Psalm 109:12 - Edo Bible (E Baibol Ẹdo) Version 1996

¹² Ai gha miẹn ọmwa ne ọ gha tohan rẹn, ra ne ọ gha koko emọ ne ẹ i mwẹ erha ne ọ sẹrae.

Psalm 109:12 ပူးပေါင်းရင်းမြစ်များ

Job 5:4

Ivbi iran i sẹtin gha rrọ vbe a i mwẹ ẹbe; a i miẹn ne ọ mudia gui ẹzọ iran vbe iko.

Aizaia 13:18

Iran gha ya uhanbọ kevbe ifẹnmwẹ gbele avbe igbama, iran i ra vbe tohan avbe emobọ ra ibiẹka.

Aizaia 27:11

Abọ avbe erhan luẹluẹe, ehia vbe bunnọ kua. Te ikhuo ghi ho iran ya koko. Rhunmwuda wẹ, avbe emwa ni ma rẹn otọ emwirhọkpa, Osanobua ne Ayi ne ọ yi iran i ra tohan iran, ra ne ọ vbe mwẹ ekhọe agiẹngiẹn ghe iran.

Aizaia 9:17

Rhunmwuda ọnii, e Nọyaẹnmwa I ra gie ọkpa lẹfe vbe uwu avbe igbama ni rrọọ, ẹ i ra vbe tohan avbe ẹgbẹ kevbe emọ ne ẹ i mwẹ erha, rhunmwuda emwa dan ne emwa dan ọ re avbe emwa nii hia wa khin, ẹmwẹ ne iran ta hia, ọkhọ ọ re ehia khin. Ọ rhe ye vberriọ, ohu e Nọyaẹnmwa i he ye fo, te obọ ẹre gha ye niẹn ladian ne ọ rria ikhi.

Matiu 27:25

Emwa ni hia keghi wa wanniẹn wẹẹ, “Gie emwi dan ne ọ gha rhunmwuda uwu ẹre na sunu gha rre uhunmwu ima kevbe ọghe ivbi ima.”

Iyẹn ne ọ Maan Ọghe Luk 6:38

Rhie ne emwa ọvbehe, Osanobua gha vbe rhie ne uwa, omwa ne ọ vuọẹn, iyobọ ne wọrhọ, a ghi gha kun ẹnrẹn yuẹ obọ vbene u gha sẹtin mu sẹ. Omwa ne u ya mwa ne ẹrrẹe ọre Osanobua ra vbe ya mwa nuẹn.”

Jems 2:13

Rhunmwuda, ọmwa ne ọ ma mwẹ itohan, Osanobua i ra tohan rẹn vbe ọ a gha bu ohiẹn, sokpan itohan ọre ọ khọnmiotọ ibuohiẹn.