Psalm 118:24 - Edo Bible (E Baibol Ẹdo) Version 1996

²⁴ Ẹdẹ akhọnmiotọ e Nọyaẹnmwa ọ re ọna khin wa gie ima gha ghọghọ, wa gie ima titi ẹe!

Psalm 118:24 ပူးပေါင်းရင်းမြစ်များ

I Ọba 8:66

Vbe ikpẹdẹ ne ogierẹnrẹn, e Solomọn keghi zẹ. emwa ni hia urrie, iran hia keghi tian rẹn, iran kegha rrie owa vbe ne ọyẹnmwẹ na sẹ iran ye emwi esi hia ne Nọyaẹnmwa ya ne Devid ne ọguọmwadia ẹre kevbe ivbi Izrẹl ne emwa rẹn.

Nehimaia 8:10

Banbanna nian, wa gha rrie owa ne uwa rri evbare esi, wa fian vbe evbare uwa ne iran ne ẹ i mwẹ, ne uwa vbe sa ne iran vbe ayọn uwa. Ẹdẹ nọhuanrẹn ọ re ẹrẹ khin ne Nọyaẹnmwa rhunmwuda ọnii, wa ghẹ khiẹ. Oghọghọ ne Nọyaẹnmwa, rhie ne uwa gha ya uwa wegbe.”

Psalm 84:10

Ẹdẹ okpa ne a yae vbe Ọgua Osa ruẹ maa sẹẹ arriaisẹn ne a yae vbe ehe ọvbehe, I mudia ye onurho owa Osanobua mwẹ, ọ re ọ maa sẹẹ ne I gha rre uwu owa emwa dan.

Aizaia 58:13

E Nọyaẹnmwa khare wẹẹ, “A deghẹ wẹ ru Ẹdẹ Ikẹtin zẹ vbe emwi. nọhuanrẹn, ighẹ u ma gha do ẹki egbe ruẹ vbe ẹdẹ nẹdẹrriọ; a deghẹ u ka ẹdẹ mwẹ nọhuanrẹn yọ, ighe u na yọghọ ne ẹẹn vbekpa ne u i na ya ẹe yo okhian, ra ne u ya ẹe winna ra ne u gha gbe ikuẹmwẹ vbe ẹdẹ nẹdẹrriọ.

Zẹkaraia 3:9

I ra mu okuta ne ọ mwẹ aro ihinrọn ye odaro Jọsua. I gha gbẹn emwi yọ, I gha viọ orukhọ otọe na kua vbe ikpẹdẹ ọkpa kẹkan.

Iwinna 20:7

Vbe Ẹdẹ uzọla, ma keghi si egbe koko ne a rri evbare ivbiotu. Pọl kegha gu avbe emwa ni guan, ọ keghi guan rhinrin ya sẹ ogiasọn rhunmwuda rẹn gha kpao vbe ẹdẹ a gbe.

Arhie Maan 1:10

Vbe Ẹdẹ Nọyaẹnmwa, Orhiọn keghi hin yan mwẹ, I keghi họn urhu ne ọ la ọkpa ne ọ davan zẹ vbe okpe, ọ kegha guan vbe iyeke mwẹ.