Psalm 111:9 - Edo Bible (E Baibol Ẹdo) Version 1996

⁹ Ọ fannọ emwa rẹn yotọ ọ keghi gu iran ta ile etẹbitẹ. Ọmwa ne ọ huanrẹn kevbe ne ọ mwẹ ẹtin ọ re irẹn khin.

Psalm 111:9 ပူးပေါင်းရင်းမြစ်များ

II Samuẹl 23:5

Erriọ ọ re Osanobua ra fiangbe uniẹn mwẹ, rhunmwuda, ọ gu imẹ ta ile ẹdẹdẹmwẹdẹ nẹ, vbene ehia na la uro, ọ vbe deziẹn. Ọnii ọ re emwi ne I ho. Ọnii ọ re ọ khian gha re akhọnmiotọ mwẹ, ẹ i mwẹ Nọyaẹnmwa ma gie ẹe sẹ.

I Krọnikol 16:15

Wa ghẹ ta mianmian ile ọghe Nọyaẹnmwa, ne irẹn tae ne ọ gha rrọọ etẹbitẹ.

Psalm 111:5

Ọ viọ evbare ne iran ni ya ọghọ ne ẹẹn; ẹ i vbe mianmian ile ẹre ẹdẹ.

Psalm 89:7

Te a kpa uhe ne uẹn vbe iko iran ni huanrẹn te ohan ruẹn wa mu iran hia.

Psalm 99:3

Emwa hia rho eni ẹnrẹn nọkhua, ne ọ vuọn ne orrirri ọba, Ne ọ huanrẹn ọ re eni ẹnrẹn khin.

Psalm 99:5

Wa rho e Nọyaẹnmwa ne Osanobua mwa; wa ya uhunmwu rhanmwẹ otọ vbe odaro ẹkete ẹre ne ọ huanrẹn ọ re eni ẹnrẹn khin!

Psalm 99:9

Wa rho e Nọyaẹnmwa ne Osanobua mwa, wa vbe ya ga vbe oke ẹre Ne ọ huanrẹn! Ọmwa ne ọ huanrẹn, ọ re Nọyaẹnmwa ne Osanobua mwa khin.

Ẹksọdọs 15:11

“E Nọyaẹnmwa, de ẹbọ ọkpa ne ọ yevbe uwẹ? De ọmwa ne ọ ye vbe uwẹ? Ne uhuanmwẹ ọnrẹn mu ohan? De ọmwa ne ọ yevbe uwẹ ne ọ winna iwinna ọyunnuan, kevbe ne iwinna nekhua ẹre gbe orrirri vberriọ?

Ẹksọdọs 15:13

Wẹ nọ mu eyan ruẹn sẹ, u keghi su avbe emwa ne u dẹ werriegbe, ẹtin ruẹn ọre u ya ma iran odẹ, gha rrie owa ruẹ ne ọ huanrẹn.

Aizaia 44:6

E Nọyaẹnmwa ne ọ khaemwisẹ yan, kevbe ne ọ vbe degue Izrẹl, e Nọyaẹnmwa ne Oghodua khare wẹẹ, “Mẹ ọrọre okaro, okiekie, ne irẹn ọkpa re Osanobua; osa ọvbehe i rrọ gberra imẹ.

Aizaia 55:3

“Wa ne emwa mwẹ, wa danmwehọ nian ne uwa bu mwẹ gha dee, wa bu mwẹ gha dee, wa gha fe! I gha gu uwa ta ile ne ọ tọ vbotọ, I ghi vbe rhie afiangbe ne I ve Devid re ne uwa.

Aizaia 6:3

Iran keghi gha go tama egbe wẹẹ: “Huanrẹn, huanrẹn, huanrẹn! Ne ọ huanrẹn ọ re Nọyaẹnmwa ne Oghodua khin! Uyi ẹre vuọn agbọn hia.”

Aizaia 63:9

hin uwu usẹ iran hia rre. Ẹ i re odibosa ọ re ọ do miẹn iran fan, e Nọyaẹnmwa tobọ ẹre, ọ re ọ miẹn iran fan. Ahoẹmwọmwa kevbe itohan, ọ re ọ ya miẹn iran fan. Ọ ka wa gbearoghe iran dee ẹdẹ,

Malakai 1:11

Ke ehe ne agbọn sẹe vbe obọ na ya sẹ ehe ne ọ sẹe vbe obọ nọkpa, te emwa hia ya ọghọ mẹ. Ehe hia iran na giẹn eturari mẹ, iran ghi vbe gha zọ ese ne ọ gia rhan obọ miẹn. Te iran hia wa rhie ọghọ mẹ.

