Psalm 108:6 - Edo Bible (E Baibol Ẹdo) Version 1996

⁶ Ya ẹtin ruẹn miẹn mwa fan; họn erhunmwu mwẹ ne a miẹn ehe na fannọ emwa ruẹn ne u ho ẹmwẹ ọnrẹn ye otọ.

Psalm 108:6 ပူးပေါင်းရင်းမြစ်များ

II Samuẹl 12:25

Ọ na wẹ ne Natan he ẹre Jedidaia rhunmwuda, e Nọyaẹnmwa ho ẹmwẹ ọnrẹn.

I Ọba 18:24

Wa wẹ ne avbe akhasẹ e Bal na erhunmwu ghe ẹbọ iran, mẹ gha vbe na erhunmwu ghe Nọyaẹnmwa. Ne ọ ghi rhirhi rhie ewanniẹn yọ, ọ na gie erhẹn rre, onii ọre Osanobua.” Emwa ni hia keghi wa khuẹnniẹn yọ.

I Ọba 18:26

Iran keghi mu ẹmila ne a mu gie iran, iran na mwamwa ẹẹn, iran na gha na erhunmwu ghe e Bal ya sẹ ẹghẹ ogiavan. Iran kegha go kha wẹẹ, “E Bal zẹ ẹmwẹ wanniẹn ima.” Iran na gha ku lẹga aka ne iran gba ẹe nii. Sokpan, ewanniẹn ma rre.

I Ọba 18:29

Iran na gha vannọ, iran na gha go ọ te ya sẹ ẹghẹ ogiavan, sokpan ewanniẹn ma rre, a ma họn urhu rhọkpa.

Psalm 54:1

Ya ẹtin ruẹn miẹn mwẹ fan Osanobua ya iwegbe ruẹ rhan mwẹ ye otọ.

Psalm 57:6

Avbe eghian mwẹ rhuẹ ọga yotọ ne iran mu mwẹ, akhiẹ gbe mwẹ fi otọ iran tọn uye ye odẹ ne I la, sokpan, iran tobọ iran kharha yọ.

Ẹksọdọs 15:6

E Nọyaẹnmwa, ọyunnuan ọre ẹtin obọ erha ọmwa ruẹn khin, ọ guọghọ avbe eghian rẹnkhẹnrẹnkhẹn.

Aizaia 65:24

Iran te na erhunmwu fo, erhunmwu iran mẹ họn nẹ.

Jerimaia 33:3

“Kpe tie mwẹ, I gha khuẹnniẹn. uẹn I gha ta ẹmwẹ ọyunnuan ni mu ohan ne u ma he rẹn emwirhọkpa vbe ekpa ẹre ma ruẹn.

Matiu 17:5

Vbene ọ wa guan ni, okuku ne ọ fi wain wain keghi rhu gue iran, urhu ọkpa keghi ke uwu okuku nii guan ladian wẹẹ, “Ọna ọre ovbi mwẹ ne I ho ẹmwẹ ọnrẹn kevbe ne ọ ghan, wa danmwehọ ẹre.”

Matiu 3:17

Urhu ọkpa keghi ke ẹrinmwi rre wẹẹ, “Ọna ọre ovbi mwẹ ni ho ẹmwẹ ọnrẹn, ọmwa ne ekhọe mwẹ rhiẹnrhiẹn ghe ẹsẹsẹmwẹse.”

Ebe ne Pọl gbẹẹn gie emwa Rom 1:7

Rhunmwuda ọnii, ọre I na gbẹn ebe gie uwa hia ni rre Rom ne Osanobua ho ẹmwẹ ọnrẹn, ọ na tie uwa ne uwa do gha re emwa irẹn. Te Osanobua ne Erha mwa kevbe Nọyaẹnmwa Jesu Kristi gha rhie ẹsọhẹ kevbe ọfumwegbe ne uwa.

Ẹfisọs 1:6

Wa gie ima rho Osanobua ye ẹsọhẹ nọ mwẹ uyi ọghọe, kevbe emwi ọhẹ ne ọ ya ru ima ẹse, vbe uwu ovbi ẹre ne ọ ghan!

Diuteronomi 33:12

Ọ keghi kha vbekpa ẹwae Bẹnjamin wẹẹ: “Ewae ne Nọyaẹnmwa ho ẹmwẹ ọnrẹn ne ọ vbe degue ẹdẹgbegbe iran ya rrọọ vbe a i mwẹ ẹbe vbe odaro ẹre. Ọ keghi vbe di uwu ẹbu iran ya.”

Kọlose 3:12

Emwa Osanobua ọre uwa khin, ọ ho ẹmwẹ uwa, ọ keghi vbe hannọ uwa zẹ ne ọ ya ru ọghọe, rhunmwuda ọnii, wa gha mwẹ ekhọe agiẹngiẹn, itohan imuegberriotọ, ọmẹhẹ, ufumwẹ kevbe iziengbe.