Psalm 110:4 - Edo Bible (E Baibol Ẹdo) Version 1996

⁴ E Nọyaẹnmwa vẹe ye urhu nẹ, ẹ i ra vbe fi ẹe werriẹ wẹẹ, “Ohẹn wẹ ra gha khin ẹdẹdẹmwẹdẹ vbe uniẹn ne a na rri ohẹn ọghe Mẹlkizẹdẹk.”

Psalm 110:4 ပူးပေါင်းရင်းမြစ်များ

Gẹnẹsis 14:18

E Mẹlkizẹdẹk ne ọba Salẹm kevbe ne ọ vbe re ohẹn ọghe Osanobua Nọyosẹ keghi viọ ebrẹd kevbe ayọn gie Ebram,

Psalm 132:11

Ekhọekekhọe ọ re u ya ve Devid emwi, ive ne uwẹ i ra siẹn wẹẹ, “I gha ya ọkpa vbe uwu avbe ivbuẹ nikpia rri ọba, rẹn gha vbe rri ọba lele uwẹ.

Zẹkaraia 6:13

Rẹn ọrọre ne ọ ra bọ ẹe, ọ ghi vbe miẹn uyi ne ọ khẹke ọha, rẹn gha vbe gha khaemwisẹ yan avbe emwa rẹn. Ohẹn gha mudia ke ẹkete ẹre, iran ghi vbe gha winna kugbe vbe ọfumwegbe kevbe akugbe ne ọ rriẹe.’

Nọmbas 23:19

Osanobua i ye vbe emwa ne agbọn, ni ta ohoghe; rẹn i re ọmwa kẹkan ne ọ gbe yo gbe rre. Emwi ne ọ rhirhi ta, ọre ọ ru; ọ gha guan, a ghi ru ẹe.

Hibru 5:6

Ọ keghi vbe ta ẹe vbe ehe ọvbehe wẹẹ, “Ohẹn ọre u khian gha khin ẹdẹdẹdẹ, vbe uniẹn ohẹn ọghe Mẹlkizẹdẹk.”

Hibru 6:20

Jesu ka ke odaro nẹ, gha rrie evba nii, ne ima. Rẹn keghi vbe khian ogie ohẹn etẹbitẹ lele uviẹn ọghe Mẹlkizẹdẹk.

Hibru 7:11

Obọ uniẹn ivbi e Livai ni re ohẹn, ọre a la mu Uhi aghaeyihigbe ye otọ ne ivbi Izrẹl. Vbene ọ ghi ye na nian, akpawẹ te avbe ohẹn ne ivbi e Livai gbae fo, a i ghẹ ghi vbe wẹ ne a vbe dọlegbe rhie ohẹn ọvbehe ladian, ne ọ re uviẹn Mẹlkizẹdẹk, ne ẹ i re ọghe Errọn.

Hibru 7:17

Rhunmwuda, ebe tae wẹ, “Wẹ gha rri ohẹn ẹdẹdẹmwẹdẹ vbe uviẹn Mẹlkizẹdẹk.”

Hibru 7:21

Sokpan, la ekpa eyan rre, ọre Jesu ya khian ohẹn vbe Osanobua tama rẹn wẹ, “Nọyaẹnmwa yan nẹ, ẹ i ra vbe fi ekhọe werriẹ: ‘Ohẹn ọre u ra gha khin ẹdẹdẹmwẹdẹ.’ ”

Hibru 7:28

Emwa ne ọ ma khia na, ọre Uhi e Mosis zẹlẹ ye ukpo igie ohẹn, sokpan ẹmwẹ eyan Osanobua, ne ọ ghi do kiekie rre khẹ nene Uhi, keghi zẹ Ovbi Osanobua ọmwa ne a ya khian ne ọ gba na fo nẹ rhinrin ẹdẹ.

Arhie Maan 1:6

Ọ keghi ya ima ru arriọba avbe ohẹn ne ima gha ga Osanobua ẹre kevbe Erha ẹe. Ọ ghe Jesu Kristi ọre uyi kevbe ẹtin gha khin ẹdẹ kevbe ẹdẹdẹmwẹdẹ, Isẹ.