Malakai 2:2

Te ọ kere ne uwa gha ya uyinmwẹ uwa rhie ọghọ mẹ. Deghẹ wa wẹ wa i rhie ehọ ye ẹmwẹ ne I ta, te I ra fi uwa unu. I gha fi avbe emwi ne uwa miẹn ya gha da egbe yi unu vbe ẹmwata, I fi ehia unu nẹ, rhunmwuda I tie ẹmwẹ ne I tama uwa ẹmwẹ kpataki.

Matiu 1:21

Rẹn gha vbe biẹ ọmọ okpia ọkpa. Wẹ ghi he ẹre Jesu, rhunmwuda rẹn ọre ọ gha fannọ emwa rẹn hin obọ orukhọ iran rre.”

Iyẹn ne ọ Maan Ọghe Luk 1:49

Rhunmwuda, emwi nọkhua ne Osanobua ne ọ kpọlọ ru mẹ. Ne ọ huanrẹn ọre eni ẹnrẹn vbe khin.

Iyẹn ne ọ Maan Ọghe Luk 1:68

“Wa gie a rho Nọyaẹnmwa Osanobua ọghe Izrẹl. Rhunmwuda ọ do ye emwa rẹn obọ, ọ keghi fan iran vbe irri.

Ẹfisọs 1:14

Nene Orhiọn Ne Ọ Huanrẹn ọre a ya zẹ osẹe yọ wẹ, emwi ne Osanobua ve emwa rẹn re, gha sẹ ima obọ, ọ keghi vbe gie aro mwa da ẹe wẹ Osanobua gha rhie ọdakha egbe ọmwa ne ọ gbae ne avbe emwa rẹn. Wa gie ima rho uyi ẹre!

Ẹfisọs 1:7

Rhunmwuda, vbe ekpa uwu Jesu Kristi, a keghi fannọ ima ye otọ, ọnii nọ wẹ a keghi vbe ya avbe orukhọ mwa bọ mwa. U miẹn vbe ẹsọhẹ, Osanobua kpọlọ hẹ,

Diuteronomi 15:15

Wa ghi yerre wẹ, eviẹn wa gha a khin vbe Igipt, e Nọyaẹnmwa ne Osanobua uwa keghi fannọ uwa kua, ọna ọ si ẹe ne I na rhie uhi na ne uwa.

Diuteronomi 28:58

“Wa ya ẹkoata gha lele emwi ne Osanobua ma uwa ẹre ne a gbẹnnẹ ye uwu ebe na, ne uwa vbe gha ya ọghọ ne eni ọyunnuan kevbe ne ọ mu ohan ọghe Nọyaẹnmwa Osanobua rua.

Taitọs 2:14

Rẹn keghi rhie egbe ẹre ne ima, khian emwa ne ẹ i mwẹ iruẹn, ne ọ re ọghe irẹn ọkpa, kevbe ne ho ne iran gha ru emwi esi.

Hibru 13:20

Osanobua huẹn Nọyaẹnmwa Jesu Kristi kpao vbe idin nẹ, ọmwa ne ọ re Ọsuohuan Nọkhua ọghe avbe ohuan, rhunmwuda uwu ẹre ne a ya yi ile etẹbitẹ nii okhi.

Hibru 9:12

Ẹghẹ ne Kristi na la Ọgua ukpọn ni gberra, ne ọ na vbe la uwu esagiẹn ẹwe ra ẹmila, ne ọ ya zọ ese, sokpan, ọ keghi mu esagiẹn ọghe egbe ẹre, ọ na rhie imiẹnfan ẹtẹbitẹ gie ima.

Arhie Maan 4:8

Ọkpọkpa vbe uwu avbe emwi ne a yi ni ma he wu ni, keghi mwẹ ifuẹn ehan, aro keghi vuọn iran egbe hia ke aro kevbe iyeke, iran i vbe da obọ ihuan ne iran so yi avan kevbe asọn wẹẹ: “Ne ọ huanrẹn, ne ọ huanrẹn, ne ọ huanrẹn, ọre Osanobua ne Oghodua khin. Ọmwa ne ọ ka rrọọ de, ne ọ rrọọ banbanna, kevbe ne ọ khian gha rrọọ vbe ẹghẹ ne ọ dee.”

Arhie Maan 5:9

Iran keghi so ihuan ọgbọn: “U sẹe ne ọ gha rhie ebe ne a kiri ni. Kevbe ne u giagia emwi ne a ya gbalọ ẹe rhunmwuda, a te gbe ua nẹ, u keghi ye uwu ruẹ dẹlẹ emwa ne agbọn gie Osanobua.