Psalm 119:109 - Edo Bible (E Baibol Ẹdo) Version 1996

¹⁰⁹ I mu egbe vbe ẹghẹ hia ne I wu ba ẹre, I ma he mianmian uhi ruẹ.

Psalm 119:109 ပူးပေါင်းရင်းမြစ်များ

Job 13:14

“Mẹ mu egbe ne I ya rhie uhunmwu da ẹbe.

Psalm 119:117

Da mwẹ yi, I gha rrọ vbe ai mwẹ ẹbe, mẹ gha mu ẹmwẹ iyi ruẹ ro vbe ẹghẹ hia.

Psalm 119:152

Ọ kpẹre ne I ghi rẹn igiodẹ ruẹ, te uwẹ ru iran, ne iran gha rrọ ẹdẹdẹmwẹdẹ.

Psalm 119:16

Avbe uhi ruẹ sẹ mwẹ ọyẹnmwẹ mẹ i ra vbe mianmian iyi ruẹ.

Psalm 119:83

Te I ghi khian ọ rhiae, I ye vbe ẹkpo ne ọ yanghaẹn ne a mu fua, sevba, I ma he ye mianmian iyi ruẹ.

Ebe ne Pọl gbẹẹn gie emwa Rom 8:36

Zẹ vbene ebe kha re, “Rhunmwuda ruẹ, uwu mu kọ ima la ẹdẹ biiri a kegha ru mwa zẹ vbe ohuan ne a ra ya gbelua.”

I Kọrinti 15:31

Etẹn mwẹ, ẹdẹgbegbe ọre I ya rhie uhunmwu da uwu. Ughanmwẹ, ne I ya uwa ghan vbe uwu ẹdẹ agbọn mwa vbe uwu Kristi Nọyaẹnmwa, ọre ọ ya mwẹ ta ẹmwẹ na.

II Kọrinti 11:23

Eguọmwadia Kristi iran khin ra? Ẹmwẹ mwẹ khọ ọghe ọmwẹmwẹ sokpan mẹ ru ọguọmwadia sẹ iran. Obọ mwẹ da iwinna sẹ iran. I yo eghan ẹghẹ ni bun sẹ iran, a gbe mwẹ asan sẹ iran ẹsẹse, me ọ he rhie owẹ ye agbanmwẹ idin sẹ iran.

Giọgis 12:3

I ghi miẹn ighẹ wa i ra miẹn mwẹ fan, I keghi rhie uhunmwu mwẹ atataobọ, I na fian ẹzẹ rra ya gu emwa Amọn gbinna. E Nọyaẹnmwa keghi gun mwẹ khọn miotọ vbe uhunmwu iran. De ne uwa ghi ra do gu mwẹ gbinna yi nian?”

I Samuẹl 19:5

Ọ rhie uhunmwu ẹnrẹn mwẹ atataobọ ya gbe Golaiat, e Nọyaẹnmwa keghi khọn okuo akhọnmiotọ nọkhua ne Izrẹl. Wẹ miẹn ọẹn, ọ keghi ye ẹko rhiẹnrhiẹn ọn, Vbọzẹ ne u gha na ru ọmwa ne ọ ma rukhọ emwi ne ọ ma gba ne u gha na gbe e Devid vbe ne ẹ i na mwẹ emwi nọ zẹe hiehiere?”

I Samuẹl 20:3

Sokpan, e Devid keghi wanniẹn wẹẹ, “Erha rẹn vbe ne u ho ẹmwẹ mwẹ hẹẹ ọ re ọ na wẹ rẹn I tama ruẹn emwi ne irẹn khian ru, rhunmwuda, ọ gha balọ uẹ gbe. I ye Nọyaẹnmwa ne ọ rrọọ vẹn ihẹn ma ruẹn wẹ agbanmwẹ idin ọ re I ye na.”