Psalm 112:9 - Edo Bible (E Baibol Ẹdo) Version 1996

⁹ Ọ gha rhie ne ne ẹ i mwẹ wọrhọwọrhọ itohan rẹn i vbe baku ọ gha mwẹ ẹtin, a ghi vbe gha ya ọghọ ne ẹẹn.

Psalm 112:9 ပူးပေါင်းရင်းမြစ်များ

Psalm 111:3

Emwi ne ọ ru hia vuọn ne uyi kevbe orrirri ọba; ọmwata ẹre, etẹbitẹ nọ.

Psalm 112:3

Ẹgbẹe ọre ghi gha re emwa ne emwi gue kevbe ni fe, agbọn gha wa ma rẹn rhinrin ẹdẹ.

Psalm 75:10

Ọ gha guọghọ ẹtin emwa dan sokpan a gha rhie ba ẹtin ọghe emwa ẹmwata.

Psalm 92:10

U ya mwẹ wegbe zẹ vbe ede, u ya oghọghọ we mwẹ nẹ.

Psalm 92:11

Aro miẹn ọẹn nẹ vbe obọ gba avbe eghian mwẹ, I vbe họn eve avbe emwa dan.

Itan 14:24

Ẹfe ọ re a ya san avbe umẹwaẹn ẹse; sokpan, ukọnmwẹ iran ọ re a ya rẹn avbe akpa.

Itan 19:17

U gha rhie emwi ne ovbiogue, te ọ ye vbe ne a rhie emwi ne Nọyaẹnmwa mọmọ; e Nọyaẹnmwa gha ha ẹre werriegbe nuẹn.

Itan 21:26

Emwi ne ọ rhie ru i rrọ gberra ne ọ gha roro emwi ne ọ te ho ne irẹn gha mwẹ. Sokpan ọmwa ẹmwata wa sẹtin ru ẹse, ọ ghi vbe ru ẹre ne ọ la ọmwa aro.

Asan-Ibo 11:6

Kọ emwi ruẹn vbe owiẹ, ota gha rre, vbe kọ, u ma rẹn dẹghe ehia ọ re ọ ra maa ra dẹghe ọna ọ ra maa vbọ sẹẹ nọkpa.

Asan-Ibo 3:6

ọ rhie ẹghẹ yọ ne a ya mu fua, ọ rhie ẹghẹ yọ ne a ya miẹn rhie, ọ rhie ẹghẹ yọ ne a ya si koko, ọ rhie ẹghẹ yọ ne a ya zagha kua,

Aizaia 32:8

Sokpan ọmwa ne ọ re adazẹ, emwi uyi ọ re ọ ru, ọ ghi vbe rhie egbe ye emwi ne ọ re ẹmwata.

Aizaia 58:10

Adeghẹ wa rhie evbare ne ọmwa ne ohanmwẹ gbe, wa na gie ẹko vuọn iran ne ẹ i mwẹ, ẹghẹ nii, ebiebi ni lẹga uwa gha khian uwanmwẹ ogiavan.

Aizaia 58:7

Wa fian ne iran ne ohanmwẹ gbe vbe evbare uwa, ne uwa vbe gha gie iran ne ivbiogue ne ẹ i mwẹ owa gha la owa uwa. Wa gha viọ ukpọn ne iran ne ẹ i miẹn rhuan, ne uwa ghẹ he ne uwa ru iyobọ ne etẹn uwa.

Matiu 6:4

Erhaa ne ọ bẹghe emwi ne u ru vbe ẹkhokho de ra do san ruẹ ẹse.

Iyẹn ne ọ Maan Ọghe Mak 14:7

Ẹghẹ hia ọre uwa gha ya gha miẹn avbe ivbiogue, wa gha sẹtin ru iran ẹse vbe ẹghẹ ne uwa a rhirhi gha ho, sokpan mẹ i ra gha gue uwa rrọọ vbe ẹghẹ hia.

Iyẹn ne ọ Maan Ọghe Luk 11:41

Wa viọ emwi ni rre uwu ọkpan kevbe ukpu ne uwa mwẹ ne ivbiogue, erriọ ọ gha na huan ne uwa.

Iyẹn ne ọ Maan Ọghe Luk 12:33

Khiẹn emwi ne u mwẹ hia ne u gha igho ẹre ne avbe ivbiogue. Wa gualọ ẹsiso ne ẹ i khian ọmaẹn, ne uwa si emwi ewe uwa koko ye ẹrinmwi, ehe ne ẹ i na dibu, rhunmwuda oyi i sẹ evba, arriukpa ẹ i rhia ẹe rua.

Iyẹn ne ọ Maan Ọghe Luk 16:9

Jesu keghi rhie te ẹe wẹẹ, “Ne I tama uwa nian, wa ye ẹfe agbọn na ne uwa mwẹ zẹ ọse ne egbe uwa, a i rẹn vbe ọ gha ghi hiẹ uwa, ne a miẹn ehe na miẹn uwa ye owa etẹbitẹ.

Iyẹn ne ọ Maan Ọghe Luk 18:22

Jesu ghi họn ẹmwẹ na, ọ tama rẹn wẹẹ, “Emwi ọkpa ọre ọ ghi kẹe nuẹn, ya khiẹn emwi ruẹn hia, viọ igho ẹre ne avbe ivbiogue, u gha mwẹ ẹfe vbe ẹrinmwi, u ghi gha dee ne u do gha lele mwẹ khian.”

