Psalm 108:7 - Edo Bible (E Baibol Ẹdo) Version 1996

⁷ Osanobua guan ke uwu owa ẹre ne ọ huanrẹn rre wẹẹ, “Vbe uwu akhọnmiotọ, I gha ghae Siẹkẹm, I ghi vbe ghae Iya Sukọt ne emwa mwẹ.

Psalm 108:7 ပူးပေါင်းရင်းမြစ်များ

Gẹnẹsis 33:17

Sokpan e Jekọb kegha rrie Sukọt ehe ne ọ na ya bọlọ owa ne egbe ẹre kevbe irhu ne avbe emwirri ẹre. Ọnii ọ siẹe ne a na tie evba nii Sukọt.

Psalm 60:7

Ọghomwẹ ọre Giliad khin, kevbe Manasẹ ba ẹre. Ifreim ọrọre ẹrhu mwẹ, e Juda ọrọre ọkpọ ọba mwẹ.

Emọs 4:2

Zẹ vbene Nọyaẹnmwa ne Udazi na re nọhuanrẹn, ọ yan nẹ wẹẹ, “Ẹdẹ dee ne a gha ya ẹghọ silo uwa ladian, dọmwadẹ ọghọe vbe uwu uwa gha ye vbe ehẹn ne ọ rre ẹghọe.

Jọsua 17:7

Otọe Manasẹ keghi ke Asia ya sẹ Mikmetat vbe odẹ ahọ ọghe Siẹkẹm. Ọ keghi vbe ya la odẹ ekẹn ya sẹ ehe ne avbe Ẹntapua ye.

Jọsua 20:7

Rhunmwuda ọnii, vbe odẹ orrie ọghe Jọdan iran na zẹ Kedẹs; vbe Galili ne ẹvbo oke e Naftali; e Siẹkẹm vbe Ifreim ne ẹvbo oke, kevbe Hibrọn vbe Juda ne ẹvbo oke.

Jọsua 24:1

E Jọsua keghi si avbe ẹwae Izrẹl hia koko vbe Siẹkẹm. Ọ keghi tie avbe ediọn, avbe ọkaolotu, avbe enibuohiẹn kevbe avbe ekamakodin Izrẹl, iran kegha die odaro Osanobua.

I Pita 1:3

Wa gie ima rhie ekpọnmwẹ ne Osanobua ne Erha kevbe Nọyaẹnmwa Jesu Kristi! Rhunmwuda itohan rẹn nọkhua, ọ keghi rhie arrọ ọghe ọgbọn ne ima, vbe ekpa ne ọ na huẹn Jesu Kristi kpao vbe orinmwi. Ọ na rhie idaehọ ne ọ ma wu vuọn ima.

I Pita 1:8

Egbe ne uwa ma rhe ya miẹn ọre aro, wa ye ho ẹmwẹ ọnrẹn, egbe ne uwa ma he rhie ye miẹn ọẹn nian, wa ye ya ẹe yi, wa keghi ya ọyẹnmwẹ nọkhua, ọ ghe uyi ne ẹ i gia gie, sẹ ọyẹnmwẹ.