Psalm 11:6 - Edo Bible (E Baibol Ẹdo) Version 1996

⁶ Ọ ghi rhurhẹ erhẹn ẹyin ne ọ giẹn kevbe isonwẹn ne ọ tọn yan emwa dan. Ọ ya ẹhoho ne ọ tọn rri iran oya.

Psalm 11:6 ပူးပေါင်းရင်းမြစ်များ

Gẹnẹsis 19:24

E Nọyaẹnmwa keghi gie ugbofi ne ọ giẹn ke odukhunmwu rhọ yan Sọdom kevbe Gomorra vbe udomwurri.

Gẹnẹsis 43:34

A kegha ke eteburu e Josẹf viọ evbare gie iran. A keghi gie evbare Bẹnjamin ye ukhukhu isẹn sẹ ọghe iran nekpa. Iran keghi guẹe re, guẹe da, ayọn te do gha gbe iran.

Job 18:10

A rhuẹ ifi lẹre ye otọ khẹ ọ re, a rhuẹ ifi ye odẹ ne ọ la khian.

Job 18:15

Ọmwaikọmwa sẹtin ya di owa ukpọn rẹn ya nian, iyeke vbe a ghi sa ugbofi ya gbele ọkhọe hin rre nẹ.

Job 20:23

A giee rri emwi ne ọ ho hia, Osanobua gha ya ohu kevbe okuosu rri ẹre oya.

Psalm 105:32

Ọ gie avan nukhunmwu, kevbe ayan ye otọe ni, ye ihe amẹ ne ọ rhọ.

Psalm 16:5

Wẹ ọkpa ọre I mwẹ Nọyaẹnmwa, wẹ vbe viọ emwi ne I i mwẹ hia mẹ. Ẹdẹ nakhuẹ mwẹ, obọ ruẹ ọre ọ ye.

Psalm 18:13

Ẹkpo nii, e Nọyaẹnmwa keghi van avan ke iso rre. A keghi họn urhu Ne ọ yo sẹẹ Ehia.

Psalm 32:10

Ẹi mwẹ ne ọmwa dan ghẹ rri oya, sokpan, iran ni mu ẹtin yan e Nọyaẹnmwa ahoẹmwọmwa rẹn ne ẹi beghe, degue iran.

Psalm 75:8

E Nọyaẹnmwa mu ukpu ọkpa mwẹ obọ ọ vuọn ne ayọn nọ wegbe ọghe izohu ẹre, ọ sa ẹe ladian avbe emwa dan keghi dae, iran dae ya sẹ ototọ ukpu fẹẹrẹ.

Aizaia 51:17

E Jerusalẹm, rhiọrre vbe ovbe! Huẹn egbe ruẹ ne u kpaegbe! U wọọn ukpu irrioya nẹ ne Nọyaẹnmwa mu nuẹn wọn vbe ohu mu irẹn u sii ẹe wọn kan otọ ukpu, u na ghi gha kpigogo.

Aizaia 51:22

E Nọyaẹnmwa ne Osanobua uwa mu ẹzọ uwa gui nẹ wẹẹ, “I gha miẹn uwa ukpu mwẹ ne I mu ne uwa vbe ẹghẹ ne ohu na gha mu mwẹ. Wa i ghi dọlegbe da ayọn ne ọ ya uwa kpigogo nii.

Jerimaia 13:25

Rẹn taa ẹe nẹ wẹ ọna ọ ra mian uwa. Ọna ọ re ọ wẹ rẹn ra ru uwa ẹre rhunmwuda, wa mianmian ẹẹn nẹ, wa na gha lele avbe ẹbọ ohoghe.

Ezikiẹl 13:13

Banbanna nian, vbenian ọ re Nọyaẹnmwa ne Udazi khare: “Vbe uwu ohu ne ọ mu mwẹ, I gha gie okpẹhoho, okpamẹ kevbe isan avan ni dele, ne iran dunmwu ekẹn nii uan.

Ezikiẹl 38:22

I gha ye emianmwẹ kevbe ukpọba gu ẹe khọn. Okpamẹ kevbe okpẹhoho, deba erhẹn kevbe ugbofi, ehia gha rhurhẹ yan rẹn kevbe ivbiyokuo ẹre, kevbe avbe uhunmwu ẹvbo nibun ni deba ẹre.

Habakọk 2:16

Erriọ ọ re a gha vbe ya ekhue yọ uwẹ ẹwu ye ihe uyi ne a gha te rhie ne uẹn, wẹ tobọ ruẹ gha da ayọn, u ghi gha ya owẹ fi otọe dọn khian. E Nọyaẹnmwa gha mu ukpu irri oya ọwuẹ ne uẹn wọn, a gha fi uyi ruẹ werriẹ ghe efaa.

Iyẹn ne ọ Maan Ọghe Luk 17:29

Ẹdẹ ne Lọt kpao vbe Sọdom zẹẹ, erhẹn vbe odan keghi rhọ ke ẹrinmwi rre, ọ na fuẹn iran hia ua.

Iyẹn ne ọ Maan Ọghe Jọn 18:11

Jesu tama Pita wẹ, “Rhie umozo ruẹ ye ako. U ma rẹn ighẹ ẹ i mwẹ I ma wọn ukpu orriara ne Erha mwẹ mu mẹ?”

I Samuẹl 1:4

Ẹghẹ ke ẹghẹ ne Ẹlkana ya zọ ese ẹre, ọ ghi ghae ne Penina kevbe ivbi ẹre, ọkpọkpa.

I Samuẹl 9:23

E Samuẹl keghi tama ọmwa ne ọ le evbare wẹẹ, “Rhie emiowo ne I fian mu ne uẹn mu hin rre ye efẹn ọkpa nii rre.”