Psalm 117:2 - Edo Bible (E Baibol Ẹdo) Version 1996

² Aho ẹmwẹ ọmwa rẹn ghe mwa kpọlọ ẹsẹse, a gia mu ẹtin yan ọghọe, etẹbitẹ nọ. Wa rho e Nọyaẹnmwa!

Psalm 117:2 ပူးပေါင်းရင်းမြစ်များ

Psalm 103:11

Zẹ vbe ne iso yo rrei ne otọ erriọ ọre aho ẹmwẹ ọmwa rẹn kpolo ghe iran ni ya ọghọ ne ẹẹn.

Psalm 146:6

Ọmwa ne ọ yi ẹrinmwi, agbọn kevbe okun, kevbe emwi hia ni rre uwu iran. Ọ mu eyan rẹn sẹ vbe ẹghẹ hia,

Psalm 85:10

Ahoẹmwọmwa kevbe aguobọ egbe gha miegbe, ẹmwata kevbe ọfumwegbe gha mu egbe dede.

Psalm 89:1

E Nọyaẹnmwa, mẹ gha so ihuan aho ruẹ ne ẹ i beghe vbe ẹghẹ hia, I gha na iyẹn aguobọmwa ruẹn ẹdẹdẹmwẹdẹ.

Aizaia 25:1

E Nọyaẹnmwa, wẹ ọrọre Osanobua mwẹ I gha ya ọghọ ne uẹn, I gha rho eni ruẹn, u ru avbe emwi ọyunnuan nẹ a vbe emwamwa ne u ru ẹghẹ ni u wa hẹko mu ehia sẹ nẹ.

Maika 7:20

Wẹ gha rhie ẹmwẹ ọmwa rre ọmwa ekhọe kevbe aho ẹmwẹ ọmwa ne ẹ i beghe ma emwa ruẹn, ivbi uniẹn Ebraham kevbe Jekọb, zẹ vbene u yan ma avbe erha mwa odede ẹkporriọ.

Iyẹn ne ọ Maan Ọghe Jọn 14:6

Jesu wanniẹn wẹẹ, “Mẹ ọrọre odẹ, mẹ ọrọre ẹmwata, mẹ ọrọre arrọọ. Ọmwa nọ gha sẹtin sẹ ehe ne Evbavba ye ẹ i rrọọ vbe ẹ i re wẹ te ọ la obọ mwẹ.

I Jọn 5:6

Jesu Kristi ọrọre ọmwa ne ọ rre, ọ rre ke irẹn kevbe amẹ ọghẹ isamẹ ọnrẹn kevbe esagiẹn ọghe uwu ẹre. Ẹ i re rẹn vbe amẹ ọkpa ọre ọ rre, sokpan ke irẹn kevbe amẹ kevbe esagiẹn. Nene Orhiọn tobọ ẹre vbe se osẹe wẹ ẹmwata ọ na khin, rhunmwuda, ẹmwata ọre nene Orhiọn khin.