Psalm 112:5 - Edo Bible (E Baibol Ẹdo) Version 1996

⁵ Afiangbe ọrọre ọghe ne ọ zẹ emwi obọ vbekpa igho ne a rhie ne emwa mọmọ, ne ọ vbe ye ai ru ero do ẹki ẹre.

Psalm 112:5 ပူးပေါင်းရင်းမြစ်များ

Nehimaia 4:13

Rhunmwuda ọnii, I keghi viọ emwi igbinna, avbe umozo, asoro kevbe uhanbọ ne emwa nii, I na ghae iran ye dọmwadẹ ẹwae lele iyeke ekẹn nii vbe ehe ne a ma hẹ na gbe ẹe fo.

Psalm 37:21

Ọmwadan mọmọ emwi, sokpan ẹ i hae, sokpan, ọmwa esi ghi gha zẹ emwi obọ.

Itan 12:2

Ẹko emwa esi ghi gha rhiẹnrhiẹn e Nọyaẹnmwa, sokpan, ọ ghi gha bu abe gbe iran ni zẹ iro emwi dan.

Itan 17:18

Ọzuọ okpa ọ re ọ kha ighe rẹn gha mu osa ẹrrẹe hae.

Itan 18:9

Ọmwa oroho kevbe ọka ẹrhia, okpa ọ re iran eveva khin.

Itan 2:20

Rhunmwuda ọnii u ghi gha ya egbe ta emwa esi ne u gha yin uyinmwẹ esi.

Itan 24:27

Ghẹ bọ owa ruẹ ne u zọ urho ladian, vbe ẹ i re te ugbo ruẹ de mudia nẹ, aro ruẹ na vbe da ẹe ighe u gha sẹtin gha miẹn evbare unu.

Iyẹn ne ọ Maan Ọghe Luk 23:50

Okpia ọkpa keghi rrọọ ne a tie ẹre Josẹf, ovbi ẹvbo ne a tie ẹre Arimatia adazẹ ne ekhọe esi ọre nọ, ọ kevbe, diakhẹ ẹghẹ ne Arriọba Osanobua gha ya rre. A gha rhe miẹn ighe ọkpa vbe uwu Iko iran ni bu ohiẹn nọ, ọma ye egbe ba iran vbe ẹmwẹ ne iran tae kevbe emwi ne iran ru.

Iyẹn ne ọ Maan Ọghe Luk 6:35

Ẹ i re rriọ! Gha ho ẹmwẹ eghian ruẹn, vbe gha ru iran ẹse, rhie ne emwa mọmọ, ghẹ ghi vbe rhie aro ye odẹ khẹ emwi rhọkpa. A gha san ruẹn ẹse nọkhua, u ghi vbe gha re ovbi Osanobua Ne Ọ Yo Sẹ, rhunmwuda te irẹn maa ne emwa ẹse oghodan kevbe emwa dan.

Iyẹn ne ọ Maan Ọghe Jọn 6:12

Ugbẹn vbe ẹko ghi vuọn iran hia nẹ, Ọ khama avbe erhuanegbe ẹre wẹẹ, “Wa si iku emwi ne iran re kẹe koko ne a ghẹ mu emwi rhọkpa rhiaa.”

Iwinna 11:24

Banabas keghi re ọmwa esi ne ọ vuọn ne Orhiọn Ne Ọ Huanrẹn kevbe iyayi. A keghi viọ emwa ni bun bu Nọyaẹnmwa gha dee.

Ebe ne Pọl gbẹẹn gie emwa Rom 12:11

Wa kakabọ gha winna, wa ghẹ so oroho, wa gha ya ekhọe ne ọ vuọn ne oyọnyọn ga Nọyaẹnmwa.

Ebe ne Pọl gbẹẹn gie emwa Rom 5:7

Emwi ne ọ lọghọ nọ ọmwa te do wu ba ẹmwẹ ọmwa ne ẹ i ba emwi ku ru. Ughaghe a ghi miẹn ọmwa ne ọ gha sẹtin wu ne ọmwa esi.

Ẹfisọs 5:15

Rhunmwuda ọnii, gha gbe aro ke otọ ẹsẹse vbene u ru emwi hẹ. Ghẹ gha yin uyinmwẹ enọ ma rẹn ne a ye, sokpan gha ru emwi umẹwaẹn.

Filipai 1:9

Erhunmwu ne I na ne uwa ọre ọna khin, I na erhunmwu wẹ ne aho ẹmwẹ ọmwa uwa gha wan yọ ghodaro ghodaro deba irẹnmwi ẹmwata kevbe iro ne ọ gbae.

Kọlose 4:5

Wa gha ye ẹwaẹn ru emwi vbe uyinmwẹ ne uwa yin ghe iran ne ima yayi, ne uwa gha lo ẹkpotọ ne uwa a rhirhi miẹn ẹse.