Psalm 116:1 - Edo Bible (E Baibol Ẹdo) Version 1996

¹ Mẹ ho ẹmwẹ Nọyaẹnmwa, rhunmwuda, ọ họn urhu mwẹ; ọ rhie ehọ ye erhunmwu mwẹ.

Psalm 116:1 ပူးပေါင်းရင်းမြစ်များ

Gẹnẹsis 35:2

Ẹre Jekọb na do khama ẹgbẹe ọre kevbe emwa ni guẹe rre evba wẹẹ, “Wa viọ ẹbọ ẹrrẹe ne uwa mwẹ kua, wa khuẹ egbe uwa huan ne uwa viọ ukpọn nihuanrẹn ye egbe.

I Ọba 9:3

E Nọyaẹnmwa keghi tama rẹn wẹẹ, “I họn erhunmwu ruẹn ne, I ya Ọgua Osa ne u bọ ẹe khian ne ọ huanrẹn zẹ vbe ehe ne a gha na gha ga mwẹ rhinrin ẹdẹ. I gha gbe aro ghe ẹre, I gha vbe degue ẹre rhinrin ẹdẹ.

Psalm 119:132

Werriegbe ghe mwẹ, ne u tohan mwẹ, zẹ vbene u ru ghe iran ni ho ẹmwẹ ruẹn hia.

Psalm 28:6

Wa rhie urhomwẹ ne Nọyaẹnmwa, ọ họn urhu mwẹ vbe I nọ iyobọ.

Psalm 40:1

I hẹko ya izin egbe mudia khẹ iyobọ e Nọyaẹnmwa rẹn keghi danmwehọ, ọ kevbe họn urhu eve mwẹ.

Psalm 69:33

E Nọyaẹnmwa danmwehọ iran ne ẹ i mwẹ, ẹ i vbe mianmian iran ni rre ẹwẹdọ.

Aizaia 38:15

Vbe I a ra sẹtin ta yi, e Nọyaẹnmwa ọ re ọ ru ọna. Orriara vuọn ekhọe mwẹ, I i sẹtin vbiẹ.

Eve Orriara 3:56

I ghi vbe rinmwian wẹ ne u zẹ yọ mwẹ re, u keghi họọn.

Jona 2:3

U fi mwẹ fi uwu odin, fi ototọ okun fẹẹrẹ, ehe ne amẹ na lẹga mwẹ, ne ulẹmwẹ amẹ hia na lẹ rhu mwẹ.

Nọmbas 21:3

E Nọyaẹnmwa keghi họn ọghe iran, ọ keghi yi iran obọ ne iran ya khọn Kenan mu otọ. Ivbi Izrẹl keghi fuẹn iran kevbe ẹvbo iran uan. Iran kegha tie evba nii Họma.

Iyẹn ne ọ Maan Ọghe Mak 12:33

Kevbe wẹ, te ọ kere ne ọmwa gha ya ekhọe ẹre hia, ẹko ẹre hia, kevbe ẹtin ẹnrẹn hia ho ẹmwẹ Osanobua kevbe nọ ho ẹmwẹ ogieva ẹre zẹ vbe egbe ẹre. Ne a gha mu Uhi eva na sẹ ọre ọ maa sẹ ne a gha viọ aranmwẹ rre do gha giẹn vbe uhunmwu aka Ogiukpo kevbe ne a gha zọ ese ghe Osanobua.”

Iyẹn ne ọ Maan Ọghe Jọn 16:24

He do sẹ banbanna, wa ma he ya eni mwẹ nọ emwikemwi, wa nọ ighẹ ọ gha sẹ uwa obọ. Ne ọyẹnmwẹ uwa miẹn ehe na gha re ne ọ sẹ otọ ẹko.

Iyẹn ne ọ Maan Ọghe Jọn 21:17

Ukpogieha, Jesu vbe kha wẹẹ, “Saimọn ne ovbi e Jọn, wẹ ho ẹmwẹ mwẹ?” Ẹko ma ghi rhiẹnrhiẹn e Pita ye ne Jesu na nọ rẹn ukpogieha wẹẹ, “wẹ ho ẹmwẹ mwẹ ra?” Rẹn tama rẹn wẹẹ, “Nọyaẹnmwa, wẹ rẹn emwi hia, wẹ rẹnrẹn ighẹ I ho ẹmwẹ ruẹn.” Jesu khama rẹn wẹ, “Gha gbe aro ghe avbe ohuan mwẹ.

I Jọn 4:19

Ma mwẹ aho ẹmwẹ ọmwa, rhunmwuda Osanobua ọre ọ ka ho ẹmwẹ mwa.

I Samuẹl 1:26

E Hanna keghi tama rẹn wẹẹ, “Dọmọ o, u ye yi mwẹ ẹro nian? Mẹ ọrọre okhuo nii ne u miẹn vbe ọ mudia vbe emwana gha na erhunmwu ghe Nọyaẹnmwa.