Psalm 109:18 - Edo Bible (E Baibol Ẹdo) Version 1996

¹⁸ Te ihẹn ne a tie ghi gua ẹre obọ ro, zẹ vbe ne ẹwu ne ọ yọ ye ne ẹẹn; te ihẹn ne ọ tie gha rọn la ẹre egbe zẹ vbe amẹ; kevbe la uwu ugboloko ẹre zẹvbe ofigbọn!

Psalm 109:18 ပူးပေါင်းရင်းမြစ်များ

Job 29:14

Uhẹn uhẹn ọ re I hẹko gha ru emwi re.

Psalm 109:19

Zevbe ukpọn, ọ ghi gba ẹre egbe khinkhian zẹvbe ugbẹkun.

Psalm 73:6

Rhunmwuda ọnii, iran ghi ya itengbemu tee egbe, zẹ vbe emwiurhu, kevbe ọkpankpan, zẹvbe ẹwu.

Nọmbas 5:22

Te amẹ na gha la ruẹ ẹko, ne ọ ya ẹe hue ladian ne ọ vbe gie ẹgẹn ruẹn kpero.” Okhuo ni ghi wanniẹn wẹẹ, “I khuẹn niẹn yọ, te Nọyaẹnmwa gha ru ẹe vberriọ.”

Nọmbas 5:27

A deghẹ okhuo nii gele ghẹ, amẹ nii gha si obalọ orriara, ye ọre egbe, ẹko ẹre ghi hue, ẹgẹn ọnrẹn ghi kpero, eni ẹnrẹn ghi khian ne a ya tie ihẹn vbe ẹbu emwa rẹn.

Matiu 26:24

Ovbi Ọmwa gha gele wu zẹ vbene Ebe tae ye otọ nẹ, sokpan ọsọre ighe ọmwa ne ọ gha rhie Ovbi Ọmwa maa! Ọ gha te maa ne ẹn sẹ akpawẹ a ma biẹ ọe!”

Iwinna 1:18

(Judas keghi rhie igho ne ọ miẹn vbe ẹki dan ne ọ do, ọ keghi ya ẹe dẹ ako oha ọkpa, evba ọre ọ na ya de wu, ọ keghi vuaa, emwi ni rre uwu egbe ẹre hia keghi yalọ ku otọ.

Iwinna 1:25

Ne ọ mudia vbe uwu iwinna ukọ na, ye ihe ne Judas sẹrae gha rrie ehe ne ọre ọghọe.”

Kọlose 3:12

Emwa Osanobua ọre uwa khin, ọ ho ẹmwẹ uwa, ọ keghi vbe hannọ uwa zẹ ne ọ ya ru ọghọe, rhunmwuda ọnii, wa gha mwẹ ekhọe agiẹngiẹn, itohan imuegberriotọ, ọmẹhẹ, ufumwẹ kevbe iziengbe.

Kọlose 3:8

Banbanna nian, te uwa gha sẹ avbe emwi na hia rae, ohu orriarria kevbe ẹko ọmwa khọ ọmwa. Ghẹ tie ihẹn ra ne u gha ta ẹmwẹ ihin ladian vbe unu.

I Pita 5:5

Erriọ vbe nọ zẹẹ, wa ne igbama, wa gha gbe uhunmwu ke otọ ne avbe eniwanrẹn. Wa hia fẹẹrẹ ghi rhie ukugba imuegberriotọ gba, ne uwa ya gha ru ne egbe rhunmwuda ebe khare wẹẹ, “Osanobua mu aro igbinna da e nọ tọn egbe mu, sokpan ọ ghi gha rhie ẹsọhẹ ne ne ọ mu egbe rri otọ.”