Psalm 119:100 - Edo Bible (E Baibol Ẹdo) Version 1996

¹⁰⁰ I mwẹ ẹwaẹn sẹ avbe eniwanrẹn, rhunmwuda, te I mu iyi ruẹ hia sẹ.

Psalm 119:100 ပူးပေါင်းရင်းမြစ်များ

Job 12:12

“Avbe ọmaẹn mwẹ ẹwaẹn, sokpan Osanobua mwẹ ẹwaẹn kevbe ẹtin. Avbe ọmaẹn rherhe bẹghe vbene emwi ra de hẹ. Osanobua rẹn vbene emwi ra de hẹ kevbe, ẹtin ne a ya ru ẹe vbene a gha ru ẹe hẹ.

Job 28:28

Osanobua keghi tama emwa nagbọn wẹẹ, ‘Deghẹ wa ho ne uwa gha wan, wa ghi gha ya ọghọ ne Nọyaẹnmwa. Ne uwa miẹn ehe na rẹn otọ emwi, te uwa gha fiwerriẹ hin ọkhọ rre.’ ”

Job 32:4

Rhunmwuda ne Elihu na re ọvbokhan vbe evba, ọ keghi ziengbe ne emwa hia guan fo nẹ.

Psalm 111:10

A rhie ọghọ ne Nọyaẹnmwa ọ re ọ ye ọmwa wan. Ọ rhie irẹnmwi ẹmwata ne iran ni rhie uhi ẹre mwẹ, te a ra gha rho ẹre rhinrin ẹdẹ.

Psalm 119:34

Rhan otọ uhi ruẹ ma mwẹ, mẹ gha vbe ya ẹe gha ru emwi vbe ẹghẹ hia, I gha ya ekhọe mwẹ hia, ya ẹe ru emwi.

Matiu 7:24

“Rhunmwuda ọnii, ọmwaikọmwa ne ọ họn ẹmwẹ mwẹ na, ọ na vbe yae gha yin, I gha yae gie umẹwaẹn ọkpa ne ọ bọ owa yan okuta.

Jems 3:13

Orhiọnkpa rrọọ vbe uwu uwa ne ọ waan ne ọ vbe rẹn otọ ẹmwẹ ra? Wẹ ne uyinmwẹ ọnrẹn ne ọ maa rhie ẹre maa vbe ekpa iwinna esi ne ọ ya imuegbe rri otọ kevbe ẹwaẹn winna.