Psalm 118:6 - Edo Bible (E Baibol Ẹdo) Version 1996

⁶ E Nọyaẹnmwa rrọọ yaba mwẹ, ohan i ghi mu mwẹ de emwi ne ọmwaikọmwa gha miẹn ru mwẹ re?

Psalm 118:6 ပူးပေါင်းရင်းမြစ်များ

Psalm 112:8

Ẹ i hawa, ohan i muẹn; ọ rẹnrẹn ighe aro irẹn gha sẹ ọe, vbe obọ a rhanmwẹ avbe eghian rẹn.

Psalm 146:5

Afiangbe nọ ne ọmwa ne ọ mwẹ Osanobua Jekọb, zẹ vbe ọmwa ne ọ yọre obọ, kevbe ne ọ mu ẹtin yan e Nọyaẹnmwa ne Osanobua ẹre.

Psalm 23:4

Vbe ẹmwata, mẹ gha rhe gha khian vbe adesẹ uguowẹ, ọghe aghọnghọn uwu, ohan ọkhọ rhọkpa i ra mu mwẹ Nọyaẹnmwa, rhunmwuda, wẹ deba mwẹ. Orhokhua ruẹ kevbe ọkpọ ruẹ ehia tan obọ gue mwẹ.

Psalm 46:1

Osanobua ọrọre ugue kevbe ẹtin mwa, ọ mu egbe vbe ẹghẹ hia ne ọ ya ru iyobọ vbe ẹghẹ ukpokpo.

Psalm 46:11

E Nọyaẹnmwa ne Oghodua rrọ yaba mwa Osanobua Jekọb ọrọre ugue mwa.

Psalm 56:10

e Nọyaẹnmwa ni ne imẹ go wan eyan rẹn.

Psalm 56:11

Rẹn ọ re I mu ẹtin yan ohan i ra mu mwẹ de emwi ne ọmwa kẹkan gha sẹtin ru mwẹ re?

Psalm 56:12

Osanobua mẹ gha ha emwi ne imẹ ve ne uẹn mẹ gha viọ emwi imuohan ọghe ekpọnmwẹ mwẹ nuẹn.

Psalm 56:4

Mẹ mu ẹtin yan Osanobua ohan ighi mu mwẹ. Mẹ rho ẹre, rhunmwuda eyan ne irẹn yan rẹn, demwi ne ọmwa kẹkan gha sẹtin ru mwẹ re.

Psalm 56:5

Avbe eghian ghi ho mwẹ ẹmwẹ ne ebi ro, ẹghẹ hia ọ re iran ya zẹ iro, ọghe vbene iran gha ya kuan mwẹ hẹ.

Psalm 56:9

Ẹdẹ ne I gha kpe tie ruẹ avbe eghian mwẹ gha lẹ werriegbe mẹ rẹn ọnọna wẹ, mẹ ọ re Osanobua ya ba,

Psalm 94:16

De ọmwa ne ọ gu emwa dan gbinna mẹ yi? Gha ọ mu ẹzọ mwẹ gu emwa ọkhọ gui?

Aizaia 51:12

E Nọyaẹnmwa khare wẹẹ, “Mẹ ọrọre ọmwa ne ọ rhie ẹtin ye uwẹ iwu vbọzẹ ne u gha na mu ohan ọmwa ne ọ sẹtin wu ne ẹ i vbe tọ sẹẹ irunmwu?

Jerimaia 20:11

Sokpan, Nọyaẹnmwa ne ọ wegbe kevbe ne ọ mwẹ ẹtin mẹ ọ re uwẹ deba ẹ i ra dunna ne iran ni zẹ mwẹ kpokpo. A gha fa iran an ẹdẹdẹmwẹdẹ, rhunmwuda, ẹ i ra mwẹ uhunmwu ne iran. Ai ra mianmian efa ne ọ rruan iran ẹdẹdẹmwẹdẹ.

Ebe ne Pọl gbẹẹn gie emwa Rom 8:31

Ugbẹn vbe a ghi miẹn nian wẹ erriọ ọre emwi hia ye, vbe ima gha ghi kha hẹẹ? Deghẹ ma ọre Osanobua deba, de ọmwa ne ọ gha sẹtin mu aro da ima?

Hibru 13:6

Rhunmwuda ọnii, wa gie ima din ne a kha wẹẹ, “Nọyaẹnmwa ọrọre ne ọ yọ mwẹ obọ, ohan ighi mu mwẹ. De emwi ne ọmwa gha sẹtin ru mwẹ re?”

I Samuẹl 17:11

Ugbẹn vbe Sọl kevbe emwa rẹn ghi họn ẹmwẹ na, udu iran na kpaẹn fi ẹko.

I Samuẹl 17:37

E Nọyaẹnmwa ne ọ fan mwẹ vbe obọ oduma kevbe akpakomiza, gha vbe fan mwẹ vbe obọ e Filistin na.” E Sọl keghi kha wẹẹ, “Ọ maa khekherriọ, gha khian, Osanobua gha yaba ruẹ.”