Psalm 11:5 - Edo Bible (E Baibol Ẹdo) Version 1996

⁵ Rẹn ọ re ọ ghe ọmwa esi, ke ọmwa dan vbe abọ ọkpa ni. Ọ kakabọ khuiwu iran ne ẹi mu uhi sẹ.

Psalm 11:5 ပူးပေါင်းရင်းမြစ်များ

Gẹnẹsis 22:1

Ọ ghi kpẹe fua kherhe, Osanobua keghi danmwẹ Ebraham ghe; ọ tama rẹn wẹẹ, “Ebraham!” Ebraham keghi wanniẹn wẹẹ, “Ghe mwẹ, I danmwehọ!”

Psalm 10:3

Ọmwa dan ya emwi dan ne ọ khọnrẹn ghagha. Ọmwa uzuanmwẹ kpa unu ghe Osanobua, ọ keghi vbe he ẹe ye otọ.

Psalm 139:1

E Nọyaẹnmwa, wẹ danmwẹ mwẹ ghe nẹ, u vbe rẹn mwẹ nẹ.

Psalm 17:3

U gba ekhọe mwẹ. Wẹ ka bu mwẹ rre yi vbe asọn, u gualọ otọ mwẹ fo fẹẹrẹ. U ma vbe miẹn iho emwi dan vbe uwu ekhọe mwẹ, I ma ta ẹmwẹ dan.

Psalm 21:8

Ọba gha khọn munọ avbe eghian rẹn hia. Rẹn gha khọn munọ, iran ni khuiwu ẹre hia.

Psalm 26:2

Gualọ otọ mwẹ ne u vbe danmwẹ mwẹ ghe Nọyaẹnmwa, ne u vbe kha vbene I ho kevbe iziro ọghe ekhọe mwẹ ye hẹ.

Psalm 5:6

Wẹ fuẹn avbe ọhọn ohoghe fo fẹẹrẹ, wẹ keghi vbe sọnnọ emwa ibalegbe kevbe emwa erẹrẹ

Psalm 7:9

Osanobua ẹmwata ọ re uwẹ khin, wẹ keghi vbe bu ohiẹn iro ne ima zẹ, kevbe emwi ne ima ho. Dobọ emwi dan avbe emwa dan yi. Ne u vbe san avbe emwa esi ẹse.

Jerimaia 12:8

Emwa mwẹ ne I hannọ zẹ mu aro igbinna da mwẹ nẹ, iran gha vannọ okan yan mwẹ zẹ vbe oduma vbe uwu oha, rhunmwuda ọnii, ohu iran mu mwẹ.

Jerimaia 20:12

Sokpan, e Nọyaẹnmwa ne Oghodua wẹ danmwẹ emwa ghe vbene ọ kei yi; wẹ rẹn emwi ni rre ekhọe kevbe ẹko iran. Rhunmwuda ọnii, gun mwẹ miẹn vbe u rria avbe eghian mwẹ ikhi, rhunmwuda, wẹ ọ re I rhie ẹdagbọn mwẹ ye ọre obọ.

Zẹkaraia 11:8

Egbe avbe ọsuohuan eha ọvbehe ni khuiwu mwẹ keghi wọ mwẹ rhunmwuda ọnii, I na ru iran eheha emwi vbe uki ọkpa kẹkan.

Zẹkaraia 13:9

Mẹ gha danmwẹ obọkpa vbe uwu eha ni miẹn uhunmwu vbọ ghe. I ghi vbe kpe iran huan, vbene a kpe esiliva huan vbe erhẹn. I gha danmwẹ iran ghe vbene a danmwẹ igoru ghe. Ẹghẹ nii, iran gha na erhunmwu iran. I gha tama wẹ emwa mwẹ ọ re iran khin, iran ghi vbe miẹn kue wẹ mẹ ọrọre Osanobua iran.”

Malakai 3:3

Te irẹn ra do bu ohiẹn zẹ vbe ọmwa ne ọ kpe, kevbe ne ọ vbe ya esiliva khian ọgbọn. Zẹ vbene ogun ẹrọnmwọ kpe esiliva kevbe igoru, erriọ ukọ e Nọyaẹnmwa ra kpe avbe ohẹn huan ne iran miẹn ehe na gha viọ emwi ihaoko ne ọ kere gie Nọyaẹnmwa.

Jems 1:12

Afiangbe nọ ne ọmwa ne ọ ziẹn egbe vbe a gha danmwẹ ọẹn ghe, rhunmwuda a deghẹ ọ ma rrie edanmwẹ, ọ gha miẹn arrọọ rhie zẹ vbe ne Osanobua ve iran ni ho ẹmwẹ ọnrẹn re.

I Pita 1:7

Emwi ne ọ na sunu vberriọ ọrọre ne a miẹn ehe na ghe a deghẹ iyayi ẹmwata ọre uwa mwẹ. Igoru ne a miẹn wẹ ọ sẹtin rhia, uhin ighẹ te a ye ya erhẹn danmwẹ ọẹn ghe, rhunmwuda ọnii iyayi uwa ne ọ ya ọgbin igho ghan sẹẹ igoru, ẹ i mwẹ a ma danmwẹ ọẹn ghe, na ọ miẹn ehe na tọ. Erriọ ọre uwa gha na miẹn urhomwẹ, ọghọ, kevbe uyi rhie vbe Ẹdẹ ne Jesu Kristi gha ye egbe ne a miẹn.

I Pita 4:12

Ọse mwẹ ni ghan, wa ghẹ gie edanmwẹ nọwegbe ne uwa miẹn ẹghẹ na, yan uwa unu uan, zẹ vbe emwi ne a ma he miẹn ẹdẹ.