Psalm 110:2 - Edo Bible (E Baibol Ẹdo) Version 1996

² E Nọyaẹnmwa gha fian te ẹtin arriọba ruẹ ke Zaiọn rre. Rẹn keghi kha wẹẹ, “Gha khaemwisẹ yan avbe eghian ruẹn.”

Psalm 110:2 ပူးပေါင်းရင်းမြစ်များ

Psalm 72:8

Otọ arriọba ẹre gha ke okun ọkpa sẹ ọvbehe ke Yufretes kpao yasẹ ehe ne agbọn sẹe.

Ẹksọdọs 7:19

E Nọyaẹnmwa keghi tama e Mosis wẹẹ, “Tama Errọn ne ọ rhie ọkpọ ruẹ ne ọ niẹn ẹnrẹn da ehe ne amẹ ghi ye vbe otọ Igipt hia, avbe ẹzẹ, ẹzẹ ne afian miẹn egbe, kevbe avbe ọghọdọ, avbe amẹ ni rrọọ gha khian esagiẹn. Amẹ gha khian esagiẹn gba otọ ni fo, esagiẹn gha rrọọ ya sẹ egbe avbe erhan kevbe amẹ ne ọ lẹ ke okuta lẹkua rre.”

Ẹksọdọs 8:5

E Nọyaẹnmwa keghi tama e Mosis ne ọ kha ma Errọn wẹẹ, “Niẹn ọkpọ ruẹ da avbe ẹzẹ, ẹzẹ ne a fian miẹn egbe kevbe ọghọdọ, ne u gie ẹkirẹ vẹ la otọ Igipt.”

Aizaia 2:3

Emwa iran ghi vbe gha kha wẹẹ, “Wa gie ima hin oke e Nọyaẹnmwa gha rrie Ọgua Osa ọghe Osanobua Izrẹl ọ gha ma ima emwi ne ọ ho ne ima ru, ma gha lele odẹ ne ọ zẹ gha khian. Rhunmwuda, e Jerusalẹm ọ re Nọyaẹnmwa ke ma ọmwa emwi rre, e Zaiọn ọ re ọ ke gu emwa rẹn guan rre.”

Jerimaia 48:17

“Wa khiẹ ẹvbo nii, wa ni yin diake ẹe wa hia fẹẹrẹ ni rẹn usi ẹre. Wa kha wẹẹ, ‘A ye arriọba ẹtin ẹnrẹn owẹ yotọ, uyi kevbe ẹtin ẹnrẹn i ghi rrọ ọvbehe.’

Ezikiẹl 19:14

Erhẹn la ẹzi erhan azara nii, ọ keghi gien avbe abọ kevbe ọmọ rẹn. Avbe abọ ẹre i ghi dọlegbe wegbe ọvbehe, iran i ra dọlegbe gha re ọkpọ ọba. Ihuan akhiẹ ọ re ọ na khin ọ kpẹre ne a keghi so ẹe yanegbe yanegbe.

Ezikiẹl 47:1

Ọmwa nii keghi rhie mwẹ werriegbe gha rrie onurho Ọgua Osa. Amẹ kegha ke ototọ onurho nii ladian, ọ na gha lẹ ghe odẹ ahọ, odẹ ne Ọgua Osa vbe mu aro da. Odẹ ekẹn ọghe Ọgua Osa ọ re ọ kegha lẹ ladian, ọ na la odẹ ekẹn ọghe Ogiukpo gberra.

Maika 4:2

Avbe emwa iran ghi gha kha wẹẹ, “Wa gie ima hin oke Nọyaẹnmwa gha rrie Ọgua Osa, Osanobua Izrẹl. Rhunmwuda, ọ gha ma ima emwi ne ọ ho ne ima ru, ma gha lele urodẹ ne irẹn zẹe, rhunmwuda, e Jerusalẹm ọ re iruẹmwi e Nọyaẹnmwa ke rre; e Zaiọn ọ re ọ ke guan gie emwa irẹn.”

Maika 7:14

Nọyaẹnmwa, gha re ne ọ su ohuan avbe emwa ruẹn, emwa ne u hannọ zẹ. A gha rhe miẹn wẹ iran ọkpa ọ ya yin fua vbe otọ ẹgbo, otọe ne ọ maa emwiokọ lẹga iran. Gie iran ya gha koko egbe iran vbe ehe ne oha ne aranmwẹ na rri evbare ne ọ mobọ maa nii, vbe Basian kevbe Giliad, zẹ vbene iran gha ru vbe ẹghẹ ne ọ kpee fua.

Ebe ne Pọl gbẹẹn gie emwa Rom 1:16

I wa mu ẹtin yan iyẹn ne ọ maa, ẹtin ne Osanobua ya miẹn iran ni yayi fan nọ, okaro, avbe Ju sokpan kevbe iran ne ẹ i re Ju ba ẹre.

I Tẹsalonaika 2:13

Ọna ọre emwi ne ọ vbe si ẹe ne ima na rhie ekpọnmwẹ ne Osanobua vbe ẹghẹ hia. Ugbẹn vbe ima do kpe orhu ẹmwẹ Osanobua mwa uwa, wa họn ẹn, wa keghi vbe miẹn ẹnrẹn ye ehọ, ẹ i re zẹ vbe ẹmwẹ emwa ne agbọn kẹkan, sokpan zẹ vbe ẹmwẹ Osanobua ne ọ gele khin. Rhunmwuda Osanobua rre uwu ẹbu uwa ni yayi winna.

I Pita 1:12

Osanobua keghi rhie maa avbe akhasẹ na wẹ iwinna iran i re ọghe ẹmwẹ ọmaa ne egbe iran, sokpan ọ maa ne egbe uwa, vbe ẹghẹ ne iran na guan kan ẹmwẹ ẹmwata na ne uwa họn nẹ nian. Avbe odibo Iyẹn Ne ọ maa nii, ya ẹtin Orhiọn Ne Ọ Huanrẹn ne a gie ke ẹrinmwi rre gha guan, iran ta ẹmwẹ ẹmwata na ma uwa. Avbe ẹmwata na keghi re egbe ne avbe odibo Osa tobọ iran gha ho ne iran rẹn emwi ne a ya ẹe kha.