Psalm 112:4 - Edo Bible (E Baibol Ẹdo) Version 1996

⁴ Te uwanmwẹ ladian vbe uwu ebiebi ne ọmwa esi, ne iran ni mwẹ itọhan, ẹnina, kevbe ẹmwata.

Psalm 112:4 ပူးပေါင်းရင်းမြစ်များ

Job 11:17

Ẹdagbọn ruẹn ghi wan uwanmwẹ sẹẹ owẹn ogiavan ẹghẹ ne ọ te so ebiebi sẹ vbe ẹdagbọn, ghi wan uwanmwẹ zẹ vbe owiẹ.

Job 22:28

Emwi ne u ru hia ghi dinna odẹ ne uẹn uwan mwẹ ghi gha wan ye odẹ ne u la.

Job 29:3

Ẹghẹ nii, te Osanobua wa gha gun mwẹ rrọ vbe ẹghẹ hia. Ọ na gha rhie uwanmwẹ mẹ vbe I a gha khian vbe ebiebi.

Psalm 106:1

Wa rho e Nọyaẹnmwa! Wa rhie ekpọnmwẹ ne Nọyaẹnmwa, rhunmwuda ọ maa, etẹbitẹ ọre aho ẹmwẹ ọmwa rẹn khin.

Psalm 116:5

E Nọyaẹnmwa mwẹ itohan, ọ vbe maa, ọmwa ne ọ vuọn ne ẹnina, ọ re Osanobua mwa khin.

Psalm 145:17

Ọmwata ọ re Nọyaẹnmwa khin vbe emwi ne ọ ru hia, ọ vuọn ne itohan vbe iwinna rẹn hia.

Psalm 37:6

Ọ gha vbe ya ẹmwata ruẹ wan uwanmwẹ zẹvbe owẹn oghọghọ.

Psalm 97:11

Uwanmwẹ wan mu ọmwata, kevbe oghọghọ, yan ọmwa esi.

Itan 21:21

Gha mwẹ itohan, ghẹ vbe gha ru ero, u gha wa tọ, emwa ọvbehe gha yọghọ nuẹn, iran ghi vbe gha ye obọ esi mu ẹẹn.

Aizaia 50:10

Wa hia ni ya ọghọ ne Nọyaẹnmwa ni vbe ya ẹmwẹ avbe eguọmwadia ẹre ru emwi, odẹ ne uwa la khian sẹtin wa gele so ebiebi sokpan wa ya egbe yan e Nọyaẹnmwa, wa mu ẹtin uwa yan Osanobua uwa.

Aizaia 58:10

Adeghẹ wa rhie evbare ne ọmwa ne ohanmwẹ gbe, wa na gie ẹko vuọn iran ne ẹ i mwẹ, ẹghẹ nii, ebiebi ni lẹga uwa gha khian uwanmwẹ ogiavan.

Aizaia 58:8

“Ẹghẹ nii, aro ne ọ maa mwẹ ghi gha wan mu uwa egbe zẹ vbe owẹn owiẹ, ẹwẹn uwa ghi vbe rherhe rrie. Mẹ gha gu uwa gha rrọọ ẹghẹ hia ne I miẹn uwa fan, aro mwẹ ghi degue uwa vbe igie-nenẹ.

Malakai 4:2

Wa ghi gha re ne ẹ i mwẹ idobo, ẹko ghi vbe gha sẹ uwa ọyẹnmwẹ zẹ vbe ivbi ẹmila ne a viọ ke uwu ogba ladian.

Iyẹn ne ọ Maan Ọghe Luk 6:36

Wa gha mwẹ itohan zẹ vbene erha uwa vbe mwẹ itohan.

Iyẹn ne ọ Maan Ọghe Jọn 12:46

Te imẹ rrie agbọn zẹ vbe uwanmwẹ, ne ọmwaikọmwa ne ọ ya mwẹ yi ghẹ gha rre ebiebi.

Ẹfisọs 4:32

Sokpan, wa gha mwẹ itohan kevbe ekhọe agiẹngiẹn da egbe, wa vbe gha ya bọ egbe, zẹ vbene Osanobua vbe la ekpa Kristi yabọ uwa.

Ẹfisọs 5:15

Rhunmwuda ọnii, gha gbe aro ke otọ ẹsẹse vbene u ru emwi hẹ. Ghẹ gha yin uyinmwẹ enọ ma rẹn ne a ye, sokpan gha ru emwi umẹwaẹn.

Ẹfisọs 5:9

Rhunmwuda, uwanmwẹ ọre ọ rhie otọ ne avbe emwi esi, vbene umamwẹ, emwi ne ọ gbae kevbe ẹmwata ye, ne a mọ ọmọ wọrhọwọrhọ.

I Jọn 2:29

Wa rẹnrẹn wẹ, ọmwata ọre Kristi khin, rhunmwuda ọnii, ọ kere ne uwa rẹn khekherriọ wẹ, ọmwaikọmwa ne ọ ru emwi emwata, ovbi Osanobua nọ.

I Jọn 3:10

Ọnọna ọrọre alughaẹn ne egbe ne aro dae, ne ọ rre ẹkpo ivbi Osanobua kevbe ivbi Esu. Ọmwaikọmwa ne ẹ i ru emwi ne ọ gbae, ra ne ẹ i ho ẹmwẹ etiọnrẹn, ẹ i re ovbi Osanobua.

I Jọn 3:7

Emọ, wa ghẹ gie ọmwaikọmwa mu uwa rẹrẹ, ọmwaikọmwa ne ọ ru emwi ne ọ kere, ọmwa ẹmwata nọ zẹ vbene Kristi vbe re ọmwa ẹmwata.