Psalm 115:16 - Edo Bible (E Baibol Ẹdo) Version 1996

¹⁶ E Nọyaẹnmwa okpa ọ re ọ yan ẹrinmwi, sokpan, ọ ya agbọn ne ọmwa.

Psalm 115:16 ပူးပေါင်းရင်းမြစ်များ

Psalm 144:5

E Nọyaẹnmwa, va iso ne u tuorre, ya obọ kan avbe oke ni yo, iran gha vbe tue ighogho ladian.

Psalm 148:4

Wa rho ere, ẹrinmwi ne ọ yo sẹ, kevbe avbe amẹ, ni rre odukhunmwu iso.

Psalm 8:6

U ya ẹe ru enọkhaemwisẹ yan emwi ne uwẹ yi hia, u kevbe tọn ẹn mu yan emwi ne a yi hia.

Psalm 89:11

Wẹ ọ re ọ yan ẹrinmwi, kevbe agbọn ba ẹre, wẹ ọ re ọ yi agbọn kevbe emwi hia ni rre uwu ẹre.

Psalm 89:12

Wẹ ọ re ọ yi odẹ okuọ kevbe ekẹn Oke Tabọ kevbe Oke Hẹmọn iran hia ya oghọghọ so ihuan ghe ruẹ.

Aizaia 45:18

E Nọyaẹnmwa ọ re ọ yii iso, rẹn ọrọre ọmwa ne ọ re Osanobua! Rẹn ọ re ọ dọnmwẹ agbọn, ọ na yii ẹe ọ ru ẹe gbain kevbe ne ọ vbe tọ, ọ ma yi ẹre ne ọ dihoi rua ne ọ rhiaẹe. Sokpan ehe ne emwa gha yin. Rẹn ọrọre ọmwa ne ọ khare wẹẹ, “Mẹ ọrọre Nọyaẹnmwa, osa ọvbehe i ghi vbe rrọọ.

Aizaia 66:1

E Nọyaẹnmwa khare wẹẹ, “Ẹrinmwi ọrọre ẹkete mwẹ, agbọn ọrọre ukhuerhe ne I viọ owẹ yan. De egbe owa ne uwa ghi ra họ mẹ khekherriọ, de egbe ehe ne uwa ra rhie mẹ ne I gha dia?

Eve Orriara 3:66

Zọ uhio owẹ iran, ne u gie iran gbẹro vbe agbọn na!”

Iyẹn ne ọ Maan Ọghe Jọn 14:2

Ughugha bun vbe owa Erha mwẹ, Mẹ ra ya te ẹre ye otọ khẹ uwa. Akpawẹ ẹ i re erriọ ye, mẹ i ghẹ tama uwa vberriọ.

Diuteronomi 10:14

“Ẹrinmwi ne ọ yo sẹ ehia, e Nọyaẹnmwa ọ re ọ yan rẹn. Rẹn ọ vbe yan agbọn kevbe emwi hia ni rre uwu ẹre.

Diuteronomi 32:8

Nọyosẹ ọ re ọ ghae otọe sẹ ẹvbo obọ, rẹn ọ re ọ ta ehe ne emwa gha yin, ọ ghae otọ edọmwadẹ ẹvbo ne ẹẹn.