Nọyaẹnmwa, ghe mwẹ ne u tohan mwẹ rhunmwuda mẹ ma wegbe, I vbe rre uwu ohioro.

Psalm 25:18

Roro usẹ kevbe oya mwẹ ne u vbe ya orukhọ mwẹ hia bọ mwẹ.

Psalm 5:12

Wẹ ọ re ọ fiangbe iran ni họn ẹmwẹ ruẹn Nọyaẹnmwa. Ahoẹmwọmwa ruẹn ọ re ọ degue iran zẹ vbe asa.

Ẹksọdọs 4:31

Iran keghi yayi, ugbẹn vbe iran ghi họn wẹ Nọyaẹnmwa bu iran gha dee, ighẹ ọ vbe miẹn vbe iran sẹ iran usẹ hẹ, iran keghi ya uhunmwu rhanmwẹ otọ, iran na ga Osanobua.

I Samuẹl 1:11

E Hanna keghi ye ekhọe kekhọe ru eyan wẹẹ, “Oghodua Nọyaẹnmwa, ghe mwẹ, mẹ ne ọguọmwadia ruẹ. Ghe ukpokpo ne I mwẹ, ne u ye mwẹ rre. A deghẹ u rhie ọmọ okpia mẹ, I yan rẹn ighẹ I gha yae fi ohan nuẹn ne ọ gha re ọwuẹ vbe ẹdẹ agbọn rẹn hia, ẹ i ra vbe gbe eto ẹre.”