Psalm 110:6 - Edo Bible (E Baibol Ẹdo) Version 1996

⁶ Ọ gha bu ohiẹn avbe uhunmwu ẹvbo ọ ghi ya ikun orinmwi vuọn ehe ne a na khọn okuo; ọ gha khọn avbe ọba uhunmwu otọ agbọn hia miotọ.

Psalm 110:6 ပူးပေါင်းရင်းမြစ်များ

Gẹnẹsis 3:15

I gha ruẹe ne uwẹ kevbe okhuo nii gha ya eghian so egbe, eghian egbe ẹdẹdẹmwẹdẹ ọre ivbi ẹre ke ivbi uwẹ ra gba gha khin; ivbi ẹre gha lọkọ uhunmwu uwẹ, wẹ ghi vbe gha sa iran ighinghianwẹ.”

Psalm 68:21

Ẹ i mwẹ Nọyaẹnmwa ma va iran ne eghian rẹn uhunmwu. Ọghe avbe iran ni wa rhie egbe ye ẹmwẹ orukhọ iran.

Psalm 68:22

E Nọyaẹnmwa khare wẹẹ, “I gha viọ avbe eghian uwa dọlegbe ke Basian gha dee, I gha viọ iran werriegbe ke ototọ ẹzẹ okun gha dee.

Aizaia 11:3

ọ gha ya ọyẹnmwẹ gha họn ẹmwẹ ọnrẹn. Rẹn i ra ghe ikpanro ra erriọ I họẹn ya bu ohiẹn,

Aizaia 2:4

Ọ gha dọlọ avbe uhunmwu ẹvbo nekhua kugbe. Iran gha ya umozo iran dunmwu emwi ne ọ yevbe ẹguẹ kevbe asoro iran, iran gha ya dunmwu ikhu. Avbe uhunmwu ẹvbo ighi khọn okuo ọvbehe iran ighi mu egbe okuo ọvbehe.

Aizaia 42:1

E Nọyaẹnmwa khare wẹẹ, “Ọnọna ọrọre ọguọmwadia mwẹ ne I rhie ẹtin ye ọre iwu, ọmwa ne imẹ zẹe, ne ẹko mwẹ vbe rhiẹnrhiẹn ghe. Mẹ ya orhiọn mwẹ vuọn irẹn nẹ, ọ gha rhie ohiẹn ẹmwata la dọmwadẹ uhunmwu ẹvbo.

Aizaia 42:4

Egbe i ra wọ ẹre ra ne ẹtin fo ẹe ọ gha gbọ ẹmwata ye otọ agbọn. Avbe ẹvbo ni rre urria rhie aro ye odẹ gha khẹ iruẹemwi ẹnrẹn.”

Aizaia 51:5

I gha zẹgiẹgiẹ rre ne I do miẹn iran fan ẹghẹ akhọnmiotọ mwẹ sẹ otọ fo. Mẹ ọ re ọ ra tobọmwẹ gha khaemwisẹ yan avbe uhunmwu ẹvbo. Avbe otọe urria hia diakhẹ mwẹ ne I rre iran ya idaehọ mudia ne I do miẹn iran fan.

Aizaia 66:24

“Iran gha wa kpao nii, iran gha miẹn ikun avbe iran hia ni sọtẹ mwẹ, ọkhọe ne ọ rri iran i wu ẹdẹ, erhẹn ne ọ giẹn iran i vbe dọyọ ẹdẹ. Emwi ne ọ mianmwẹ ughe ọ re iran ra gha khin ne emwa nagbọn.”

Ezikiẹl 39:4

E Gọg kevbe avbe ivbiyokuo ẹre deba iran ni yegbe ba ẹre gha dele wu vbe oke Izrẹl, I ghi vbe gie ikun iran khian evbare ne avbe ahianmwẹ kevbe aranmwẹ oha hia.

Maika 4:3

Ọ gha bu ohiẹn ẹvbo ni mwẹ egbe ẹzọ. Avbe ẹvbo ni mwẹ ẹtin, ni sikẹ emwa kevbe ni rrei, iran gha ya umozo iran gbe ẹguẹ, kevbe asoro iran, erọ ulema. Uhunmwu ẹvbo i ghi mu okuo gie egbe ọvbehe, iran i ghi vbe mu egbe okuo ọvbehe.

Habakọk 3:13

U ladian ya miẹn emwa ruẹn fan, u ya miẹn ọba ruẹ ne u hannọzẹ fan u kinmwiin ọkaolotu emwa dan fi otọ u keghi fuẹn irogho ẹre hia fẹẹrẹ.

Iyẹn ne ọ Maan Ọghe Jọn 5:22

Erriọ vbe nọ, Erha i tobọ ẹre bu ohiẹn ọmwaikọmwa, ọ rhie asẹ hia ne ovbi ẹre nẹ ne ọ ya gha bu ohiẹn.

Arhie Maan 14:20

A keghi minọ avbe ọmọ azara nii vbe uwu okọ nii, ne ọ rre vbe a gha la hin ore ẹvbo rre nẹ, esagiẹn kegha lẹ ke uwu okọ nii ladian, ehe ne ọ lẹ orogho la kegha re omwa ibiriki uri, ne udinmwimwẹ ọnrẹn vbe re omwa ibata isẹn.

Arhie Maan 19:11

I keghi miẹn vbe ẹrinmwi kie ye otọ, ẹsin nọfua ọkpa kegha rrọọ, a kegha tie ọmwa ne ọ hin ẹnrẹn, Ọmwata kevbe Ne ọ ta uhunmwu ẹmwẹ. Ẹmwata ọre ọ ya bu ohiẹn kevbe ne ọ vbe ya khọn okuo ẹre.

I Samuẹl 2:10

A gha fuẹn eghian e Nọyaẹnmwa, ọ gha van yan iran ke ẹrinmwi rre, e Nọyaẹnmwa gha bu ohiẹn agbọn; ọ gha rhie ẹtin ne ọba ẹre, ọ gha rhie akhọnmiotọ ne ọba ne ọ hannọ zẹ.”