Psalm 119:106 - Edo Bible (E Baibol Ẹdo) Version 1996

¹⁰⁶ I gha mu eyan mwẹ sẹ wẹ, I gha lele igiodẹ ruẹ ọghe ẹmwata hia.

Psalm 119:106 ပူးပေါင်းရင်းမြစ်များ

II Ọba 23:3

Rẹn keghi mudia ye ọkpẹn orrẹ ọba, ọ na gu e Nọyaẹnmwa ta ile wẹ rẹn gha họn ẹmwẹ ne ẹẹn, kevbe ne ọ ya orhiọn kevbe ekhọe ẹre hia gha rhie uhi kevbe iyi ẹre mwẹ, kevbe ne ọ vbe gha ru zẹ vbe ne a mwamwa emwi ye otọ vbe uwu ile ne a gbẹnnẹ ye ebe ni. Emwa nii hia keghi yan wẹ iran gha rhie ile ni ya gha yin.

II Krọnikol 34:31

Ọ keghi mudia ke orrẹ ọghe ọba, ọ keghi yan ma e Nọyaẹnmwa wẹ rẹn gha họn ẹmwẹ ne ẹẹn, rẹn rhie uhi kevbe iyi ẹre mwẹ, vbe ekhọe ẹre hia kevbe orhiọn rẹn hia kevbe ne ọ vbe gha ru vbene a tae ye ebe uhi, zẹ vbene a gbẹnnẹ ọẹn ye ebe.

Nehimaia 10:29

Ma deba avbe ọkaolotu ima vẹn ihẹn, ne a miẹn wẹ, a deghẹ ma rhie obọ gberra, emwi gha rruan ima, wẹ, ma gha ya Uhi Osanobua ru emwi, uhi ne ọ rhie ne Mosis ne ọguọmwadia ẹre rhie rre, wẹ ma gha ru zẹ vbene e Nọyaẹnmwa khare hia, wẹ ma gha rhie uhi ẹre mwẹ, ma ghi vbe gha ru vbene ọ ho.

Nehimaia 10:30

Ma i ra rhie okhuo vbe uwu avbe orhunmwuyẹn ni rre ehe ne ima ye.

Psalm 119:115

Wa kpao vbe ehe ne I ye rre, emwa orukhọ, I gha lele iyi Osanobua mwẹ.

Psalm 56:12

Osanobua mẹ gha ha emwi ne imẹ ve ne uẹn mẹ gha viọ emwi imuohan ọghe ekpọnmwẹ mwẹ nuẹn.

Matiu 5:33

“Wa họn ẹn vbene a tama emwa hẹ ẹghẹ nẹdẹ wẹẹ, ‘U gha yan eyan, u ghi muẹn sẹ, u gha ya ihen ve emwi ye urhu vbe odaro Nọyaẹnmwa, ghe mwẹ u ma ruẹe.’

II Kọrinti 8:5

Ọ keghi gberra vbene ima te rhie aro yi! Okaro, iran rhie egbe iran ne Nọyaẹnmwa, vbe iyeke ọnii, vbe ekpa iho Osanobua, iran keghi vbe do rhie egbe iran ne ima ba ẹre.

Jọsua 24:16

Emwa nii keghi wanniẹn wẹẹ, “A i zọe vbe iro ẹdẹ wẹ a gha sẹ e Nọyaẹnmwa rae ne a ya gha ghoo ẹbọ ọvbehe!