Psalm 113:9 - Edo Bible (E Baibol Ẹdo) Version 1996

⁹ Ọ rhie ọghọ ne amwẹ ne ẹ i mwẹ ọmọ vbe owa ẹre ọ gie ẹe sẹ ọyẹnmwẹ vbekpa ne ọ na viọ emọ ne ẹẹn. Wa rho e Nọyaẹnmwa

Psalm 113:9 ပူးပေါင်းရင်းမြစ်များ

Gẹnẹsis 25:21

Ugbẹn vbe a miẹn wẹẹ e Ribẹka ma biẹ, rẹn keghi na erhunmwu ghe Nọyaẹnmwa vbe ekpa ẹre. E Nọyaẹnmwa keghi họn erhunmwu ẹre, e Ribẹka na do gha hanmwa.

II Ọba 4:17

Sokpan zẹ vbene Elaisia khare, ọ ghi rre ẹghẹ nii vbe ukpo ne ọ lele ẹe, ọ keghi biẹ ọmọ okpia.

Psalm 68:6

Ọ rhie owa ne ọmwa ne ọ rre uwu ohioro dia, ọ keghi vbe viọ iran ni rre ẹwẹdọ ladian, gha rriẹ oghọghọ ọmwa ne ẹ i rre imu. Sokpan, iran ni sọtẹ gha rre otọe ne ọ dihoi rua.

Aizaia 54:1

E Jerusalẹm, te uwẹ gha ye vbe okhuo ne ẹ i mwẹ emọ, sokpan, eban nian, u sẹtin so ihuan ne u vbe gha wee ne oghọghọ. Eban nian, u gha mwẹ emọ sẹ okhuo ne ọdọ ẹre ma sẹrae ẹdẹ,

Nọmbas 5:28

Sokpan, a deghẹ ọ ma rẹn ọkpa ọ ma rẹn eva, emwi rhọkpa i ru ẹe, ọ ghi yevbe sẹtin gha biẹlẹ.

Galatia 4:27

Rhunmwuda ebe kha re wẹẹ, “Gha ghọghọ wẹ ne okhuo ne ọ ma biẹ ẹdẹ davan ne u gha we ne oghọghọ wẹ, ne emwi ubiẹmwẹ ma he ru ẹdẹ. Rhunmwuda, okhuo ne a te kpa sẹrae, gha do gha mwẹ emọ ne ọ bun sẹ ọghe okhuo ne irẹn vbe ọdọ ẹre gba rrọọ.”

I Samuẹl 2:5

Iran ne a koko ẹse la iyoha ba ẹmwẹ evbare, ohanmwẹ ma ghi gbe iran ne ohanmwẹ te gbe ọvbehe. Amwẹ ne agan biẹlẹ emọ ihinrọn, sokpan, a ma sẹ ọkpa rae ne nọ biẹlẹ enibun.