Psalm 116:17 - Edo Bible (E Baibol Ẹdo) Version 1996

¹⁷ I gha zọ ese ekpọnmwẹ ghe ruẹ I ghi vbe na erhunmwu mwẹ ghe ruẹ.

Psalm 116:17 ပူးပေါင်းရင်းမြစ်များ

Psalm 107:22

Ọ kere ne iran zọ ese ya kpọnmwẹ ọẹn ne iran vbe ye ihuan oghọghọ, ta iwinna ne ọ winnaẹn hia.

Psalm 116:13

I gha mu ayọn izọhẹ gie Nọyaẹnmwa, ne I ya kpọnmwẹ ọẹn ye ne ọ na miẹn mwẹ fan.

Psalm 50:14

Ya ẹse ne a kpọnmwẹ gha ru ese ne u zọ ghe Osanobua ne u vbe viọ emwi ne u ve hia ne Udazi.

Levitikọs 7:12

Ọmwa gha zẹ ọhẹ na do ya kpọnmwẹ Osanobua, ọ ghi mu ebrẹd ne a ma ye eyist gbe lele aranmwẹ nii gha dee, ọ sẹtin gha re ududu ne a ya irhuarhua ne a ya ofigbọn ọliv gbe ru, ra ne fẹrhẹfẹrhẹ ne a ya ofigbọn woo, ra ebrẹd ne a ya irhuarhua ne a ya ofigbọn ọliv gbe ru.

Iwinna 2:42

Iran keghi wa ya ẹghẹ iran hia gha ruẹ emwi vbe obọ avbe ukọ, iran keghi rhie egbe ba iran. Iran kevbe gha re vbe evbare ne iran hia gha re, iran kevbe gha deba iran na erhunmwu.

Diuteronomi 12:11

E Nọyaẹnmwa gha zẹ ihe ọkpa kẹkan ne a gha na gha ga ẹe, evba wa gha na gha viọ avbe emwi hia ne I yi ẹre iyi ne uwa na gie ẹe, ese na giẹn uan ọwua, kevbe ese ọvbehe ne uwa gha zọọ, a ghae ye ihe igbe ọwua kevbe avbe izẹọhẹ kpataki ne uwa ve e Nọyaẹnmwa ẹre.

Diuteronomi 12:6

Evba wa gha na gha zọ ese uwa na gha giẹn uan, kevbe izọ ese ọwua nekpa, kevbe a ghae ye ihe igbe ọghe uwa kevbe izẹọhẹ uwa, emwi ihaoko ne uwa ve Nọyaẹnmwa ẹre, izẹọhẹ a ke ekhọe rre kevbe emọ ọdiọn ọghe ẹmila kevbe ohuan uwa.

Hibru 13:15

Rhunmwuda ọnii, wa gie ima gha rhie urhomwẹ ne Osanobua vbe ẹghẹ hia, zẹ vbe ese ne a zọ la obọ Jesu, ọnii nọ wẹ, wa gie ima gha ya urhu mwa rhie ekpọnmwẹ ne eni ẹnrẹn.