Psalm 11:1 - Edo Bible (E Baibol Ẹdo) Version 1996

¹ E Nọyaẹnmwa ọ re I mu ẹtin yan ne ọ wan ẹbe yo mẹ. Te uwa kọẹn ne uwa na tama mwẹ wẹẹ, “Tin zẹvbe ahianmwẹ, gha rriẹ uhunmwu oke.

Psalm 11:1 ပူးပေါင်းရင်းမြစ်များ

II Krọnikol 14:11

Asa keghi na erhunmwu ghe Nọyaẹnmwa ne Osanobua ẹre wẹẹ, “U gha sẹtin rhie iyobọ ne ivbiyokuo ne ọ ma wegbe zẹ vbe ne u gha vbe sẹtin rhie iyobọ ne ne ọ wegbe. Ye ima obọ nian Nọyaẹnmwa rhunmwuda, wẹ ọre ima mu ẹtin yan, eni ruẹn ọ re ima ya ladian ne a do gu ivbiyokuo ọrhẹnrhẹn na gbinna. E Nọyaẹnmwa, wẹ ọrọre Osanobua mwa, ọmwa ne ọ gha kha ighẹ obọ irẹn gha ke ukhunmwu ne uwẹ ẹ i rrọ.”

II Krọnikol 16:8

Avbe ivbi e Sudan kevbe Libya ma gha mwẹ ivbiyokuo ni bun ra deba ikẹkẹ okuọ ni bun kevbe avbe emwa ni hin ẹsin? Sokpan, rhunmwuda ne u na mu ẹtin yan e Nọyaẹnmwa, ọ keghi gie obọ ruẹ ke ukhunmwu ne ọghe iran.

Nehimaia 6:11

Mẹ keghi wanniẹn wẹẹ, “Mẹ i re okpia ne ọ lẹ fua ya gha lẹre. Wẹ yayi wẹ mẹ gha ya lẹre ye uwu Ọgua Osa ne I ghẹ miẹn ehe na wu? I i ruẹe.”

Psalm 16:1

Rhie mwẹ lẹre Osanobua, rhunmwuda, wẹ ọ re I lẹgbinna.

Psalm 25:2

Osanobua mwẹ, wẹ ọ re I mu ẹtin yan. Miẹn mwẹ fan hin obọ; efaa ọghe a mu ọmwa gbotọ, ghẹ gie avbe eghian mwẹ ghọghọ mwẹ.

Psalm 31:14

Sokpan, Nọyaẹnmwa, wẹ ọ re I mu ẹtin yan. Wẹ ọrọre Osanobua mwẹ,

Psalm 56:11

Rẹn ọ re I mu ẹtin yan ohan i ra mu mwẹ de emwi ne ọmwa kẹkan gha sẹtin ru mwẹ re?

Psalm 7:1

E Nọyaẹnmwa Osanobua mwẹ, I bu ruẹ rre ne I do lẹ gbinna an. Fan mwẹ ye otọ, ne u vbe miẹn mwẹ fan vbe obọ iran ni khu mwẹ khian.

Psalm 7:2

Ne iran ghẹ ya mu mwẹ gha rriẹ, zẹ vbe oduma, vbe ne ọmiọnmwafan i na rrọọ. Iran ghi yanghan mwẹ ye otọ, ukhiọnmwẹ ukhiọnmwẹ.

Psalm 9:10

Nọyaẹnmwa, iran ni rẹn ruẹn gha mu ẹtin yan ruẹn. Wẹ i fi iyeke gbe ọmwaikọmwa, ne ọ lẹ bu ruẹ rre.

Itan 6:5

Zẹ egbe vbe ifi nii zẹ vbene ahianmwẹ ra ẹrhuẹ lẹ fe ohuẹ.

Jerimaia 48:14

“Ivbi e Moab, vbe uwa na kha hẹ yi ighẹ ọkhae wa khin? Ivbiyokuo ni din, ne a danmwẹ ghe nẹ vbe okuo.

Iyẹn ne ọ Maan Ọghe Luk 13:31

Ẹghẹ nii ọre avbe Farisi eso na bu Jesu rre, iran tama rẹn wẹẹ, “Kpao vbe emwa rre ne u gha rrie ehe ọvbehe rhunmwuda Hẹrọd ho ne ọ gbe uẹ ua.”

I Samuẹl 19:11

Vbe asọn ọkpa nii, e Sọl keghi gie emwa eso ne iran ya gha khẹ owa e Devid, ne iran gbe ẹe rua vbe ẹdẹ a ghi gbe. Ẹre Mikal ne amwẹ Devid na ya tama rẹn wẹẹ, “A deghẹ u ma lẹfua asọn na, ikun ruẹn ọre a khian mu ẹdẹ ne akhuẹ.”

I Samuẹl 20:38

Ghẹ mudia ye evba, zẹgiẹgiẹ!” Ọvbokhan okpia nii keghi rhọ avbe ifẹnmwẹ nii, ọ na dọlegbe bu arowa ẹre gha dee,

I Samuẹl 22:3

E Devid keghi ke evba kpao gha rrie Mizpa ne Moab, ọ keghi tama ọba e Moab wẹẹ, “Lahọ gie erha mwẹ kevbe iye mwẹ do tota ke uẹ I te do rẹn emwi ne Osanobua khian ru mẹ.”

I Samuẹl 23:14

E Devid keghi ya lẹre ye ẹvbo uhunmwu oke ne oha vbe ọkpẹn e Zif. E Sọl kegha hia vbe odẹikodẹ ne obọ irẹn vba ẹre, sokpan Osanobua ma rhie ẹre ne ẹẹn.

I Samuẹl 27:1

E Devid keghi tama egbe ẹre wẹẹ, “E Sọl gha gbe mwẹ uan ẹdẹ ọkpa. Emwi ne ọ ke mẹ sẹ ne I gha ru ọrọre ne I lẹ fua gha rrie Filistia. Ẹghẹ nii, e Sọl ghi hẹwẹ vbe ne ọ na te gualọ mwẹ khian vbe otọe Izrẹl, ẹghẹ nii, I ghi do miẹn uhunmwu.”