Psalm 110:3 - Edo Bible (E Baibol Ẹdo) Version 1996

³ Ẹdẹ ne u gha gu avbe eghian ruẹn gbinna, emwa ruẹn gha tobọ iran la igbinna, zẹ vbe evbu owiẹ vbirrivbirri avbe igbama ruẹn gha bu ruẹ gha die uhunmwu oke ne ọ huanrẹn ni.

Psalm 110:3 ပူးပေါင်းရင်းမြစ်များ

I Krọnikol 16:29

Wa rho eni e Nọyaẹnmwa ne ọ mwẹ uyi wa zẹ ọhẹ rre, ne uwa gha die Ọgua Osa ẹre wa ya uhunmwu rhanmwẹ otọ ne Nọyaẹnmwa, vbe ọ gha ladian vbe uhuanmwẹ ọnrẹn.

Nehimaia 11:2

Emwa ni keghi tian avbe emwa ọvbehe ni tobọ iran kha wẹ iran gha yin adesẹ ore Jerusalẹm.

Psalm 29:2

Wa rho eni uyi ọghe Nọyaẹnmwa gbe uhunmwu ke otọ ne Ne ọ huarẹn ọghọe vbe ọ gha ya egbe ladian.

Psalm 96:9

wa ghughẹrre vbe odaro ọmwa Ne ọ huanrẹn vbe ọ gha ya egbe ladian. Wa gha guọ zẹzẹzẹ vbe odaro ẹre otọ agbọn hia.

Ezikiẹl 43:12

Ọnọna ọrọre uhi Ọgua Osa: Ehe hia fẹẹrẹ ne ọ lẹga ẹre vbe uhunmwu oke, ne a i halọ lao ke nọhuanrẹn ọ re nọ.”

Maika 5:6

Iran gha ya emwi igbinna khọn Asiria mu otọ, otọe nii ne ọ re ọghe Nimrọd, iran gha vbe fannọ ima ye otọ vbe obọ ivbi Asiria vbe iran a mu okuo la otọe ẹvbo mwa.

Iwinna 1:8

Sokpan Orhiọn Ne Ọ Huanrẹn gha ghi hin yan uwa nẹ, ẹtin nọkhua ghi gha gue uwa, wa ghi ya sẹ osẹe mẹ vbe Jerusalẹm kevbe Judia hia, kevbe Sameria, kevbe rhinrin ya sẹ ehe ne agbọn sẹe.”

Iwinna 19:20

Vbe nian ọre ẹmwẹ Nọyaẹnmwa na gha mu otọ yọ vbe odẹ ne ọ wo vbe egbe, ọ na vbe gha gba otọ khian.

Iwinna 2:33

A tọẹn mu gha rrie obọ erha ọmwa Osanobua, ne ọ ya miẹn ẹre Orhiọn Ne Ọ Huanrẹn ne Erha ẹe ve ẹre. Emwi ne uwa ghi bẹghe na nian, kevbe ne uwa vbe họn, emwi ne ọ ya ru ima ẹse nọ, ọ keghi hihiẹe yan ima.

Iwinna 2:41

Ni bun vbe uwu iran keghi ya ẹmwẹ ọnrẹn yi, a keghi sa amẹ ne iran, emwa ni do ya egbe ba iran vbe ẹdẹrriọ kegha re omwa arriaisẹn eha.

Iwinna 21:20

Iran ghi danmwehọ ẹre nẹ, iran keghi rho Osanobua vbe uyi. Iyeke ọnii, iran keghi tama Pọl wẹẹ, “Ọtẹn mwa, wẹ tobọ miẹn vbene emwi hia ye hẹ. Arriaisẹn arriaisẹn ọre emwa e Ju ni he yayi wa khin, deba ẹre, te iran wa he gba Uhi mu obọ gbangbaangban.

Iwinna 4:4

Sokpan iran ni họn ẹmwẹ nii keghi yayi, ikpia ni rrọọ sẹ omwa arriaisẹn isẹn.

II Kọrinti 13:4

Rhunmwuda, a gha rhe miẹn wẹ, uwu a ma wo vbe egbe ọre a na gbe ẹe rua vbe uhunmwu ugbugbe, ẹtin Osanobua ọre ọ ya rrọọ. Ma ghẹ ghi ya egbe ba irẹn nẹ, ma ghi vbe do gha re ne ọ ma wo vbe egbe, sokpan zẹ vbe ọ ghe ne ọ kan ima kan uwa, ẹtin Osanobua ma khian ya gu irẹn gha rrọọ.

II Kọrinti 8:12

Rhunmwuda, deghẹ obọ ẹse na ru tọlọ uwa, emwi ne uwa mwẹ ne uwa gha ru ẹse, ọre Osanobua ra ghe ya rhan obọ miẹn ẹse ne uwa ru, ighẹ ẹ i re emwi ne uwa i mẹ.

II Kọrinti 8:16

Ma mobọ kpọnmwẹ Osanobua, ne ọ na ru ẹe wẹ vbene ọ bọbọ ima egbe ne a gha ye uwa obọ, erriọ ọre ọ vbe bọbọ Taitọs egbe.

Ẹfisọs 1:4

Vbe a te do yi agbọn, Osanobua hannọ ima zẹ nẹ ne ima gha re ọghe ẹe vbe uwu Kristi, ne ima sẹtin gha re ne ọ huanrẹn kevbe ne ẹ i mwẹ abe vbe odaro ẹre. Rhunmwuda aho ẹmwẹ ọmwa rẹn.

Filipai 2:13

rhunmwuda Osanobua ọre ọ winna vbe uwu uwa ne ọ miẹn ehe na guẹ gha ho, kevbe ne u sẹtin gha ru vbene ọ rre irẹn ekhọe.

I Tẹsalonaika 4:7

Osanobua ma tie ima ne a do gha yin uyinmwẹ alama oghẹ, sokpan ne a do gha re ne ọ mwẹ uyinmwẹ ne ọ huanrẹn.

Taitọs 2:14

Rẹn keghi rhie egbe ẹre ne ima, khian emwa ne ẹ i mwẹ iruẹn, ne ọ re ọghe irẹn ọkpa, kevbe ne ho ne iran gha ru emwi esi.

Hibru 13:21

Osanobua ọfumwegbe ne ọ viọ emwi ni maa hia ne uwa ho ne uwa, vbe ne uwa gha na sẹtin ru vbene irẹn ho, kevbe ne ọ vbe la ekpa Jesu Kristi ru emwi ne ọ yẹ ọre vbe uwu ima. Jesu Kristi ọre uyi gha rrọọ na ẹdẹ kevbe ẹdẹdẹmwẹdẹ! Isẹ.

Arhie Maan 7:9

Vbe iyeke ọna, I ghi tọn aro mu, I keghi ya bẹghe agbọn ẹvbo ne ọmwa rhọkpa i sẹtin ka. Iran keghi ke agbọn ẹvbo ẹwae, uniẹn emwa kevbe ẹvbo ne a zẹ rre, iran mudia ye odaro ẹkete, iran keghi ya ogbọnmwọkpa haan, iran keghi viọ ewanmwẹ mwẹ obọ.

Giọgis 5:2

“Wa rho e Nọyaẹnmwa! Ivbi Izrẹl keghi wa yan yọ ne iran gbinna; emwa nii hia keghi ye oghọghọ rhie egbe yọ.

Giọgis 5:9

Ekhọe mwẹ rrọ deba iran ni kha yan okuo Izrẹl deba iran ni tobọ iran gha khian wa rho e Nọyaẹnmwa!