Iyẹn ne ọ Maan Ọghe Jọn 13:29

Rhunmwuda ighẹ Judas ọre ọ da ẹkpo igho yi, eso vbe uwu avbe erhuanegbe keghi te ro ighẹ te Jesu wẹ ne ọ ya dẹlẹ emwi ne iran ra ya ru emwi ukpo, ra nọ rhie emwi ne avbe ivbiogue.

Iwinna 20:35

Vbe uwu emwi hia, I rhie ma uwa wẹ vbe nian ọre ọ kere ne I ma kakabọ gha winna ne a miẹn ehe na ye iran ni ma wo vbe egbe obọ. Wa ye ẹmwẹ ne Nọyaẹnmwa Jesu tobọ ẹre ta ẹe rre wẹẹ, ‘Ne a gha rhie ne emwa ọvbehe ọre ọghọ ye sẹ ne a gha ghe emwa ọvbehe obọ.’ ”

Iwinna 4:35

Iran na gha viọ igho ne iran miẹn vbọ gie avbe ukọ, iran ghi vbe gha igho ni gba emwa hia obọ, vbe ne ọ gha sẹ iran lo.

Ebe ne Pọl gbẹẹn gie emwa Rom 12:13

Wa gha ghae ne etẹn uwa ne ẹ i mwẹ emwi vbe uwu emwi ne uwa mwẹ, wa gha sẹ oyaya mu erhunmwuyẹn.

II Kọrinti 8:9

Rhunmwuda, wa rẹn ẹsọhẹ ọghe Nọyaẹnmwa Jesu Kristi wẹ vbene irẹn rhe fe sẹ hẹ, ọ keghi rhunmwuda uwa ye egbe khian ovbiogue, ne irẹn miẹn ehe na la ekpa a i mwẹ ọghọe ye uwa khian ni fe.

Diuteronomi 15:11

Ẹghẹ hia ọ re a gha ya gha miẹn ivbi Izrẹl ni re ivbiogue ne ẹ i mwẹ emwi, rhunmwuda ọnii, I ye ẹre iyi ne uwa nian ne uwa gha zẹ emwi obọ ne iran.

Diuteronomi 15:14

U ghi ya ne ẹẹn sẹ ọkẹn vbe uwu emwi ne Nọyaẹnmwa ya fiangbe uẹ, ohuan, ọka kevbe ayọn.

Diuteronomi 24:13

U ghi rhie ẹre werriegbe gie ẹe vbe owẹn a defua nẹ, ne ọ miẹn ya hin egbe vbiẹ. Ẹghẹ nii rẹn gha kakabọ kpọnmwẹ ọn, ẹko e Nọyaẹnmwa Osanobua ruẹ gha vbe rhiẹnrhiẹn ghe ruẹ.

I Timoti 6:18

Tama iran, ne iran gha ru emwi esi, ne iran gha re ni fe vbe emwi esi ne a ru, ne iran gha zẹ emwi obọ, ne iran vbe mu egbe ne iran gha ya ghae ne emwa ọvbehe.

Hibru 13:16

Wa ghẹ mianmian ẹse ne a ru kevbe ne uwa gha ya egbe obọ, rhunmwuda, enena ọrọre izọ ese ne ọ yẹ Osanobua.

Hibru 6:10

Osanobua i re ọmwa ne ẹ i ru emwi ẹse. Ẹ i ra mianmian iwinna ne uwa winnaẹn, ra vbene uwa ya rhie maa hẹ ighẹ wa ho ẹmwẹ ọnrẹn, vbe ekpa iyobọ ne uwa gha rhie ne ivbi iyayi ne iho uwa, kevbe ne uwa ye rhie ne iran do sẹ banbanna.

Arhie Maan 22:11

Ọmwa ne ọ re ọmwa dan, we ẹre wa gha ru ọmwa dan khian, ne ọ re agbiruẹn, we ne ọ wa gha re agbiruẹn khian, ọmwa ne ọ re ọmwa esi, we ne ọ wa gha ru emwi esi khian, ọmwa ne ọ re ne ọ huanrẹn, wẹ ne ọ wa vbe gha re ne ọ huanrẹn khian.”

I Samuẹl 2:1

E Hanna keghi na erhunmwu wẹẹ: “E Nọyaẹnmwa ya oghọghọ vuọn ekhọe mwẹ nẹ, ọyẹnmwẹ sẹ mwẹ ye emwi ne ọ ru! I giẹ iran ne eghian mwẹ nian, ọyẹnmwẹ sẹ mwẹ rhunmwuda, Osanobua yọmwẹ obọ nẹ.

I Samuẹl 2:30

Mẹ ne Nọyaẹnmwa ne Osanobua ọghe Izrẹl ọ re ọ yan rẹn vbe ẹghẹ ne ọ gberra wẹ ẹwae ruẹ kevbe ẹgbẹe ruẹ, gha ga mwẹ zẹ vbe ohẹn ẹdẹdẹmwẹdẹ sokpan, banbanna nian, I khare wẹ I i ghi mwẹ obọ vbọ sokpan, I gha daa ne iran ni daa mẹ, sokpan, iran ni zan mwẹ, I gha fa iran an.