Psalm 115:12 - Edo Bible (E Baibol Ẹdo) Version 1996

¹² E Nọyaẹnmwa ye ima rre, ọ gha fiangbe mwa; ọ gha fiangbe ivbi Izrẹl, kevbe avbe ohẹn Osanobua hia.

Psalm 115:12 ပူးပေါင်းရင်းမြစ်များ

Gẹnẹsis 8:1

Sokpan, Osanobua keghi ye Noa rre, kẹe kevbe avbe aranmwẹ oha kevbe emwirri ni guẹe rre uwe okọ, ọ gie ẹhoho ne ọ hoho ye agbọn, amẹ nii keghi gha rriotọ.

Psalm 135:19

Wa rho e Nọyaẹnmwa, wa ne ivbi Izrẹl, wa rho ẹre wa ne avbe ohẹn Osanobua!

Psalm 136:23

Ọ ma mianmian mwa vbe a khọn miẹn ima otọ, etẹbitẹ ọ re ahoẹmwọmwa rẹn khin.

Psalm 25:7

Ya orukhọ kevbe abakuru ẹghẹ ọvbokhan mwẹ bọ mwẹ, vbe umamwẹ kevbe ahoẹmwọmwa ruẹn ne ẹi beghe, ye mwẹ rre Nọyaẹnmwa.

Psalm 67:7

Osanobua fiangbe ima nẹ te emwa hia ni rre ehe hia gha ya ọghọ ne ẹẹn.

Aizaia 44:21

E Nọyaẹnmwa khare wẹẹ, “Izrẹl, ye ẹmwẹ na rre, yerre i ghẹ ọguọmwadia mwẹ ọ re u khin. Te imẹ yii uwẹ ne u gha re ọguọmwadia mwẹ, mẹ i ra mianmian uwẹ ẹdẹ.

Nọmbas 6:27

E Nọyaẹnmwa keghi kha wẹẹ, “Iran gha so enii mwẹ ya na erhunmwu na vbe iran gha na erhunmwu ne ivbi Izrẹl, I gha fiangbe iran.”

Iwinna 10:4

Rẹn keghi tọn aro ye odibosa ni egbe rhunmwuda ighẹ ohan mu ẹn, ọ wẹẹ, “Vbe ọ khin nọwanrẹn?” Odibosa nii wanniẹn wẹẹ, “Osanobua rhan obọ miẹn erhunmwu kevbe iwinna itohan ruẹn nẹ, ọ kevbe ye ruẹ rre.

Iwinna 3:26

Ọnii ọ si ẹe ne Osanobua ghi na zẹ Ọguọmwadia ẹre nẹ, ọ keghi ka gie ẹe bu uwa gha dee ne ọ do fiangbe uwa vbe ekpa ne ọ gha na ya uwa hia fi iyeke gbe odẹ dan ne uwa te la khian.”

Galatia 3:14

Kristi ru vberriọ, ne a miẹn ehe na rhie afiangbe ne Osanobua ve Ebraham re ne iran ne ẹ i re Ju vbe ekpa Jesu Kristi, ne Orhiọn ne Osanobua ve miẹn ehe na la ekpa iyayi sẹ ima obọ.

Galatia 3:29

Deghẹ wa re ọghe Kristi, ẹkpo nii, wa ghi vbe gha re ivbi Ebraham, emwi ne Osanobua ve gha vbe sẹ uwa obọ.

Ẹfisọs 1:3

Wa gie ima rhie ekpọnmwẹ ne Osanobua kevbe Erha Nọyaẹnmwa Jesu Kristi! Rhunmwuda, rẹn fiangbe mwa nẹ vbe uwu akugbe ba Kristi vbe ekpa ne ọ na rhie ọhẹ emwi orhiọn ne ima ke ẹrinmwi gha dee.