Psalm 119:104 - Edo Bible (E Baibol Ẹdo) Version 1996

¹⁰⁴ I miẹn ẹwaẹn ruẹ vbe uhi ruẹ, rhunmwuda ọnii, uyinmwẹ dan rhọkpa i ghi yẹ mwẹ.

Psalm 119:104 ပူးပေါင်းရင်းမြစ်များ

Job 32:9

Ẹ i re a khian enọwanrẹn ọre ọ rhie ẹwaẹn ne ọmwa, ra ne ọ ya emwa rẹn emwi ne ọ gha ẹe.

Psalm 101:3

Mẹ i ra vbe rhie otọ ne emwi ọkhọ, I khuiwu uyinmwẹ emwa ni fi iyeke gbe Osanobua me i ra gu iran mu obọ.

Psalm 119:100

I mwẹ ẹwaẹn sẹ avbe eniwanrẹn, rhunmwuda, te I mu iyi ruẹ hia sẹ.

Psalm 119:128

Rhunmwuda ọnii, mẹ lele igiodẹ ruẹ hia; I keghi vbe sọnnọ odẹ ne ọ ma gba hia.

Psalm 119:163

Te ohoghe ye ẹko hu mwẹ rhunmwuda, ọ sọnnọ mwẹ, sokpan, uhi ruẹ yẹ mwẹ.

Psalm 119:34

Rhan otọ uhi ruẹ ma mwẹ, mẹ gha vbe ya ẹe gha ru emwi vbe ẹghẹ hia, I gha ya ekhọe mwẹ hia, ya ẹe ru emwi.

Psalm 119:98

Iyi ruẹ rrọ mwẹ ekhọe vbe ẹghẹ hia, ọ keghi ya mwẹ wan sẹ avbe eghian mwẹ.

Psalm 36:4

Ọ ghi gha zẹ iro emwi dan a i ghi miẹn emwiọkpa ne ọ maa ne ọ ru. Rẹn i vbe fieghe uhunmwu ye emwi dan.

Psalm 97:10

E Nọyaẹnmwa ho ẹmwẹ iran ni khuiwu ọkhọ; ọ tan obọ gue ẹdagbọn emwa rẹn, ọ wọlọ iran hin obọ ẹtin ọmwa dan rre.

Itan 14:12

Odẹ ne uwẹ te ro wẹ ọ re ọghe ẹmwata sẹtin wa gha re ne a la sẹ uwu.

Itan 8:13

Ne a gha ho ẹmwẹ e Nọyaẹnmwa, ọrọre ne a gha khuiwu emwi dan. I i ho ẹmwẹ itengbemu kevbe uhiomwẹ, odẹ dan kevbe ẹmwẹ ohoghe.

Emọs 5:15

Wa gie emwi dan gha sọnnọ uwa, wa gie emwi esi gha yẹ uwa, ne uwa vbe miẹn wẹ ohiẹn ẹmwata ọkpa ọ re a bu vbe iko. Ughaghe, e Nọyaẹnmwa gha mwẹ itohan ghe iran ni ghi rre agbọn vbe ivbi ẹvbo na.

Matiu 7:13

“Wa la onurho ne wẹnrẹn la owa, rhunmwuda, te onurho ẹrinmwi erhẹn ye gbodoo, odẹ ne a la sọe vbe rriẹ, emwa ni lae wa vbe bun.

Ebe ne Pọl gbẹẹn gie emwa Rom 12:9

Wa gie aho ẹmwẹ ọmwa gha re ne ọ sẹ otọ ẹko. Ghẹ gha ma ẹko emwi dan. De obọ mu emwi esi.