Psalm 116:5 - Edo Bible (E Baibol Ẹdo) Version 1996

⁵ E Nọyaẹnmwa mwẹ itohan, ọ vbe maa, ọmwa ne ọ vuọn ne ẹnina, ọ re Osanobua mwa khin.

Psalm 116:5 ပူးပေါင်းရင်းမြစ်များ

Ẹzra 9:15

E Nọyaẹnmwa Osanobua Izrẹl, ọmwa ẹmwata ọ re uwẹ khin, u kevbe gie ima miẹn uhunmwu. Ma miẹn orukhọ mwa kue ma ruẹn, ma ma ghi vbe kei ne ọ gha rrie ehe ne uwẹ ye.”

Nehimaia 9:17

Iran ma họn ẹmwẹ ne uẹn, iran mianmian emwi hia ne u ru iran mianmian iwinna ọyunnuan, ne u he winna hia. Vbe uwu itengbemu, iran zẹ olotu ọvbehe, ne ọ viọ iran dọlegbe gha rrie Igipt; sokpan, Osanobua ne ọ yabọ ọmwa ọ re uwu khin wẹ vuọn ne ẹsọhẹ kevbe ahoẹmwọmwa itohan ruẹn kpolo, u ma he iran ye otọ.

Nehimaia 9:31

Sokpan, rhunmwuda ighẹ itohan ruẹn kpọlọ, u ma fi iyeke gbe ra ne u fuẹn iran an Osanobua ne ọ vuọn ne ẹsọhẹ ne ọ mwẹ itohan, ọre uwẹ khin.

Nehimaia 9:33

Emwiesi ọ re u ru, ne u na rri ima oya wẹ wa gha mwẹ ekhọe esi, egbe ne ima ya ru orukhọ.

Nehimaia 9:8

U miẹn wẹ ọ zẹ obọ lele uẹ u yanrẹn ne u mu otọ emwa Kenan ne ẹẹn. Otọ emwa Hiti kevbe Amọri otọ emwa Pẹriz, Jebus, Gẹgas, ne ọ gha re Otọe ne ivbi uniẹn ọnrẹn gha yin. U ru ẹe vbene u tae rhunmwuda, ekhọe ruẹ maa.

Psalm 103:8

E Nọyaẹnmwa mwẹ itohan ọ mwẹ aho ẹmwẹ ọmwa, ẹ i rherhe mu ohu, ọ vuọn ne aho ẹmwẹ ọmwa ne ẹ i beghe.

Psalm 112:4

Te uwanmwẹ ladian vbe uwu ebiebi ne ọmwa esi, ne iran ni mwẹ itọhan, ẹnina, kevbe ẹmwata.

Psalm 115:1

Nọyaẹnmwa, wẹ okpa, awẹ, wẹ okpa kẹkan ọ re a gha rhie uyi na, ighẹ ẹ i re ima, rhunmwuda umamwẹ kevbe ahoẹmwọmwa ruẹn ne ẹ i beghe.

Psalm 119:137

Ọmwata ọ re uwẹ khin, Nọyaẹnmwa, ẹmwata ọ re uhi ruẹ hia vbe khin.

Psalm 145:17

Ọmwata ọ re Nọyaẹnmwa khin vbe emwi ne ọ ru hia, ọ vuọn ne itohan vbe iwinna rẹn hia.

Psalm 86:15

Sokpan Osanobua ne ọ mwẹ itohan, kevbe ne ọ ho ẹmwẹ ọmwa, ọ re uwẹ khin Nọyaẹnmwa, ne ọ ziengbe vbe ẹghẹ hia ne ọ mwẹ itohan kevbe ne ọ guobọmwa.

Psalm 86:5

Wẹ maa ne ima, u kevbe ya orukhọ bọ, u vuọn ne aho ne ẹ i beghe ne iran ni na erhunmwu ghe ruẹ.

Aizaia 45:21

Wa larre, wa do ta ne unu uwa vbe iko, wa tama iran ne a gu ẹzọ ne iran mu iro vba egbe. Gha ọ ta emwi ne ọ gha he kue sunu yotọ ke ẹkpo nii gha dee? Ẹre mẹ ne Nọyaẹnmwa nọ, mẹ ne Osanobua ne ọ miẹn emwa rẹn fan? Osa ọvbehe i rrọọ.

Jerimaia 12:1

Nọyaẹnmwa, I gha wẹ ne ima gba gui ẹzọ mwẹ, wẹ ọ re ọ khian rri ase. Sokpan, I gha ye nọ ruẹn ọta ne ọ dekan ohiẹn ẹmwata. Vbọzẹ ne agbọn na maa emwa dan sẹrriọ yi?

Daniẹl 9:14

Wẹ ne Nọyaẹnmwa Osanobua mwa wa mu egbe ne u ya rri ima oya, u keghi ru ẹe vberriọ rhunmwuda, emwi ne ọ gbae ọ re uwẹ ru vbe ẹghẹ hia kevbe wẹ, ma ma danmwehọ ruẹ.

Daniẹl 9:7

Nọyaẹnmwa, emwi ne ọ gbae ọ re uwẹ ru vbe ẹghẹ hia, sokpan, ẹghẹ hia ọ re ima ya fa egbe ima an. Erriọ ọ re ọ wa ye ne iran ni rre Judia kevbe Jerusalẹm, kevbe avbe ivbi Izrẹl hia ne uwẹ zagha lele avbe ẹvbo ni khian rrei kevbe ni sikẹ owa rhunmwuda, iran ma mudia ke uẹ ẹse.

Daniẹl 9:9

Wẹ mwẹ itohan, u keghi vbe yabọ, a gha rhe miẹn wẹ ma sọtẹ ghe ruẹ.

Ẹfisọs 2:4

Sokpan ọkpọkua ọre itohan Osanobua khin, aho ẹmwẹ ọmwa rẹn ghe mwa keghi vbe re nọkhua.

I Timoti 1:14

Nọyaẹnmwa keghi wa tue ẹsọhẹ ọre ọrhẹnrhẹn yan mwẹ, ọ keghi rhie mẹ ighẹ iyayi kevbe aho ẹmwẹ ọmwa ne ọre ogho mwa vbe uwu a ya egbe ba Kristi Jesu.

I Jọn 1:9

Sokpan a deghẹ ma miẹn orukhọ mwa kue ma Osanobua, rẹn gha mu eyan ọghọe sẹ, ọ ghi ru vbene ọ keyi, ọ gha ya orukhọ mwa bọ mwa, ọ ghi vbe kpe mwa hin uwu abakuru mwa hia rre.