Psalm 108:1 - Edo Bible (E Baibol Ẹdo) Version 1996

¹ Osanobua, ekhọe mwẹ wa sẹ otọ vbe ẹmwata, I gha so ihuan, I gha rho ruẹ! Rhiọrre, wẹ ekhọe mwẹ!

Psalm 108:1 ပူးပေါင်းရင်းမြစ်များ

Psalm 104:33

I gha so ihuan ghe Nọyaẹnmwa, vbe ẹdẹ agbọn mwẹ hia, inu ẹghẹ ne I gha ya vbe agbọn hia; I gha so ihuan urhomwẹ ghe Osanobua mwẹ.

Psalm 138:1

Ekhọekekhọe mwẹ hia, ọ re I ya kpọnmwẹ ọn Nọyaẹnmwa, mẹ so ihuan rho ruẹ, sirra avbe iran ne ẹbọ.

Psalm 145:21

Mẹ gha rho e Nọyaẹnmwa vbe ẹghẹ hia, wa gie emwi ne ayi hia rho eni ẹnrẹn ne ọ huanrẹn ẹdẹdẹmwẹdẹ.

Psalm 16:9

Rhunmwuda ọnii, I kpọnmwẹ, I keghi vbe ghọghọ, ekhọe wa sẹ mwẹ otọ ẹsẹse

Psalm 30:12

Rhunmwuda ọnii, mẹ i ra hunwan I gha so ihuan urhomwẹ ghe ruẹ e Nọyaẹnmwa, wẹ ọrọre Osanobua mwẹ I gha rhie ekpọnmwẹ ne uẹn rhinrin ẹdẹ.

Psalm 34:1

I gha kpọnmwẹ Nọyaẹnmwa vbe ẹghẹ hia. Mẹ i ra dobọ urhomwẹ ọnrẹn yi ẹdẹ.

Psalm 68:1

E Nọyaẹnmwa gua kpaegbe, ọ keghi zagha avbe eghian rẹn kua ọ munọ iran ni sọtẹ ghe ẹre gbotọ iran keghi lẹẹ.

Psalm 71:15

I gha na iyẹn umamwẹ ruẹn ne ebi ro I gha na iyẹn imiẹnfan ruẹn a gha rhe miẹn wẹ ọ gberra ne imẹ gha sẹtin rẹn otọ ẹre.

Psalm 71:8

Te imẹ ra rho ruẹ ne ebi ro, I ghi vbe gha wewe uyi ruẹ.

Ẹksọdọs 15:1

Ẹre Mosis kevbe ivbi Izrẹl na zẹ ihuan so ghe Nọyaẹnmwa wẹẹ, “I gha so ihuan ne Nọyaẹnmwa rhunmwuda ọ miẹn akhọnmiotọ ne ọ mwẹ uyi, ọ filo avbe ẹsin kevbe iran nii hin ẹnrẹn ku uwu okun.