Psalm 109:16 - Edo Bible (E Baibol Ẹdo) Version 1996

¹⁶ Oko nii ma zẹdẹ rẹn wẹ a vbe tohan ọmwa hiehiere, ọ ghi gbele iran an.

Psalm 109:16 ပူးပေါင်းရင်းမြစ်များ

Gẹnẹsis 42:21

Iran keghi gu egbe iran guan wẹẹ, “Emwi ne ima ru ọtẹn mwa re i maa. Aro ima sọe vbene obọ dae sẹ hẹ vbe ẹghẹ ne ọ na gha rinmwian ima ne a lahọ vbe egbe irẹn, sokpan ma ma danmwehọ ẹre. Ọnii ọ re ọ si ọlọghọmwa na ye ima egbe.”

Psalm 10:14

Sokpan, wẹ bẹghe ẹre, wẹ vbe zẹ ye ọlọghọmwa kevbe oya ne emwa re, u vbe mu egbe ne u ya ru iyobọ ẹghẹ hia. Wẹ, ọ re ọmwa ne ne ẹi mwẹ iyobọ lẹgbinna, wẹ ọ re ọ ye ne ẹi mwẹ iyobọ obọ, ke otọ gha dee.

Psalm 10:2

Iran ne emwa dan tọn egbe mu, iran gha zẹ ivbiogue kpokpo, ya ifi ne iran khuẹn munọ iran.

Psalm 34:18

E Nọyaẹnmwa sikẹ iran, ne agbọn zẹ ọre ẹtin. Ọ vbe miẹn iran hia ne ẹtin emwi hia fo nẹ fan.

Psalm 37:14

Avbe emwa dan yuo umozo iran an, iran vbe si uhanbọ iran tua, ne iran ya gbe ovbiogue kevbe ne ẹi mwẹ ne iran lọkọ iran ni ru emwi ẹse.

Psalm 37:32

Ọmwa dan ghi gha baba ọmwa esi, ọ ghi gha hia ne ọ gbẹe rua.

Matiu 5:7

Ọ maa ne iran ni tohan emwa ọvbehe, Osanobua gha tohan iran!

Jems 2:13

Rhunmwuda, ọmwa ne ọ ma mwẹ itohan, Osanobua i ra tohan rẹn vbe ọ a gha bu ohiẹn, sokpan itohan ọre ọ khọnmiotọ ibuohiẹn.