Psalm 116:16 - Edo Bible (E Baibol Ẹdo) Version 1996

¹⁶ Ọguọmwadia ruẹ mẹ khin Nọyaẹnmwa, te imẹ ga uwẹ, zẹ vbene iye mwẹ vbe ru, wẹ miẹn mwa fan vbe obọ uwu nẹ.

Psalm 116:16 ပူးပေါင်းရင်းမြစ်များ

I Krọnikol 17:19

Te ọ yẹ ruẹ u na zẹẹ ọe vbe iro ne u ru emwi na mẹ wẹ ne u rhie vbene I gha kpọlọ hẹ vbe ẹdẹ nakhuẹ ma mwẹ.

Psalm 119:125

Ọguọmwadia ruẹ mẹ khin; rhie irẹnmwi mẹ, ne I miẹn ehe na rẹn otọ iruẹmwi ruẹn.

Psalm 143:12

Rhunmwuda ne u na ho ẹmwẹ mwẹ, gbele avbe eghian mwẹ hia a, vbe fuẹn iran ni zẹmwẹ kpokpo ua, rhunmwuda, ọguọmwadia ruẹ mẹ khin.

Psalm 86:16

Gbe bu mwẹ rre ne u tohan mwẹ, rhie orhiọn yọmwẹ iwu ne u miẹn mwẹ fan, rhunmwuda, mẹ ga uwẹ zẹ vbene iye mwẹ vbe ru.

Aizaia 61:1

E Nọyaẹnmwa ne Udazi ya orhiọn rẹn vuọn mwẹ nẹ, ọ zẹ mwẹ nẹ, ọ keghi vbe gie mwẹ, ne I rhie iyẹn ne ọ maa gie ivbiogue ne I mu ne ẹko ẹre rhiae egbe rran, ne I na iyẹn afanvbirri ne iran ne oghunmwu kevbe afanfua ne iran ni rre ẹwẹdọ.

Iyẹn ne ọ Maan Ọghe Jọn 12:26

Ọmwa ne ọ ho ne ọ gha ga mwẹ, ọ kere ne ogha lele mwẹ, ọnii nọ wẹẹ, ehe ne imẹ ye ọre ọguọmwadia mwẹ gha vbe gha ye. Erha mwẹ gha ye ọghọ ne ọmwa ne ọ rhirhi ga mwẹ.

Iwinna 27:23

Rhunmwuda vbe ne asọn, odibo Osanobua ne imẹ re ọghọe kevbe ne imẹ ga keghi bu mwẹ rre, ọ wẹẹ,

Ebe ne Pọl gbẹẹn gie emwa Rom 6:22

Sokpan, banbanna nian, a fannọ uwa hin obọ orukhọ rre nẹ, eviẹn Osanobua ọre uwa ghi khin nian, rhunmwuda ọnii ẹdẹ agbọn uwa keghi re ne a ya fiohan nẹẹn, vbe okiekie, wa ghi do gha mwẹ ẹfe ne ẹ fo.

Jems 1:1

E Jems ne ọguọmwadia Osanobua, kevbe ọghe Nọyaẹnmwa Jesu Kristi; ọre ọ gbẹn ebe na rre. I tuẹ emwa Osanobua hia ni tagha gba uhunmwu otọ agbọn hia.