Psalm 111:2 - Edo Bible (E Baibol Ẹdo) Version 1996

² U miẹn vbe emwi ne Nọyaẹnmwa ru hia, yan ọmwa unu an hẹ! Emwa hia ne avbe emwi na yẹ ghi gha ho ne iran rẹn otọe iran.

Psalm 111:2 ပူးပေါင်းရင်းမြစ်များ

Job 37:14

E Job, dobọyi kherhe ne u danmwehọ, roro ẹmwẹ emwi ọyunnuan hia, ne Osanobua ru.

Job 37:7

Ọ keghi dobọ iwinna emwa nagbọn yi, ọ giẹ iran rẹn wẹ te iran wa winna.

Job 5:9

Ma i sẹtin rẹn iwinna nọkhua ne ọ winna, iwinna ọyunnuan ẹnrẹn i vbe mwẹ ufomwẹ.

Job 9:10

Ma i sẹtin rẹn otọ iwinna nekhua ne ọ winna, iwinna ọyunnuan ẹnrẹn i vbe mwẹ ọfo.

Psalm 104:24

Nọyaẹnmwa emwi ne u yi wa bun, a miẹn vbene u ya ẹwaẹn ru ehia hẹ! agbọn vuọn ne emwi ne uyi hia!

Psalm 104:34

Te ihuan ne I so gha yẹ ọre, rhunmwuda, ehe ne irẹn ye, ọre orhiẹnrhiẹn mwẹ ke rre.

Psalm 107:43

Wa gie avbe umẹwaẹn mu avbe emwi na roro, ne iran miẹn kue wẹ, aho ẹmwẹ ọmwa ne ẹ i beghe ọghe Nọyaẹnmwa gele rrọọ.

Psalm 118:15

Gha họn vbene emwa we uwemwẹ akhọnmiotọ hẹ, vbe agọ emwa e Nọyaẹnmwa: “Ẹtin nọkhua ọghe Nọyaẹnmwa ọ re ọ ru ẹẹ.

Psalm 139:14

I rho ruẹ, rhunmwuda, ọmwa ne ọ kere ne a muohan rẹn ọ re uwẹ khin, emwi ne u ru hia lughaẹn, ọyunnuan nọ. I wa rẹn ọna kekhọekekhọe mwẹ hia.

Psalm 143:5

I ye avbe ẹdẹ ni gberra rre, mẹ vbe roro avbe emwi hia ne u he ru, I ye iwinna ruẹn hia rre.

Itan 17:16

Ẹ i mwẹ ọ maa okpa ne ọ ra la evba sẹ ọre egbe dẹghe a lo igho ya gha ma ọzuọ ebe, ẹ i mwẹ isan ẹwaẹn ọkpa.

Itan 24:14

erriọ ọ re ẹwaẹn vbe maa ne orhiọn. Gie ẹwaẹn gha guẹ, agbọn gha ma ruẹn.

Asan-Ibo 3:11

Rẹn mwamwa ẹghẹ ne emwi hia kei yi ye otọ nẹ. Ọ vbe rhie ne ima ne a gha ho ne a rẹn vbene ẹdẹ nakhuẹ ra gha ye hẹ, sokpan, ọ ma gie ẹko ẹre vuọn ima wẹ ma rẹn otọ emwi ne ọ ru ẹsẹse.

Aizaia 40:12

A gha miẹn ọmwa ne ọ gha ye atataobọ mwa amẹ okun ra ne ọ ya obọ mwa iso? A gha miẹn ọmwa ne ọ gha ya ukpu mu ekẹn ne otọe, ra ne ọ ya omwa mwa avbe oke nekhua kevbe negiẹrẹ?

Daniẹl 4:3

“ ‘U miẹn vbe ọyunnuan ne Osanobua rhie ma mwa kpọlọ hẹ! U miẹn vbe avbe iwinna ọyunnuan rẹn ne ọ winna kọnkọn hẹ! Osanobua ọ re ọ khian gha re ọba ẹdẹdẹmwẹdẹ ọ gha rre asẹ ẹdẹ kevbe ẹdẹdẹmwẹdẹ.’

Ebe ne Pọl gbẹẹn gie emwa Rom 1:28

Rhunmwuda ighẹ emwa ne agbọn ma giẹ irẹnmwẹ Osanobua ẹmwata di iran uhunmwu ya, Osanobua keghi he iran ye ẹmwẹ ekhọe iran ne ọ kulo, sẹrriọ wẹ, a ghẹ ru ọre iran ghi ru.

Ebe ne Pọl gbẹẹn gie emwa Rom 8:6

A deghẹ egbe zẹ vbene a yiẹe, ọre ọ tama ọmwa emwi ne ọ gha ru, uwu ọre ọ ke ẹre ikian. Sokpan, a deghẹ Orhiọn ọre ọ gie odẹ emwi ne a gha ru ma ọmwa, ẹfe kevbe ọfumwegbe ọre nọ.

Ẹfisọs 1:19

Kevbe vbene ẹtin ẹnrẹn ne ọ winna vbe uwu ima ni yayi kpọlọ sẹ hẹ. Ne ne ẹtin nọ rre uwu ima na, ọre ọ vbe re ẹtin nọkhua ni.

Arhie Maan 15:3

Iran kegha so ihuan e Mosis ne ọguọmwadia Osanobua kevbe ihuan ọghe Oteghe Ohuan nii. “Nọyaẹnmwa Osanobua ne Oghodua, ne ọ kpọlọ kevbe ne ọ yan ọmwa unu ọre avbe iwinna obọ ruẹ khin. Ọba avbe agbọn ẹvbo hia, ne ọ gbae kevbe ne ọ re uhunmwu ẹmwẹ ọre odẹ ruẹ hia khin.