Psalm 115:14 - Edo Bible (E Baibol Ẹdo) Version 1996

¹⁴ Te Nọyaẹnmwa gha ye emọ ru uwa ẹse, wa kevbe avbe ivbi uniẹn uwa!

Psalm 115:14 ပူးပေါင်းရင်းမြစ်များ

Gẹnẹsis 13:16

I gha viọ uniẹn nibun nuẹn, iran gha bun sẹrriọ wẹ a i miẹn ọmwa ne ọ gha sẹtin ka iran zẹ vbe ne a i miẹn ọmwa ne ọ gha sẹtin ka ikpẹ ekhae ne otọ!

Gẹnẹsis 17:7

“I gha mu eyan mwẹ sẹ ne uwẹ kevbe avbe ivbi uniẹn ruẹn vbe orre ne ọ dee zẹ vbe ile itẹbitẹ. Mẹ gha re Osanobua ruẹ kevbe Osanobua ọghe uniẹn ruẹn.

II Samuẹl 24:3

Sokpan, e Joab keghi wanniẹn wẹẹ, “Umogun, te Nọyaẹnmwa ne Osanobua ruẹ gha gie ivbi Izrẹl muan yọ ukhukhu arriaisẹn sẹ vbene iran ye na, te u gha vbe tọ ne aro ruẹ sẹ ọe vbe ọ gha ru ẹe. Sokpan vbọzẹ ne u na ho ne u ru emwi na yi Umogun?”

Aizaia 27:6

Vbe ẹdẹ ne ọ dee, ivbi Izrẹl, iran ne uniẹn Jekọb gha zẹ inian zẹ vbe erhan, iran gha zẹlẹ ebe, iran ghi vbe gbe ighọn. Ọmọ ne iran mọẹn ghi gba agbọn na hia.

Aizaia 56:8

E Nọyaẹnmwa ne Udazi, ne ọ viọ Izrẹl ne emwa rẹn ke iwe gha dee, yan nẹ wẹ rẹn gha ye viọ emwa ọvbehe eso rre do deba iran.

Jerimaia 30:19

Emwa ni rre evba gha so ihuan urhomwẹ iran, gha we ne oghọghọ. Rhunmwuda, afiangbe mwẹ, iran gha muan yọ afiangbe mwẹ gha mu ọghọ ye iran egbe.

Jerimaia 33:22

I gha muan ivbi uniẹn e Devid ne ọguọmwadia mwẹ, kevbe avbe ohẹn ne ivbi uniẹn e Livai sẹrriọ wẹ a i ra sẹtin ka iran zẹ vbene a i sẹtin ka avbe orhọnmwẹ ni rre aro iso ra ikpẹkhae ni rre ọkpẹn okun.”

Hozia 1:10

Ivbi Izrẹl gha do gha yevbe ikpẹ ekhae ni rre okun, iran ghi gha re ne a i sẹtin ka ra ne a mwa rẹn. Banbanna nian Osanobua tama iran wẹẹ, “Wa i re emwa mwẹ.” Sokpan, ẹdẹ dee ne ọ gha tama iran wẹẹ, “Wa ọrọre ivbi Osanobua ne ọ rrọọ!”

Zẹkaraia 10:8

“I gha tie emwa mwẹ, I ghi si iran koko. I gha miẹn iran fan. I ghi vbe gie iran gha bun zẹ vbe ne iran te ka gha ye.

Iwinna 2:39

Rhunmwuda, wa kevbe avbe ivbi uwa ọre Osanobua ve ẹre emwi na kevbe iran ni rre urria, kevbe avbe emwa hia fẹẹrẹ ne Osanobua gha tie rrie egbe.”

Iwinna 3:25

Wa ọre ọ yan emwi hia ne Osanobua la unu avbe akhasẹ ọre ve, ile ne Osanobua gu avbe erha uwa odede ta, vbe ma sẹ uwa egbe. Vbene ọ tama Ebraham wẹẹ, ‘Uniẹn ruẹn ọre I ra la obọ ẹre fiangbe emwa hia ni rre agbọn.’

Diuteronomi 1:11

Te Nọyaẹnmwa ne Osanobua avbe erha uwa gha gie uwa gha muan yọ ukhukhu arriaisẹn, zẹ vbene irẹn yan rẹn, ne ọ vbe gie agbọn ma uwa!

Arhie Maan 7:4

Iran keghi tama mwẹ inu emwa ne a ye agbẹn Osanobua yi ẹre ama vbe uharo. Iran kegha re arriaisẹnenẹyan-ikiọkhọe vbe dọmwadẹ ẹwae ọghe ivbi Izrẹl.

Arhie Maan 7:9

Vbe iyeke ọna, I ghi tọn aro mu, I keghi ya bẹghe agbọn ẹvbo ne ọmwa rhọkpa i sẹtin ka. Iran keghi ke agbọn ẹvbo ẹwae, uniẹn emwa kevbe ẹvbo ne a zẹ rre, iran mudia ye odaro ẹkete, iran keghi ya ogbọnmwọkpa haan, iran keghi viọ ewanmwẹ mwẹ obọ.