Psalm 115:2 - Edo Bible (E Baibol Ẹdo) Version 1996

² Vbọzẹ ne avbe uhunmwu ẹvbo gha na gha nọ ima wẹẹ, “Osanobua rua vbọ?”

Psalm 115:2 ပူးပေါင်းရင်းမြစ်များ

Psalm 42:10

Ihẹn ne iran tie mẹ rẹnkhẹn mwẹ uan Vbene iran na nọ mwẹ yan egbe wẹẹ, “Osanobua ruẹ vbọ?”

Psalm 42:11

Vbọzẹ yi, ne ekhọe mwẹ na rhia vbenian vbọzẹ ne orhiọn mwẹ ma na sotọ I gha hẹnhẹn idaehọ mwẹ yan Osanobua I gha vbe dọlegbe rho ẹre, ọmiọnmwafan mwẹ kevbe Osanobua mwẹ.

Psalm 42:3

Asọn kevbe avan ọ re I ya viẹ egbe, ameve ọkpa ọrọre evbare mwẹ ẹghẹ hia, avbe eghian mwẹ ghi gha nọ mwẹ wẹẹ, “Osanobua ruẹ vbọ?”

Psalm 42:4

I gha ye ẹghẹ ne ọ gberra rre, ekhọe mwẹ ghi rhia. Ẹghẹ ne I na lele emwa nibun ye owa Osanobua. Mẹ ghi ke odaro ne iran, vbe iran a gha khian. Emwa nibun ne ẹko rhiẹnrhiẹn, iran ghi gha so ihuan, iran ghi vbe go wan Osanobua.

Psalm 79:10

Vbọzẹ ne avbe uhunmwu ẹvbo gha na gha nọ ima wẹẹ, “Osanobua uwa vbọ?” Gie ima bẹghe ẹre vbe u rri avbe uhunmwu ẹvbo nii oya, rhunmwuda ne iran na gbe esagiẹn emwa ruẹn ye otọ.

Ẹksọdọs 32:12

Vbọzẹ ne a gha na gie ivbi Igipt gha kha wẹ te ọ viọ iran ke otọe Igipt ladian, vbene ọ na zẹ iro dan wẹ ne irẹn gbele iran ye uhunmwu oke, kevbe ne ọ wa fuẹn iran an fẹẹrẹ? Mu ohu nọ wegbe ne ọ muẹn fua, fi ekhọe werriẹ ne u ghẹ gie ẹbe na sunu vbe egbe emwa ruẹn.

Joẹl 2:17

Ohẹn ne ọ ga e Nọyaẹnmwa vbe ẹkpo onurho kevbe Ogiukpo Ọgua Osa, te iran gha viẹ ne iran gha na erhunmwu wẹẹ, “Tohan emwa ruẹn Nọyaẹnmwa, ghẹ gie ẹvbo ọvbehe zan mwa ra ne iran ya ima gha gbe ogie kha wẹẹ, ‘Osanobua uwa vbo?’ ”