Psalm 118:27 - Edo Bible (E Baibol Ẹdo) Version 1996

²⁷ E Nọyaẹnmwa ọrọre Osanobua ọ wa vbe ru ima ẹse dee ẹdẹ wa viọ abọ erhan mwẹ obọ ne uwa suẹn emwi ukpo nii ne uwa gbe ukpukpẹ lẹga ogiukpo.

Psalm 118:27 ပူးပေါင်းရင်းမြစ်များ

I Ọba 18:21

Elaija keghi hin bu iran gha khian ọ keghi kha wẹẹ, “Vbe ọ khian sikan mu uwa unu kpẹ sẹ hẹ yi ne uwa ya ta obọ ne u wa ye vbọ. A deghẹ e Nọyaẹnmwa ọrọre Osanobua, wa gae, a deghẹ e Bal ọrọre Osanobua, wa gae!” Sokpan, emwa nii ma wanniẹn ẹmwẹ rhọkpa.

I Ọba 18:39

Emwa nii ghi miẹn emwi na, iran hia keghi dele gbe otọ, iran na datu wẹẹ, “E Nọyaẹnmwa ọrọre Osanobua, e Nọyaẹnmwa ọkpa ọrọre Osanobua!”

I Krọnikol 29:21

Vbe ẹdẹ ne ọ lele ẹe, iran keghi gbele aranmwẹ kevbe emwi izọese, iran keghi ya ehia fi ohan ne Nọyaẹnmwa, iran na viọ ne emwa ne iran rri ọe. Iran kevbe gbele ẹkhuia ẹmila arriaisẹn ya zọ ese, kevbe ogho arriaisẹn kevbe oteghe ohuan arriaisẹn, ne iran wa giẹn ọnrẹn ohoho vbe uhunmwu Ogiukpo. Iran keghi vbe viọ ayọn rre do ya mu ohan.

Ẹsta 8:16

Ẹko avbe Ju keghi vuọn ne oghọghọ ọghe a fe vbe iwe, ọyẹnmwẹ kevbe akhọnmiotọ.

Psalm 18:28

E Nọyaẹnmwa, wẹ rhie uwanmwẹ mẹ u keghi khu ebiebi mwẹ fua.

Psalm 37:6

Ọ gha vbe ya ẹmwata ruẹ wan uwanmwẹ zẹvbe owẹn oghọghọ.

Ẹksọdọs 27:2

U ghi ru ẹe ne ọ niẹn ukpẹ ladian vbe igẹngẹn ọnrẹn enenẹ. Nene avbe aka ghi wa gha re ọkpa, a ghi ya oze rhu ehia fẹẹrẹ.

Ẹksọdọs 38:2

Ọ keghi vbe ru ehe ne ọ na zẹ ukpẹ ye igienenẹ ọnrẹn vbene iran na gha re ọkpa yaba aka nii. Ọ keghi ya oze rhu ehia.

Aizaia 60:1

Kpaegbe Jerusalẹm ne u viọ asan ladian vbe owẹn, uyi e Nọyaẹnmwa ọ re ọ viọ asan yan ruẹn.

Aizaia 9:2

Iran ni te ka khian vbe uwu ebiebi miẹn uwanmwẹ nọkhua otọe aghọnghọn ọ re iran te ye usin banbanna nian, uwanmwẹ wan yan iran.

Maika 7:9

Ma ru orukhọ ghe Nọyaẹnmwa nẹ, rhunmwuda ọnii, te ọ kere ne ima ziengbe ohu ẹre vbe omwa ẹghẹ eso, sokpan, vbe okiekie, ọ gha mu ẹzọ ima gui, ọ ghi kpe ima oya emwi ne a ya ru ima khọ ua.

Malakai 4:2

Wa ghi gha re ne ẹ i mwẹ idobo, ẹko ghi vbe gha sẹ uwa ọyẹnmwẹ zẹ vbe ivbi ẹmila ne a viọ ke uwu ogba ladian.

Iyẹn ne ọ Maan Ọghe Jọn 8:12

Jesu keghi dọlegbe gu avbe emwa guan wẹẹ, “Mẹ ọrọre uwanmwẹ agbọn, Ọmwaikọmwa ne ọ lele mwẹ, ọ gha mwẹ uwanmwẹ ẹfe, ẹ i ra vbe khian vbe ebiebi.”

Hibru 13:15

Rhunmwuda ọnii, wa gie ima gha rhie urhomwẹ ne Osanobua vbe ẹghẹ hia, zẹ vbe ese ne a zọ la obọ Jesu, ọnii nọ wẹ, wa gie ima gha ya urhu mwa rhie ekpọnmwẹ ne eni ẹnrẹn.

I Pita 2:9

Sokpan, wa ọrọre emwa ne a hannọ zẹ, avbe ohẹn Osanobua, agbọn ẹvbo ne ọ huanrẹn, emwa Osanobua tobọ ẹre, emwa ne a hannọ zẹ, ne iran mu iwinna ọyunnuan Osanobua go, ọmwa ne ọ tie uwa ke uwu ebiebi ladian gha rrie uwu uwanmwẹ ọyunnuan.