Psalm 11:4 - Edo Bible (E Baibol Ẹdo) Version 1996

⁴ E Nọyaẹnmwa rre uwu Ọgua Osa ẹre ne ọ huanrẹn, ẹkete ẹre rre ẹrinmwi. Ọ gha ghe emwa hia vbe ehe hia. Ọ rẹn emwi ne iran ru.

Psalm 11:4 ပူးပေါင်းရင်းမြစ်များ

I Krọnikol 17:5

Ke ẹghẹ ne I ya fan Izrẹl vbe irri gha dee do sẹ ẹdẹnẹrẹ na, I ma he di Ọgua Osa ya, uwu owa ukpọn ọre I gha dia, I ghi vbe gha si ke ihe ọkpa la ọvbehe.

II Krọnikol 16:9

Te Nọyaẹnmwa wa rhie aro sẹ otọ vbe agbọn na hia ne ọ miẹn ehe na rhie ẹtin ne iran ne ekhọe ẹre mudia ẹse vbe ehe ne ọ ye. Emwi ukọnmwẹ ọ re u wa ru ni rhunmwuda ọnii nian, ke eban kpao, okuọ ọ re u ghi ra gha khọn ẹghẹ hia.”

Job 24:23

Osanobua sẹtin giee gha rrọọ vbe a i mwẹ ẹbe, sokpan ọ wa baba ẹe vbe ẹghẹ hia.

Psalm 103:19

E Nọyaẹnmwa mu ẹkete ẹre ye ẹrinmwi, rẹn ọrọre ọba yan ehia.

Psalm 113:5

ọmwa ọkpa ne ọ yevbe Nọyaẹnmwa Osanobua mwa i rrọ. Ehe ne ọ yo vbe odukhunmwu ọ re ọ ye,

Psalm 139:23

Gualotọ mwẹ Nọyaẹnmwa, ne u rẹn vbene ekhọe mwẹ ye hẹ; danmwẹ mwẹ ghe, ne u rẹn iro ekhọe mwẹ.

Psalm 14:2

E Nọyaẹnmwa keghi ke odukhunmwu ghe emwa nagbọn ghe, a deghẹ ọkpa rrọọ ne ọ mwẹ ẹwaẹn, ọkpa ne ọ vbe ga ẹe.

Psalm 18:6

vbe uwu ibaro mwẹ, I da tie Nọyaẹnmwa, I da tie Nọyaẹnmwa ne ọ do yọmwẹ obọ. Ọ họn urhu mwẹ vbe uwu Ọgua Osa ẹre. Ọ họn ẹn vbe I da tie ẹre ne ọ do yọmwẹ obọ.

Psalm 2:4

E Nọyaẹnmwa giee ke ẹkete ẹre vbe ẹrinmwi rre, ọ keghi vbe ya uma eghẹrẹ iran gbogiẹ.

Psalm 33:13

E Nọyaẹnmwa gbearoghe otọe ke ẹrinmwi rre. Ọ keghi bẹghe emwa nagbọn hia.

Psalm 44:21

wẹ gha wa gualọ ẹe miẹn nẹ, rhunmwuda, wẹ rẹn iro ẹkhokho ekhọe mwa.

Psalm 66:7

Ẹtin ẹnrẹn ọ re ọ ya khaemwisẹ, rhinrin ẹdẹ. Ọ rhie aro ye otọ vbe egbe avbe agbọn ẹvbo wa ghẹ gie avbe etẹ sọtẹ ọre.

Psalm 9:11

Wa so ihuan ghe Nọyaẹnmwa, ne ọ khaemwisẹ vbe Zaiọn! Wa na iyẹn emwi ne ọ ru ma uhunmwu ẹvbo hia!

Itan 15:3

E Nọyaẹnmwa bẹghe emwi ni sunu vbe ehe hia, rẹn gha ghe ima, deghẹ emwi esi ma ru ra emwi dan.

Aizaia 66:1

E Nọyaẹnmwa khare wẹẹ, “Ẹrinmwi ọrọre ẹkete mwẹ, agbọn ọrọre ukhuerhe ne I viọ owẹ yan. De egbe owa ne uwa ghi ra họ mẹ khekherriọ, de egbe ehe ne uwa ra rhie mẹ ne I gha dia?

Jerimaia 17:10

Mẹ ne Nọyaẹnmwa ọ re ọ gualọ otọ ẹko ghe, I vbe gualọ otọ ekhọe ọmwa, vbe ne dọmwadẹ ọghọe ru emwi, ọ re I vbe ya ye ohọ mu ẹẹn. Zẹ vbene emwi ne ọ ru vbe ye.”

Jerimaia 23:24

Orhiọnkpa ne ọ gha sẹtin lẹre ye ehe ne imẹ i ra na bẹghe ẹre i rrọọ. Wẹ ma rẹn ighe ehe hia ọ re imẹ ye vbe ẹrinmwi kevbe agbọn?

Maika 1:2

Wa danmwehọ ẹmwẹ na, wa ne uhunmwu ẹvbo hia, wa danmwehọ, wa hia ni rre agbọn na! E Nọyaẹnmwa ne Udazi gha sẹ osẹe gbe uwa. Danmwehọ. Ọgua Osa ẹre vbe ẹrinmwi ọ re ọ ke guan rre.

Habakọk 2:20

E Nọyaẹnmwa rre uwu Ọgua Osa ẹre nọhuanrẹn, wa gie emwa hia ni rre otọ agbọn gbẹdọ hiii vbe odaro ẹre.

Zẹkaraia 2:13

Wa gbẹdọ, wa ne emwa hian fẹẹrẹ, vbe ehe ne Nọyaẹnmwa ye, rhunmwuda, rẹn ke ehe nọhuanrẹn ne irẹn dia dee.

Matiu 23:21

Ọmwa gha ya Ọgua Osa vẹn ihẹn, Ọgua Osa kẹe kevbe Osanobua ne ọ rrọọ, ọre ọ ya vẹn ihẹn.

Matiu 5:34

Sokpan mẹ tama uwa nian, ghẹ vin ihen hiehiere. Ghẹ ya ẹrinmwi vin ihen rhunmwuda ẹkete Osanobua nọ.

Iwinna 7:49

“ ‘Ẹrinmwi ọrọre ẹkete mwẹ, agbọn ọrọre ukhuerhe ne I viọ owẹ yan. Vbe ọ khun owa ne uwa ra bọ mẹ yi? De ehe ne I na hẹwẹ yi?

II Tẹsalonaika 2:4

Rẹn gha ghe odan ye emwi hia ne emwa ghi gho nẹ, kevbe emwi hia ne emwa ghi tie ẹre ne ọ huanrẹn. Rẹn ghi tọn egbe ẹre mu sẹ ehia fẹẹrẹ, uhin ọ ghi ya tota ye Ọgua Osa ọghe Osanobua, ọ ghi wẹ rẹn ọre ọ ghi re Osanobua!

Hibru 4:13

Emwi ọkpa ne a sẹtin rhie lẹre ne Osanobua ẹ i rrọọ. Emwi hia ni rre ehe ne agbọn sẹe ehe ne ọ rhanmwẹ, te a fannọ ehia a, a na vbe wa ẹre ye otọ vbe odaro ẹre. Rọẹn ni ọre ima ra ya ye unu mwa na iyẹn egbe mwa ma.

Arhie Maan 4:2

Vbe ọwarọkpa nii, Orhiọn keghi hin yan mwẹ. Vbe odukhunmwu vbe ẹrinmwi, ẹkete ọkpa kegha rrọọ, orhunmwu ọkpa keghi tota yọọ.