Psalm 114:7 - Edo Bible (E Baibol Ẹdo) Version 1996

⁷ Agbọn gha guọ vbe Nọyaẹnmwa a gha dee, vbe odaro e Nọyaẹnmwa ne Osanobua Jekọb.

Psalm 114:7 ပူးပေါင်းရင်းမြစ်များ

Job 26:11

Ọ gha zẹ aro mu avbe orre ni da iso yi, ohan ghi ya iran gha guọ, vbe gha mian zẹghẹzẹghẹ.

Job 9:6

Osanobua ghi giẹ igbohiotọ, ọ ghi mu otọ rueghe, ọ ghi mu avbe orrẹ ni da agbọn yi rueghe.

Psalm 104:32

Rẹn gbe aro ghe otọe, otọe kegha guọ, ọ ya obọ kan avbe oke, ehia keghi tue ighogho ladian.

Psalm 77:18

Ukhuarhamwẹ avan nukhunmwu ruẹn werriẹ ladian, asan ọghe ayan; keghi viọ asan uwanmwẹ ọnrẹn yan otọ agbọn; otọ agbọn mu rueghe ọ ke gha mian.

Psalm 78:16

Ọ ru ẹe ne amẹ ke uwu okuta lẹ ladian ọ keghi gie amẹ ni gha lẹẹ zẹ vbe ẹzẹ.

Psalm 96:9

wa ghughẹrre vbe odaro ọmwa Ne ọ huanrẹn vbe ọ gha ya egbe ladian. Wa gha guọ zẹzẹzẹ vbe odaro ẹre otọ agbọn hia.

Jerimaia 5:22

Mẹ ọrọre Nọyaẹnmwa vbọzẹ ne uwa i na ya ọghọ mẹ? Vbọzẹ ne uwa i na guọ vbe odaro mwẹ? Mẹ ọ re ọ mu uzekhae ya ru ehe ne uwu okun lae. Uwu etẹbitẹ ne irẹn i sẹtin fian rra. Okun sẹtin gha vba kua sokpan, ẹ i sẹtin gberra, ulẹmwẹ okun sẹtin gha davan, sokpan ẹ i sẹtin hae gberra.