Psalm 114:2 - Edo Bible (E Baibol Ẹdo) Version 1996

² E Juda keghi khian emwa ni huanrẹn ọghe Nọyaẹnmwa, Izrẹl keghi khian emwi obọ ẹre.

Psalm 114:2 ပူးပေါင်းရင်းမြစ်များ

Ẹksọdọs 15:17

U viọ iran rre, u keghi gbe iran ẹkun sẹ otọ ye uhunmwu oke. vbe ehe ne u zẹe ya ru owa ruẹ Nọyaẹnmwa. ọgua Osa ne u tobọ ruẹ bọ Nọyaẹnmwa.

Ẹksọdọs 25:8

Iran ghi bọ ọgua Osa mẹ ne I mẹ miẹn ehe na gha rre ehe ne iran ye.

Ẹksọdọs 6:7

I gha ya uwa ru emwa mwẹ, mẹ ghi gha re Osanobua uwa. Wa gha vbe rẹn ighẹ mẹ ọre Nọyaẹnmwa ne Osanobua rua vbe I gha fannọ uwa ye otọ hin ọviẹn ọmwa rre vbe Igipt.

Levitikọs 11:45

Mẹ ọrọre Nọyaẹnmwa ne ọ viọ uwa ke Igipt ladian, ne I mẹ sẹtin gha re Osanobua rua. Wa ghi gha re ne ọ huanrẹn, rhunmwuda ọmwa ne ọ huanrẹn mẹ khin.”

Diuteronomi 23:14

Wa gie agọ ọghe uwa gha re ne awua i ye rhunmwuda e Nọyaẹnmwa Osanobua uwa deba uwa rre agọ, ne ọ gha degue uwa kevbe ne ọ rhie akhọnmiotọ ne uwa vbe uhunmwu eghian uwa. Wa ghẹ ru emwi ohọhọ ne ọ gha ya e Nọyaẹnmwa fi iyeke gbe uwa.

Diuteronomi 27:12

“Wa ghẹ ghi fian Jọdan rra nẹ, a gha fiangbe emwa nii, avbe ẹwae na ghi mudia ye Oke Gerizim: Simiọn, Livai, Juda, Isaaka, Josẹf kevbe Bẹnjamin.

Diuteronomi 27:9

Ẹre Mosis ke ẹe kevbe avbe ohẹn e Livai na tama emwa Izrẹl hia wẹẹ, “Wa rhie ehọ ye otọ ne uwa danmwẹ ehọ mwẹ, wa ne ivbi Izrẹl. Ẹdẹ n ẹrẹna, wa khian emwa ọghe Nọyaẹnmwa Osanobua uwa nẹ,

Diuteronomi 7:6

Wa ghi ru ẹe vberriọ rhunmwuda, ọghe Nọyaẹnmwa Osanobua uwa ọ re uwa khin. Te ọ hannọ uwa zẹ hin uwu ẹbu emwa ne agbọn hia rre ne uwa do gha re emwa ughaẹn ọghe irẹn.

Arhie Maan 21:3

I keghi họn vbe urhu ọkpa wa datu ke uwu ẹkete rre wẹẹ, “Banbanna nian, owa Osanobua rre ehe ne emwa ne agbọn ye. Rẹn gha gu iran yin, iran ghi vbe gha re emwa rẹn. Osanobua tobọ ẹre gha gu iran yin, rẹn ghi vbe gha re Osanobua iran.