Psalm 119:112 - Edo Bible (E Baibol Ẹdo) Version 1996

¹¹² I tae nẹ ighe te I ra gha lele iyi ruẹ ya sẹ ẹdẹ ne I gha wu.

Psalm 119:112 ပူးပေါင်းရင်းမြစ်များ

I Ọba 8:58

Te ọ gha gie ima gha họn ẹmwẹ ọnrẹn, ne ima gha yin vbe ẹghẹ hia zẹ vbene ọ ho, ne ima gha ya uhi ke iyi ne ọ yi ne avbe erha mwa odede hia ru emwi.

II Krọnikol 19:3

Sokpan ọ rhe yerriọ, emwi eso rrọ ne u na vbe maa. U viọ amazẹ Asiẹrra ne ẹbọ ne okhuo kua, u keghi hia ne u gha ru vbene Osanobua ho.”

Ẹzra 7:10

Te Ẹzra wa mu aro ye ẹmwẹ nene uhi e Nọyaẹnmwa ne a ruẹ, kevbe ne a ya ruemwi kevbe ne ọ gha ma ivbi Izrẹl ne uhi kevbe ilele ni rrọọ.

Psalm 119:33

Nọyaẹnmwa, ma mwẹ otọ uhi ruẹ, mẹ gha vbe gha mu iran sẹ vbe ẹghẹ hia.

Psalm 119:36

Gie ekhọe mwẹ gha ho ne ọ mu uhi ruẹn sẹ, sẹẹ ne I do gha re ne ọ fee.

Psalm 119:44

Mẹ gha ya uhi ruẹ gha ru emwi vbe ẹghẹ hia, ẹdẹdẹmwẹdẹ.

Psalm 141:4

Ghẹ gunmwẹ gha ho ne I ru emwi ne ọ ma gba, ra ne I deba emwa dan vbe uyimwẹ ọkhọ iran. I i gha gu iran rri evbare kugbe ẹdẹ.

Psalm 18:22

I ru nẹ zẹ vbene uhi ẹre hia khare I ma de iyi ẹre rhọkpa.

Itan 2:2

Gha danmwehọ ẹmwẹ ewaẹn, u ghi vbe gha hia ne u rẹn emwi ne a ya ẹe kha.

Filipai 2:13

rhunmwuda Osanobua ọre ọ winna vbe uwu uwa ne ọ miẹn ehe na guẹ gha ho, kevbe ne u sẹtin gha ru vbene ọ rre irẹn ekhọe.

Jọsua 24:23

Ọ re irẹn na ghi kha wẹẹ, “Rhunmwuda onii khekherriọ, wa hẹ avbe ẹbọ orhunmwuyẹn ni rre ehe ne uwa ye kua, ne uwa yan wẹ wa gha ya ẹko ata lele e Nọyaẹnmwa ne Osanobua Izrẹl khian.”

I Pita 1:13

Rhunmwuda ọnii khekherriọ, wa mu ekhọe uwa egbe ye otọ ne a ya fian emwi gbua. Wa rhie vbẹ ne uwa vbe rhie ekhọe uwa aro ye odẹ fẹẹrẹ gha khẹ afiangbe ne a gha rhie ne uwa vbe ẹdẹ ne Jesu Kristi gha ya egbe ladian.

Arhie Maan 2:10

Ghẹ gie afianma oya ne u ra do re vbe ọ ma he kpẹe na fian. Danmwehọ! Esu ra do danmwẹ uwa ghe vbe ekpa ne ọ gha na viọ eso vbe uwu uwa ku eghan. Ikpẹdẹ igbe ọre ọlọghọmwa uwa ni ra ya vbe otọ. Mu uhunmwu ke ọe ya sẹ uwu, mẹ gha rhie ẹde ẹfe ne uẹn.